Sýningin Á söguslóð Þórðar kakala formlega opnuð í gær
Það var margt um manninn í gær þegar forseti Íslands, hr. Guðni Th. Jóhannesson, og Þórdís Kolbrún R. Gylfadóttir, ferðamála-, iðnaðar- og nýsköpunarráðherra, klipptu á borða og opnuðu formlega sýningu fjórtán alþjóðlegra listamanna sem sköpuðu margbrotin verk um hina stórkostlegu sögu Sturlunga, í Kakalaskála á Kringlumýri í Skagafirði. Ber hún heitið Á söguslóð Þórðar kakala.
Reyndar má segja að listamennirnir hafi verið fleiri því listilega hlaðnir grjótveggir, sem afmarka básana í sýningarskálanum, voru gerðir af þeim Sigurði Hansen og Jóhanni Guðmundssyni, Jóa í Stapa, auk þess sem Siggi á snilldarlega ort kvæði sem ber nafnið Kakali í Konungsgarði.
Í upphafi dagskrár upplýsti Sigurður hvernig vinna hans að þeim verkefnum sem tengjast Sturlungum og hans manni, Þórði Kakala, hófust en sú vinna hefur staðið yfir í um áratug. Voru þau hjón, Sigurður og María Guðmundsdóttir, á leið niður afleggjarann en Sigurður, hafði sett fram tilgátu um það hvernig og hvar bardaginn hafi átt sér stað en átti ekki auðvelt með að útskýra það nákvæmlega. Minntist hann þá á það við konu sína að honum hafi dottið í hug að sviðsetja bardagann. „Já, blessaður gerðu það,“ svaraði hún þá. Úr varð eitt stærsta útilistaverk landsins sem staðsett er steinsnar frá bænum.
Sýningin Á söguslóð Þórðar kakala samanstendur af 30 listaverkum og hljóðleiðsögn sem sýnir fólk, atburði og staði er tengjast lífi Þórðar kakala sem var einn mesti kappi Sturlungaaldarinnar.
Eins og Guðmundur Stefán, sonur Sigurðar og Maríu, sagði í dagskrárkynningu þá er engin skemmtun fullkomin í Skagafirði öðruvísi en Karlakórinn Heimir hefji upp raust sína. Sungu þeir nokkur lög og meðal annars Upp skal á kjöl klífa eftir Þórir Jökul sem orti á dánarbeði sínu en hann var veginn við Miklabæ eftir Örlygsstaðabardaga. Stefán R. Gíslason, söngstjóri, samdi lag við kvæðið og sjá má flutning Heimismanna hér fyrir neðan.
Tengd frétt: Opið hús í Kakalaskála
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
