UMSS 110 ára
Ungmennasamband Skagafjarðar, UMSS, fagnar 110 ára afmæli í dag en félagið var stofnað þann 17. apríl árið 1910. Stofnendur sambandsins voru þrjú ungmennafélög í Skagafirði, Ungmennafélagið Æskan Staðarhreppi, Ungmennafélagið Framför Lýtingsstaðahreppi og Ungmennafélagið Fram í Seyluhreppi en bráðabirgðastjórn hafði þá setið frá 20. febrúar sama ár. Fyrsta stjórn sambandsins var skipuð þeim Brynleifi Tobíassyni sem var formaður, Árna J. Hafstað, ritara og Jóni Sigurðssyni, gjaldkera.
Aðildarfélögum fjölgaði eftir því sem leið á öldina. Í fróðlegri grein um afmælisbarnið sem birtist í dag á vef UMSS segir að fyrstu 50 árin hafi tólf félög gengið í sambandið og efldist starfsemin smátt og smátt og á það að baki glæsta sögu. Meðal helstu stórverkefna sem sambandið hefur tekist á hendur eru landsmót UMFÍ, það fyrsta var haldið árið 1971 og var þá gert stórátak í uppbyggingu keppnisaðstöðu á Sauðárkróki. Síðan þá hafa verið haldin fimm landsmót á Sauðárkróki,það síðasta sumarið 2018, og hafa þau öll tekist með miklum ágætum og verið mikil lyftistöng fyrir íþróttalíf í firðinum.
Stefnt var á að halda ársþing sambandsins þann 7. apríl síðastliðinn en af því gat ekki orðið vegna samkomubanns af völdum COVID-19 faraldursins. „Þetta eru skrýtnir tímar,“ segir Klara Helgadóttir, formaður UMSS í viðtali á vef UMFÍ. „Við ætluðum að hafa veglegt ársþing í apríl, bjóða upp á þriggja rétta veislu með ljúffengu kjöti úr Skagafirði fyrir hátt í 90 manns, þingfulltrúa, gesti og fleiri. Þetta átti að vera stórt þing, það hundraðasta að viðbættu afmælinu. En ætli við gerum nokkuð fyrr en í haust.‟
Aðildarfélög UMSS eru nú tíu talsins; ungmennafélögin Hjalti, Neisti og Tindastóll, Ungmenna- og Íþrótttafélagið Smári, Hestamannafélagið Skagfirðingur, Íþróttafélagið Gróska, Golfklúbbur Sauðárkróks, Bílaklúbbur Skagafjarðar, Vélhjólaklúbbur Skagafjarðar og Siglingaklúbburinn Drangey. Stjórn sambandsins skipa þau Klara Helgadóttir formaður, Gunnar Þór Gestsson varaformaður, Sigríður Fjóla Viktorsdóttir gjaldkeri, Þorvaldur Gröndal ritari og Sigmundur Jóhannessson meðstjórnandi.
Feykir óskar afmælisbarninu innilega til hamingju með áfangann.
Fleiri fréttir
-
Drungilas semur til þriggja ára
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 10.06.2025 kl. 16.05Adomas Drungilas, hefur framlengt samning sinn við Körfuknattleiksdeild Tindastóls til næstu þriggja ára. Drungilas hefur spilað með Tindastól frá hausti 2022Meira -
Dómari maímánaðar hjá Tindastól
feykir.is Skagafjörður, Íþróttir 10.06.2025 kl. 11.48Barna- og unglingaráð knattspyrnudeildar Tindastóls tók þá ákvörðun fyrir sumarið að verðlauna þá einstaklinga sem eru duglegir að taka að sér að dæma á heimaleikjum Tindastóls í yngri flokka starfinu. Í verðlaun fyrir að vera leikjahæsti dómari í maí er gjafabréf frá Kaffi Krók og var Svetislav Milosevic (Milos) með flest dæmda leiki eða sjö talsins, vel gert.Meira -
Öflugt barnastarf í Pílunni
feykir.is Skagafjörður, Íþróttir, Lokað efni 10.06.2025 kl. 11.15Það er rekið öflugt barnastarf hjá PKS. Á föstudaginn var haldinn síðasti viðburður vetrarins hjá krökkunum. Á facebook síðu Pílukastsfélagsins skrifar Júlíus Helgi Bjarnason:Meira -
Fer rentan í rétt hérað ? Gunnlaugur Sighvatsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.06.2025 kl. 09.25Nú fyrir helgi skrifaði Arna Lára Jónsdóttir þingmaður grein undir yfirskriftinni “Auðlindarentan heim í hérað”. Þar fer hún m.a. yfir stefnu og væntanlegar aðgerðir ríkisstjórnar varðandi auðlindagjöld og að þau renni að hluta til nærsamfélagsins. Ég vil þakka Örnu Láru fyrir þessi skrif og þó sérstaklega fyrir að nota ekki orðið leiðréttingu um veiðigjöldin.Meira -
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira
