Skagafjörður

Meistaraflokkur kvenna tók á móti ungmennaflokki Stjörnunnar í Síkinu, föstudaginn 1. mars, og spiluðu svo við ungmennaflokk Keflavíkur, miðvikudaginn 6. mars, í Keflavík. Stólastúlkur gerður sér lítið fyrir og hirtu öll þau stig sem í pottinum voru og unnu báða leikina mjög sannfærandi. 

Kormákur/Hvöt spilaði gegn nágrönnum sínum úr Fjallabyggð í Lengjubikarnum á Króknum laugardaginn 2. mars. Á Facebook-síðu Kormáks/Hvatar segir að mikið hafi verið um forföll hjá liðinu en þá hafi næstu menn stigið upp. Var þetta fyrsti byrjunarliðsleikur hjá hinum 16 ára gamla Agli Guðnasyni og þá komu inn á þeir Stefán, Finnur og Þröstur sprækir af bekknum, allir að spila sinn fyrsta leik með liðinu.

Það er hægt að segja að Kvenfélög í Skagafirði séu einn af styrkleikum Skagafjarðar, með vinnu sinni og styrkjum til hinna ýmissa verkefna í nærumhverfinu. Í Skagafirði eru tíu kvenfélög og elst þeirra er kvenfélagið í Hegranesi. Hvað gera kvenfélög og til hvers eru þau? Kvenfélögin eru góður vettvangur fyrir einstaklinga til þess að hittast, kynnast, spjalla, læra eitthvað nýtt, hafa gaman og láta gott af sér leiða. Þannig að ef þig langar til þess að kynnast nýju fólki og láta gott af þér leiða þá er kvenfélag góður vettvangur til þess.

Á vef Húnabyggðar segir að farið hefur að stað með átaksverkefni sem varða stöðuleyfi í Húnabyggð. Skipulags- og byggingarfulltrúi hefur á síðustu vikum farið um öll svæði Húnabyggðar og skoðað alla þá gáma, báta, hjólhýsi og frístundarhús sem eru í smíðum, sem ætlað er til flutnings og eru ekki með útgefin stöðuleyfi.

Vikuna 25. febrúar til og með 2. mars lönduðu þrír bátar/togarar á Króknum tæpum 239 tonnum í þrem löndunum. Á fisk.is segir að Málmey hafi verið við veiðar á Kögurgrunni og uppistaða aflans hafi verið þorskur og ýsa. Þá var Drangey við veiðar á Kolluáli og Grunnkanti og uppistaða aflans var þorskur, ýsa og karfi.

Í yfirstandandi kjarasamningsviðræðum leggur verkalýðshreyfingin áherslu á að hluti gjaldskrárhækkana sveitarfélaga frá síðustu áramótum verði dregin til baka, að bilið milli fæðingarorlofs og leikskóla verði brúað og að skólamáltíðir verði gjaldfrjálsar. Svo virðist sem einhver sveitarfélög leggist því miður gegn gjaldfrjálsum skólamáltíðum en ríkið kemur til með að greiða 75% þess kostnaðar, eða tæpa 4 milljarða af 5 milljörðum.

Þann 3. mars var alþjóðlegur dagur villtra dýra og í tilefni hans mátti sjá margar fallegar myndir á samfélagsmiðlum þar sem fólk deildi þeim myndum sem það hefur náð að festa á filmu hér á landi. Róbert Daníel Jónsson og Höskuldur Birkir Erlingsson, vinir okkar frá Blönduósi, birtu nokkrar mjög fallegar sem við ætlum að deila með ykkur í þessari frétt en Róbert Daníel átti einnig heiðurinn af forsíðumyndunum á Feyki þessa vikuna. 

Spilakvöld verður haldið í Félagsheimilinu Höfðaborg á Hofsósi föstudaginn 8. mars kl 20. Það verður gott úrval borðspila frá bókasafninu á staðnum en fólk er einnig hvatt til að taka með sér spil að heiman.

Á morgun fimmtudaginn 7. mars í aðalbyggingu LBHÍ á Hvanneyri verður spennandi málþing- Landslagið í Landbúnaði og matvælaframleiðslu frá kl. 10-15  og að loknu málþingi verður matarmarkaður frá 15-18.

Á vef Minjastofnunar segir að nú liggur fyrir úthlutun styrkja úr fornminjasjóði fyrir árið 2024. Alls bárust 63 umsóknir í sjóðinn og sótt var um alls 252.569.150 kr. 23 verkefni fengu úthlutað úr sjóðnum að þessu sinni, að heildarupphæð 79.485.000 kr.