Skagafjörður

KR-ingar mæta í Síkið á sunnudag þar sem hungraðir og stigaþyrstir heimamenn bíða eftir þeim. Þetta verður fyrsti leikurinn síðan í haust þar sem áhorfendur mega mæta á pallana en að sjálfsögðu gilda strangar reglur um sóttvarnir og panta þarf sæti í Síkinu með fyrirvara. Aðeins 188 áhorfendur mega mæta til leiks þar sem gæta þarf að tveggja metra reglunni sígildu en pallarnir í Síkinu er 376 fermetrar.

Ef þú færð húðertingu undan skartgripum sem eru óekta þá eru ágætar líkur á því að þú sért einnig með óþol fyrir nikkelríkri fæðu. Já þú last rétt... það leynist nikkel í mörgum fæðutegundum sem við neytum á hverjum degi og fyrir þann sem er að taka til í mataræðinu sínu með að borða hollari fæðutegundir getur þetta óþol ruglað marga í rýminu því það leynist nikkel í mörgu sem er hollt.

Það er ekki mikil gleðin sem stuðningsmenn Tindastóls í karlakörfunni fá út úr því að horfa á liðið sitt þessa dagana. Það virðist vera djúpt á leikgleðinni og leikur liðsins er ekki beinlínis til að hrópa húrra yfir. Í gær spiluðu strákarnir gegn liði ÍR í Breiðholtinu, mikilvægur leikur og í raun ekkert annað en sigur á dagskránni. En það er því miður varla hægt að segja að Stólarnir hafi mætt til leiks og heimamenn unnu þægilegan 22 stiga sigur sem var aldrei í hættu. Lokatölur voru 91-69.

Í starfi mínu í bæjarstjórn Vesturbyggðar er mér tíðrætt um innviði og uppbyggingu þeirra. Hvers vegna? Segja má að umræða um mál tengd innviðum sé algeng í mínu nærumhverfi þar sem hnignun hafði verið viðvarandi um nokkurt skeið í sveitarfélaginu. Það sem gerist við slíkar aðstæður er að innviðir fúna.

Síðastliðið miðvikudagskvöld hófust skákæfingar að nýju hjá Skákfélagi Sauðárkróks eftir nærri árshlé. Á heimasíðu félagsins kemur fram að reynt hafi verið að byrja sl. haust þegar Covid-reglurnar voru mildastar en aðeins náðist að halda úti tvær æfingar sem fleiri en einn þátttakandi mætti á.

Í gær kvað Hæstiréttur upp dóm í máli Mjólkursamsölunnar ehf. gegn Samkeppniseftirlitinu og íslenska ríkinu þar sem deilt var um hvort MS hefði misnotað markaðsráðandi stöðu sína með því að selja hrámjólk til vinnslu mjólkurafurða á hærra verði til keppinauta en til eigin framleiðsludeildar og tengdra aðila. Á heimasíðu réttarins segir að í dómnum hafi verið talið að MS hefði verið í markaðsráðandi stöðu á viðkomandi markaði og var Samkeppniseftirlitið sýknað af kröfum Mjólkursamsölunnar ehf.

Á morgun 5. mars milli klukkan 12 og 15 er öllum, sem tök hafa á, boðið að koma á veitingastaðinn Mælifell við Aðalgötu 7 á Sauðárkróki og þiggja íslenska kjötsúpu eða íslenska fiskisúpu á meðan birgðir endast. Gestum er jafnframt boðið að skoða nýja veislusalinn og framreiðslueldhúsið en gæta þarf þess að virða fjarlægðarmörk, grímuskyldu og sóttvarnarskilyrði.

Fyrsta mót ársins í Meistaradeild KS fór fram í Reiðhöllinni Svaðastöðum í gærkvöldi þar sem keppt var í fjórgangi. Mette Mannseth og Skálmöld frá Þúfum stóðu uppi sem sigurvegarar, þriðja árið í röð.

Eldvarnaátak Landssambands slökkviliðs- og sjúkraflutningamanna fer fram um allt land í lok nóvember ár hvert en þá heimsækja slökkviliðsmenn börn í 3. bekk grunnskóla landsins og fræða þau um eldvarnir. Þeim gefst jafnframt kostur á að taka þátt í eldvarnagetraun og nú á dögunum fengu tvö börn í Skagafirði viðurkenningar vegna átaksins.

Eftir marga magra Covid-mánuði í leikhúsum á Norðurlandi vestra setti Nemendafélag Fjölbrautaskólans loks upp sýningu í Bifröst, sem tókst í alla staði vel. Sagan er nokkuð klisjukennd en varð fræg í bíómynd frá árinu 1984 og kallast Footloose upp á enskuna. Ég veit svosem ekki hvort eða hvernig myndin hefur verið þýdd á okkar ásthýra mál en mér dettur í hug Fótafimi eða Lappalausung eða kannski bara í anda þess tíma Dansandi grallaraspóar.