Skagafjörður

Útlit er fyrir hið versta veður á Norðurlandi vestra í dag og á morgun. Vegna þess verða útibú Landsbankans á Sauðárkróki og á Skagaströnd lokuð í dag, þriðjudaginn 10. desember og Sauðárkróksbakarí verður lokað á morgun, miðvikudag, en verður opið á meðan veður leyfir í dag.

Fyrir viku, eða þriðjudaginn 3. desember, komu saman til fundar átta spámenn Veðurklúbbsins á Dalbæ og hófst fundur að venju kl 14. Farið var yfir spágildi síðasta mánaðar og voru allir ánægðir með hvernig spáin gekk eftir.

Olíutankur við sjálfsafgreiðslustöð N1 á Hofsósi hefur verið tæmdur eftir að hann stóðst ekki lekapróf. N1 og Olíudreifing, í samvinnu við Heilbrigðiseftirlitið, rannsaka nú málið. Í tilkynningu frá N1 segir að tankar félagsins hafi verið þykktarmældir síðastliðið sumar af viðurkenndum aðilum í samræmi við 24. gr regulugerðar nr. 884/2017 og stóðust þeir það próf. Tankarnir voru þrýstimældir í byrjun desember og stóðust þeir einnig það próf. Loks var gripið til þess ráðs að setja yfirþrýsting á tankana og kom þá í ljós að mögulega hefði einhver olía lekið.

Skrifstofur embættis Sýslumannsins á Norðurlandi vestra á Blönduósi og Sauðárkróki verða lokaðar þriðjudaginn 10. desember vegna afar slæmrar veðurspár. Beðist er velvirðingar á þeim óþægindum sem þetta kann að valda.

Lögreglan á Norðurlandi vestra hefur sent frá sér svohljóðandi tilkynningu á Facebooksíðu sinni:

Viðvörunarstig fyrir Strandir og Norðurland vestra hefur nú verið fært úr appelsínugulu yfir í rautt annað kvöld og er þetta í fyrsta sinn sem viðvörun hefur verið færð upp í rautt. Ríkislögreglustjóri og lögreglustjórar á landinu hafa lýst yfir óvissustigi á morgun.

Framtíðin hér og nú var yfirskrift ársfundar Fræðslumiðstöðvar atvinnulífsins (FA) og Norræns tengslanets um nám fullorðinna (NVL) sem haldinn var á Grand Hótel Reykjavík 28. nóvember. Á fundinum var Herdísi Ósk Sveinbjörnsdóttir, tilnefnd af Miðstöð símenntunar á Suðurnesjum og Þresti Heiðari Erlingssyni, tilnefndur af Farskólanum, á Norðurlandi vestra, veittar viðurkenningar sem fyrirmyndir í námi fullorðinna árið 2019. Viðurkenningin og verðlaunin sem henni fylgja eru veitt einstaklingum hafa breytt stöðu sinni á vinnumarkaði eftir þátttöku í úrræðum FA.

Félag ferðaþjónustunnar í Skagafirði stóð nýverið fyrir ljósmyndasamkeppninni Skagafjörður með þínum augum. Í keppnina barst fjöldi mynda og var myndefnið fjölbreytt. Nú hafa myndirnar verið birtar á vef Svf. Skagafjarðar.

Allt útlit er fyrir vonskuveður um stærstan hluta landsins næstu daga. Veðurstofan hefur gefið út appelsínugula viðvörun fyrir Miðhálendið og svæðið frá Vík í Mýrdal, vestur um og allt austur að Langanesi. Reiknað er með hvassri norðaustanátt með snjókomu um vestan- og norðanvert landið frá morgundeginum og fram eftir miðvikudegi.

Fjölnet varð nýverið silfur-partner hjá Microsoft í skýjalausnum, ætluðum litlum og meðalstórum fyrirtækjalausnum og bronze-partner hjá TrendMicro. Af því tilefni ætlar Fjölnet að bjóða núverandi og tilvonandi viðskiptavinum 20% afslátt af Microsoft 365 Business og gildir afslátturinn í eitt ár.