230 í sóttkví í Húnaþingi vestra
Eins og greint var frá í gær greindist smit af völdum COVID-19 veirunnar á Hvammstanga í fyrrakvöld og var það jafnframt fyrsta smitið sem greinst hefur á Norðurlandi vestra. Í framhaldi af því var tekin sú ákvörðun, í samráði við fulltrúa almannavarna og sóttvarnalækni, að allir nemendur og starfsmenn Grunnskóla Húnaþings vestra færu í sóttkví til og með 30. mars 2020.
Ragnheiður Jóna Ingimarsdóttir, sveitarstjóri Húnaþings vestra, segir í gærkvöldi í ávarpi til íbúa á vef sveitarfélagsins að þá séu rúmlega 230 einstaklingar komnir í sóttkví, eða um 20% sveitarfélagsins. Skapar þetta mikið álag víða í samfélaginu og er starfsemi skert hjá mörgum stofnunum sveitarfélagsins og lokað fyrir heimsóknir í flestar þeirra.
„Við vonum að íbúar sýni þessu skilning, en starfsfólk sveitarfélagsins er boðið og búið að aðstoða eftir fremsta megni í gegnum síma, tölvupósti og í fjarfundi. Uppfærður listi yfir þá þjónustu sveitarfélagsins sem hefur þurft að skerða kemur á heimasíðuna á morgun [dag],“ segir í ávarpi sveitarstjóra sem hvetur íbúa til að fara að öllu eftir leiðbeiningum stjórnvalda og heilbrigðisyfirvalda ásamt því að sýna almenna skynsemi. „Á næstu dögum megum við búast við því að fleiri aðilar þurfi að skerða þjónustu og því reynir á samtakamátt okkar, samstöðu og æðruleysi eins og við höfum svo oft þurft að sýna á undanförnum mánuðum,“ segir Ragnheiður Jóna.
Sóttkvíin skapar álag hjá fleirum en sveitarfélaginu. Í tilkynningu frá Kaupfélagi Vestur Húnvetninga kemur fram að starfsemi þess fari ekki varhluta af ástandinu og þar hafi verið mikið álag á starfsfólki kjörbúðar við að taka til pantanir. „Viljum við hvetja viðskiptavini okkar til að senda ættingja og vini að versla fyrir sig, ef þess er kostur, til að auka líkur á að við getum sinnt öllum okkar viðskiptavinum með vörur á meðan að núverandi ástand varir. Við munum áfram eftir fremsta megni taka við pöntunum og eftir atvikum senda til þeirra sem ekki eru í aðstöðu til að bjarga sér sjálfir um það,“ segir í tílkynningu frá kaupfélagsstjóra. Þar kemur einnig fram að frá og með deginum í dag verði breyttur opnunartími sem hér segir:
Kjörbúð verður opin alla virka daga frá kl. 10-12 og 14-18 - pantanir í síma 455-2310 og 455-2300 á milli kl. 9 og 10 á morgnana og aftur frá kl. 13-14 eftir hádegið.
Körbúð verður opin á laugardögum frá kl. 12-14. Ekki er tekið á móti pöntunum á laugardögum.
Byggingavörudeild verður opin frá kl. 14-18 alla virka daga og milli kl. 12-14 á laugardögum.
Pakkhús verður opið frá kl. 10-12 og 14-18 alla virka daga.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.