Selatalningin mikla 2014
Síðan 2007 hefur farið fram árleg selatalning á Vatnsnesi og á Heggstaðarnesi í Húnaþingi vestra á vegum Selaseturs Íslands á Hvammstanga. Markmiðið með talningunni er að afla þekkingar á fjölda sela á þessum slóðum.
Selatalningin mikla fer í ár fram þann 27. júlí og er hún framkvæmd í áttunda sinn. Talningin byggir algjörlega á þátttöku sjálfboðaliða sem vilja taka þátt í rannsóknarstörfum, ásamt því að njóta nærveru sela og náttúru. Talningarnar fara þannig fram að Vatnsnesi og Heggstaðarnesi er skipt niður í mismunandi svæði (2-7km löng, samtals um 100km strandlengja) og svo telja þátttakendur seli á sínu svæði.
Flestir ættu að geta fundið sér svæði við sitt hæfi, hvort sem er fjölskyldufólk í leit að léttri göngu í fjörunni eða íþróttagarpar að leita að erfiðri gönguferð. Að talningunni lokinni er niðurstöðum skilað til verkefnisstjóra og þá er boðið upp á kaffi á Selasetrinu.
Talningin er skemmtileg upplifun fyrir alla náttúru- og dýraunnendur Tekið skal þó fram að talningin hentar ekki börnum undir 5 ára og börn mega bara taka þátt í fylgd forráðamanna. Hingað til hefur áhuginn verið mikill bæði meðal heimamanna og ferðamanna.
Nauðsynlegt er að skrá þátttöku sína í síðasta lagi föstudaginn 25. júlí. Til að skrá sig og fá nánari upplýsingar um tímasetningu og fleira má hafa samband í netfang selasetur@selasetur.is eða í síma 451-2345.
Fleiri fréttir
-
Formaðurinn skoraði í sigurleik á Króknum
feykir.is Skagafjörður, Íþróttir, Lokað efni 16.07.2025 kl. 23.57Það verður ekki annað sagt en að Fótbolti.net bikarinn er hið besta uppbrot fyrir neðri deildar liðin í boltanum. Bikarkeppnir eiga það til að bjóða upp á óvænt úrslit og kannski enn frekar þegar komið er í neðri deildirnar. Í kvöld tóku Tindastólsmenn, sem eru um miðja 3. deild sem stendur, á móti einu af toppliðunum í 3. deild, Þrótti úr Vogum. Og já, Stólarnir gerðu sér lítið fyrir og unnu hörkuleik og eru því komnir í átta liða úrslit.Meira -
Arkís arkitektar urðu fyrir valinu með hönnun á menningarhúsi á Króknum
feykir.is Skagafjörður, Listir og menning, Lokað efni 16.07.2025 kl. 16.57Á fundi byggðarráðs Skagafjarðar í morgun var lagt fram bréf frá matsnefnd sem fór yfir tillögur þeirra bjóðenda sem tóku þátt í útboðinu „Menningarhús í Skagafirði – Hönnun nýbyggingar og endurbóta á eldra húsnæði“ ásamt yfirliti yfir mat á tillögum bjóðenda. Tillaga matsnefndar var að á grundvelli matsins verði gengið til samninga við Arkís arkitekta ehf., sem hlaut flest stig m.t.t. valforsendna útboðs fyrir verðtilboð og gæðaþætti.Meira -
Það er örugglega allt þokunni að þakka
feykir.is Skagafjörður, Austur-Húnavatnssýsla, Vestur-Húnavatnssýsla 16.07.2025 kl. 14.39Í fréttum í vikunni var sagt frá því að varað væri við bikblæðingum um land allt. Þegar umferðarkort Vegagerðarinnar er skoðið þá lítur út fyrir, í það minnsta í dag, að engar bikblæðingar geri ökuþórum lífið leitt á Norðurlandi vestra. Eingöngu er varað við steinkasti í Blönduhlíðinni í Skagafirði en þar hefur verið unnið að því að leggja klæðingu á smá kafla á þjóðvegi 1.Meira -
Húnavaka, gleði og fjör
feykir.is Austur-Húnavatnssýsla, Mannlíf, Lokað efni 16.07.2025 kl. 14.20Hin árlega Húnavaka verður haldin á Blönduósi um næstu helgi. Mikið verður um dýrðir og margt í boði. Feykir hafði samband við Kristínu Ingibjörgu Lárusdóttur, Menningar- og tómstundarfulltrúa á Blönduósi og lagði fyrir hana nokkrar spurningar.Meira -
Eldur í Húnaþingi mun loga 22. til 27. júlí
feykir.is Vestur-Húnavatnssýsla, Mannlíf, Lokað efni 16.07.2025 kl. 12.00Eldur í Húnaþingi er árleg hátíð á Hvammstanga sem hóf göngu sína árið 2003. Hátíðin hefur tekið mörgum breytingum frá því hún var fyrst haldin. Fyrst um sinn var hátíðin unglistahátíð. Þá var hún bæði skipulögð og framkvæmd af ungi fólki í Húnaþingi vestra. Með tímanum fékk hátíðin á sig fjölskyldu- og bæjarhátíðarblæ og hefur dagskráin verið breytileg með ári hverju en hún ræðst oftar en ekki af áhugasviði stjórnenda.Meira
