Þátttakendur óskast í kvennafjölmenningarverkefni í Húnaþingi vestra
„Ert þú kona búsett í Húnaþingi vestra en fædd og uppalin erlendis? Ef svarið er já þá viljum við endilega fá þig með í ljósmyndaverkefni sem verður svo að stórkostlegri ljósmyndasýningu sem opnar á Unglist – Eldi í Húnaþingi sumarið 2023,“ segir í tilkynningu Gretu Clough sem stendur verkefninu ásamt Juanjo Ivaldi Zaldívar og Húnathingi vestra.
Í tilkynningunni segir að með samstarfi þessara þriggja aðila sé ætlunin að gera ljósmyndasýningu og vonandi bók um konur af erlendum uppruna sem búsettar eru í Húnaþingi vestra.
„Myndirnar munu sýna á heiðarlegan og fallegan hátt uppruna og venjur kvennanna og fagna framlagi þeirra til fjölmenningar hér í Húnaþingi vestra. Einnig vonumst við til að sýningin og bókin muni opna á umræðuna um stöðu erlendra kvenna á svæðinu og upplifun þeirra á íslensku samfélagi. Markmið okkar er að hitta og ljósmynda allar konur af erlendum uppruna sem búa á svæðinu.
Við viljum sýna þátttakendur á sínum uppáhalds stað. Þar sem hver mynd mun segja einstaklingssögu sem aðeins ljósmyndir geta kallað fram. Þegar allt er svo sett saman í eina heild með sýningu er ætlunin sú að skýr mynd sé gefin af fjölmenningunni og öllum þeim mannauði sem býr í Húnaþingi vestra og er saman komin alls staðar að úr heiminum,“ segir í tilkynningunni.
Þar kemur jafnframt fram að áður en ljósmyndunin hefst verði spjallað lítillega við þátttakendur um upplifun þeirra á því að lifa, búa og starfa í Húnaþingi vestra og um líf þeirra áður en þær fluttu hingað og ástæður þess að sú ákvörðun var tekin að flytjast á milli landa.
„Okkar stærsta ósk er sú að verkefnið geti svo haldið áfram þar sem næsta sýning mun taka fyrir erlenda karlmenn á svæðinu og að lokum börnin sem ýmist flytjast á svæðið eða eru fyrsta kynslóð erlendra íbúa sem fæðast á svæðinu. Draumurinn: 3 sýningar, 3 bækur sem allar stefna að sama markmiði. Fagna fjölmenningunni, lyfta upp svæðinu okkar og vekja samtal um að það geta allir búið allsstaðar.“
Ætlunin er að ljósmyndasýningin verði partur af Eldur í Húnaþingi í ár og er stefnt á að hefja ljósmyndun og viðtöl í apríl.
„Endilega tilkynnið þátttöku eða óskið eftir frekari upplýsingum hjá Gretu Clough á netfanginu handbendi@gmail.com eða hjá Þórunni Ýr Elíasdóttur tengilið Húnaþings vestra á netfangið thorunn.yr@hunathing.is. Hlökkum til að heyra í sem allra flestum, þetta verður FRÁBÆRT!“
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.