Vefráðstefna SSNV - Er vinnustaðurinn bara hugarástand?
Samtök sveitarfélaga á Norðurlandi vestra, SSNV, stóðu fyrir vefráðstefnuninni Er vinnustaður bara hugarástand? í gær, fimmtudaginn 27. febrúar. Ráðstefnan var hluti af verkefninu Digi2Market sem styrkt er af Norðurslóðaáætlun og miðar að því að efla dreifðari byggðir með því að nýta stafrænar lausnir almennt.
Sagt er frá vefráðstefnunni á vef SSNV. Þar segir að meðal aðgerða í gildandi byggðaáætlun (aðgerð B.7) sé gert ráð fyrir að 10% allra auglýstra starfa í ráðuneytum og stofnunum þeirra verði án staðsetningar árið 2024 þannig að búseta hafi ekki áhrif við val á starfsfólki. Svokölluð skrifstofusetur séu starfrækt víðsvegar í Reykjavík og einstaka byggðarlögum á landsbyggðum þar sem fyrirtæki og einyrkjar leigi sér skrifstofuaðstöðu. Hugtakið er þó mun algengara erlendis en það er hér á Íslandi.
Unnur Valborg Hilmarsdóttir, framkvæmdastjóri SSNV, flutti inngangsorð að ráðstefnunni. Hún sagði meðal annars að ráðuneyti og stofnanir á vegum ríkisins hafi að einhverju leyti byrjað að auglýsa störf án staðsetningar en þar þurfi að gera betur. Ekki sé nóg að fyrirtæki og stofnanir séu opin fyrir flutningi á störfum út á land, samfélögin verði að vera tilbúin til að taka á móti þessu breytta landslagi. Í inngangorðum Unnar Valborgar kom einnig fram að hjá SSNV hafi verið skilgreint áhersluverkefni fyrir árin 2020-21 þessu tengt og ætlunin sé að stuðla að því að svona skrifstofusetur komist á legg hér á svæðinu og sé hugmyndin að byrja á að koma slíku setri upp á Hvammstanga.
Markmið SSNV með ráðstefnunni var að vekja athygli einstaklinga, fyrirtækja, sveitarfélaga og annarra hagsmunaaðila á tækifærum skrifstofusetra. Á Akranesi er skrifstofusetur rekið af einstaklingsframtaki þó með stuðningi frá landshlutasamtökum. Í Vestmannaeyjum er Þekkingarsetrið rekið eftir svipaðri forskrift en sá rekstur er tryggður með framlögum á fjárlögum.
Erindi ráðstefnunnar gáfu innsýn inn í viðhorf rekstraraðila, yfirmanns starfsmanns sem vinnur fjarvinnu og starfsmanns sem vinnur fjarvinnu. Þeir sem töluðu voru Heiðar Mar, rekstraraðili skrifstofusetursins Coworking Akranes, sem sagði frá sinni reynslu af rekstri skrifstofuseturs, Skarphéðinn Berg Steinarsson ferðamálastjóri sagði frá reynslu sinni af að hafa starfsmann sem er staðsettur fjarri höfuðstöðvunum og loks deildi Tryggvi Hjaltason hjá CCP reynslu sinni af því að vera starfsmaður sem vinnur fjarri höfuðstöðvunum.
Hægt er að nálgast upptöku af vefráðstefnuninni hér fyrir neðan og á youtube síðu samtakanna í stærri upplausn.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.