V-Húnavatnssýsla

Byggðarráð Húnaþings vestra ákvað á fundi sínum síðastliðinn miðvikudag að styrkja fimm einstaklinga úr Húnasjóði 2016. Alls bárust sjö umsóknir en tvær þeirra uppfylltu ekki skilyrði til úthlutunar.

Þann 13. ágúst næstkomandi verður haldið sameiginlegt gæðingamót hestamannafélaganna Þyts og Neista. Mótið fer fram á Blönduósi og verður boðið upp á eftirfarandi flokka: A-flokk gæðinga, B-flokk gæðinga, B-flokk áhugamanna, Ungmenni (18-21 árs á keppnisárinu), Unglingar (14-17 ára á keppnisárinu), Börn (10-13 ára á keppnisárinu), 100m skeið, 250 m brokk og Pollaflokk (9 ára og yngri á árinu).

Ekki er beint hægt að tala um að veðrið muni leika við landsmenn um Verslunarmannahelgina ef marka má veðurspá Veðurstofu Íslands, með undantekningum þó.

Um síðustu helgi fór fram þriðja umferð Íslandsmótsins í rallý, í Skagafirði. Sérstök verðlaun voru veitt fyrir lengsta stökkið á Mælifelssdal.

Stjórn Ferðamálafélags Vestur-Húnavatnssýslu harmar viðvarandi og langvinnt sinnuleysi á viðhaldi og uppbyggingu Vatnsnessvegar (nr. 711).Þrátt fyrir ítekraðar ábendingar til þingmanna, ráðherra og Vegagerðarinnar, til margra ára, er ástand vegarins algerlega ólíðandi.

Þann 8. ágúst hefst atkvæðagreiðsla í prófkjöri Pírata í Norðvesturkjördæmi fyrir næstu þingkosningar. Frá þessu er greint á Húnahorni.

Eins og komið hefur fram áður hjá Feyki, fór Selatalningin mikla fram í tíunda skipti 21. júlí síðastliðinn. Selasetur Íslands stjórnaði talningunni en vísindamenn í bland við sjálfboðaliða gengu um 100 km eftir strandlengju Vatnsness og Heggstaðarness. Alls tóku 57 sjálfboðaliðar þátt í talningunni, bæði innlendir og erlendir. Heildarfjöldi sela er sáust í talningunni voru 580. Frá þessu segir á huni.is.

Íslenska landsliðið í hestaíþróttum hefur verið valið af Páli Braga Hólmgeirssyni, liðstjóra. Landsliðið keppir á Norðurlandamóti íslenska hestsins í Noregi, dagana 8.- 14. ágúst næstkomandi. Frá þessu er sagt í Hestafréttum.

Man einhver eftir því að einhver ríkisstjórn á Íslandi hafi tekið þá pólitísku ákvörðun að viðhalda byggð á landsbyggðinni, óháð kostnaði? Man einhver eftir því að stjórnmálamenn hafi horft á allt landið sem sinn starfsvettvang og horft lengra fram í tímann en fjögur ár? Man einhver eftir því að jákvæð umræða um landsbyggðina hafi skyggt á þá neikvæðu? Það væri gaman að vita það, svona okkur öllum til fróðleiks.

Í áraraðir hafa Húsfreyjurnar boðið upp á veislur í Hamarsbúð og nú er engin undantekning á því. Ágóðinn hefur ávallt runnið til góðgerðamála í héraðinu og svo mun einnig vera núna.