V-Húnavatnssýsla

„Mér finnst rétt að skýra fjarveru mína í þætti á Stöð 2 með oddvitum lista sem bjóða fram til Alþingis 2016, í Norðvesturkjördæminu. Ástæðan er einföld - Fréttastofa Stöðvar 2 útilokaði mig frá því að taka þátt í þættinum,“ segir Sigurjón Þórðarson oddviti Dögunar í Norðvestur kjördæmi í aðsendri grein hér á Feyki.is.

Eldvarnir eru í brennidepli hjá Húnaþingi vestra og starfsfólki þess um þessar mundir. Í samræmi við samkomulag Húnaþings vestra og Eldvarnabandalagsins um eflingu eldvarna fær allt starfsfólk sveitarfélagsins fræðslu um eldvarnir bæði á vinnustað og heima. Fyrir dyrum stendur jafnframt innleiðing eigin eldvarnaeftirlits hjá öllum stofnunum sveitarfélagsins. Þar gegna eldvarnafulltrúar lykilhlutverki. Vaskur hópur karla og kvenna hefur þegar tekið að sér hlutverk eldvarnafulltrúa og hafa Eldvarnabandalagið og Slökkvilið Húnaþings vestra veitt þeim nauðsynlega fræðslu og þjálfun.

Í tilkynningu frá Þórði Pálssyni, dýraeftirlitsmanni hjá Mast á Norðurlandi vestra, kemur fram að haldinn Haldinn verði kynningarfundur um riðuveiki í Miðgarði Varmahlíð á morgun, miðvikudaginn 12. október. Hefst fundurinn kl. 20:30.

Á fundi landbúnaðarráðs Húnaþings vestra sl. fimmtudag var fjallað um veiðilendur, uppgjör vegna refa- og minkaveiða og eigendastefnu fyrir þjóðlendur. M.a. kom fram að kostnaður sveitarfélagsins vegna refa- og minkaveiða á tímabilinu 1. september 2015-31. Ágúst 2016 hefði numið rúmum 6,6 milljónum króna.

Staða og framtíð ferðaþjónustunnar verða til umræðu á opnum fundi sem Samtök ferðaþjónustunnar halda með fulltrúum flokkanna í Norðvesturkjördæmi fimmtudaginn 13. október næstkomandi.

Á fundi fræðsluráðs Húnaþings vestra sl. miðvikudag var meðal annars rætt um ástand vega í Húnaþingi vestra, sérstaklega Vatnsnesvegar. Foreldrar á Vatnsnesi hafa rætt um að senda börn sín ekki í skólann þar sem ferðatími hefur lengst mikið og börnin að verða bílveik í því ástandi sem verið hefur undanfarnar vikur.

Um klukkan eitt í nótt barst lögreglunni á Sauðárkróki tilkynning um að maður hafi látið sig hverfa úr gleðskap frá Hótel Laugarbakka og rokið út í myrkrið en óttast var um hann þar eð hann varilla klæddur. Á Mbl. segir að manninum hafi sinnast við fólk sem með honum var.

Á NordBio ráðstefnunni sem fram fór í Silfurbergi í Hörpu dagana 5.-6. október sl. var frumsýnt myndband framleitt af Skottufilm á Sauðárkróki um lífhagkerfið. Í þessu verkefni var Skagafjörður notaður sem dæmi um sterkt svæði í þeim skilningi. En lífhagkerfi er hagkerfi sem byggir á nýtingu lifandi auðlinda á landi og í sjó þar sem leitast er við að hámarka ávinning án þess að ganga á auðlindirnar.

Á félagsfundi Lögreglufélags Norðurlands vestra sem haldinn var á fimmtudaginn var samþykkt eftirfarandi ályktun:

Dr. James Randall, formaður framkvæmdanefndar Institute of Island við Háskóla Prince Edward Island í Kanada, verður með fyrirlestur um hátækni frumkvöðlastarf sem sniðin eru að litlum samfélögum.