Samantekt KPMG frá íbúafundi í Húnavatnshreppi
Opinn íbúafundur var haldinn í Húnavatnshreppi þann 28. nóvember síðastliðinn. Fundurinn bar yfirskriftina „Vilt þú taka þátt í að skapa framtíð samfélagsins?“ Á fundinum var farið yfir áherslur í fjárhagsáætlun fyrir árið 2020 og að því loknu fór fram vinnustofa sem ráðgjafar KPMG stýrðu. Fundinn sóttu um 40 íbúar. Samantekt frá fundinum hefur nú verið birt á vef Húnavatnshrepps.
Jón Gíslason, oddviti sveitarfélagsins, setti fundinn og fór að því búnu yfir áherslur í fjárhagsáætlun fyrir árið 2020. Því næst tók við vinna í vinnustofum þar sem íbúum var boðið að koma á framfæri skoðunum sínum um stöðu málefna sveitarfélagsins og einnig hugmyndum að framtíðaráherslum. Málaflokkarnir sem teknir voru fyrir á vinnustofunum voru: Umhverfismál, samstarfs- og sameiningarmál, fræðslumál, íþrótta- og æskulýðsmál, atvinnumál og fjallskil og fjármál sveitarfélagsins.
Í samantekt fundarins kemur m.a. fram að sjálfbærni, loftslagsmál, náttúrvernd og landnýting eru ofarlega í hugum íbúa og aðgengi að fjölbreyttu námi var mikið til umræðu og nauðsyn þess að börn í sveitarfélaginu hafi kost á samneyti við aðra nemendur, m.a. í íþróttum og frístundum. Undir málaflokknum atvinnumál og innviðir voru orkumál s.s. þrífösun rafmagns, frekari hitaveituvæðing og nýting raforku innan svæðisins íbúum ofarlega í huga ásamt áhuga á nýsköpun og leiðum til að auka fjölbreytni atvinnulífs í sveitarfélaginu t.d. í ferðaþjónustu. Ríkur vilji var til að bæta aðstöðu og stuðning við bændur, t.d. með hrægámum, bættum girðingum, fjallaskálum og stofnun landbúnaðarnefndar. Þá kom fram sterk krafa um bættar vegasamgöngur innan sveitarfélagsins þó skiptar skoðanir væru varðandi Húnavallaleið.
Meðal fundargesta var almennur vilji til að stefna á sameiningu Austur-Húnavatnssýsla í einu skrefi. Ýmsir nefndu að síðar gæti sameinuð Austur-Húnavatnssýsla komið að sameiningu Norðurlands vestra í eitt sveitarfélag. Þá kom fram að íbúar vilja sameinast öðrum sveitarfélögum á eigin forsendum, án íhlutunar yfirvalda. Fundargestir töldu mikilvægt að undirbúa sameiningu vel og að áherslur íbúa, t.d. varðandi þjónustustig og nýtingu húsnæðis á Húnavöllum, verði hafðar til grundvallar í viðræðunum.
Samtekt KPMG vegna íbúafundarins má finna hér.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.