Fréttir

Þann 18. júni fór fram aðalfundur körfuknattleiksdeildar Tindastóls og þar kom í ljós ángæjuleg niðurstaða en hagnaður var á rekstri deildarinnar tímabilið 2025-2026. Það sem kom kannski skemmtilega á óvart var að tæplega 2,5 milljón króna hagnaður varð á þátttöku mfl. karla í ENBL-deildinni. Feykir lagði nokkrar spurningar fyrir Dag Þór Baldvinsson sem stýrt hefur Stólaskútunni um árabil með áræðni og á mesta velgengnistímabili í sögu félagsins.

Út er komin bókin Línurnar lagðar í Skagafirði – Sögur af símaflokki Þórðar Sighvats en höfundur er Ágúst Guðmundsson – Gústi Munda – sagnfræðigrúskari. Í tilefni af útgáfunni er viðtal við höfundinn í Feyki vikunnar og fimmtudaginn 25. júní verður útgáfuhóf á Kaffi Krók (neðri sal) á Sauðárkróki og hefst teitið kl. 16. Lesið verður upp úr bókinni sem verður boðin til sölu fyrir kr. 6.000(ekki verður posi á staðnum) auk þess sem boðið verður upp á kaffi og með því.

Bjarklind Ingibjörg Káradóttir er íþróttagarpur vikunnar. Hún er 13 ára Króksari og með körfubolta í blóðinu, enda sést það þegar hún spilar að baráttan skín í gegn. Bjarklind er dóttir þeirra Hrafnhildar Sonju og Kára Marísson. Hún á fjögur eldri systkini en þau eru María, Kristín, Arnar og Axel, auk þess á hún yngri bróðir sem heitir Marís. Lífsmottóið hennar er: Æfingin skapar meistarann. Það lýsir Bjarklind mjög vel þar sem hún leggur sig alla fram í öll hennar verkefni. Feykir hafði samband við hana og fékk hana til þess að vera íþróttagarpur vikunnar.

Rabbið kíkir til Kristianstad í Svíþjóð í þetta skiptið en þar býr dóttir Maríu Bjarkar og Ómars Braga, Ásthildur Ómaríudóttir, eins og hún segir sjálf. Ásthildur, sem er nú lofuð Magnúsi Orra Sigþórssyni, er fædd árið 2000, alin upp í Túnahverfinu á Króknum allt þar til hún fluttist á heimavist Menntaskólans á Akureyri. Síðan er hún heldur betur búin að bralla eitt og annað og meðal annars sem þáttastjórnandi á sjónvarpsstöðinni N4.

Fimmtudaginn 18. júní hélt kirkjukór Hólaneskirkju á Skagaströnd sumartónleika. Vel var mætt og var þemað fuglasöngur en í frétt á vef sveitarfélagsins segir að það sé ekki sjálfsagt að 460 manna sveitarfélagi eigi svona marga hæfileikaríka söngvara.

Bæjarhátíðin Hofsós heim fór fram síðastliðna helgi og mikið líf og fjör var í bænum. Viðburðir hátíðarinnar voru afar vel sóttir og íbúar og gestir voru hæst ánægðir með helgina.

Um 50 manns sóttu sumarhátíð fatlaðs fólks 18 ára og eldra á Norðurlandi vestra sem haldin var á Löngumýri í Skagafirði þann 11. júní. Hátíðin var nú haldin í annað sinn en hún fór fyrst fram í fyrra að frumkvæði Ástu Ólafar Jónsdóttur á Sauðárkróki. Markmið hátíðarinnar er að efla samveru og þátttöku fatlaðs fólks á svæðinu og skapa vettvang fyrir gleði og tengslamyndun.

Karlaliðin í fótboltanum á Norðurlandi vestra náðu ekki í sigur um helgina en lið Kormáks/Hvatar náði í jafntefli á SÚN-vellinum fyrir austan þar sem KFA var mótherjinn. Þá varð lið Tindastóls að sætta sig 2-1 tap þegar þeir mættu liði KH á Hlíðarenda.

Í gær, sunnudaginn 21. júní, fór fram leikur Tindastóls og FHL á Sauðárkróksvelli. Sólin skein og mætingin á völlin góð. Strax í upphafi leiks komu Stólastelpur vel stemdar og fyrsta mark þeirra kom á tólftu mínútu. Leikurinn endaði 3-1 fyrir heimakonur og fyrsti sigurinn kominn í hús.

Sýningin Íslenskur landbúnaður 2026 verður haldin í Laugardalshöllinni dagana 9.-11. október n.k. Markmið sýningarinnar er að kynna íslenskan landbúnað og leiða saman fyrirtæki og einstaklinga sem starfa í atvinnugreininni. Einnig að kynna fyrir gestum hreinleika íslenskra landbúnaðarafurða og þá miklu tækni sem nú er til staðar í íslenskum búskap.