Fréttir

„Ritari forsetans hringdi í mig, þetta var eftirminnilegt símtal,“ sagði Karólína Elísabet bóndi í Hvammshlíð þegar Feykir spurði hana á dögunum hvernig henni hefði liðið þegar hún fékk fréttir af því að Forseti Íslands ætlaði að sæma hana Fálkaorðunni á Bessastöðum þann 17. júní sl. Orðuna fékk hún fyrir frumkvöðlastarf í baráttunni gegn riðu í sauðfé.

„Rabarbarahátíðin í Gamla bænum á Blönduósi er haldin í þriðja sinn í ár. Hátíðarnar hafa gengið mjög vel svo ekki sé meira sagt,“ segir Iðunn Vignisdóttir, ein forsvarskvenna hátíðarinnar sem fer fram laugardaginn 27. júní. „Þær stöllur, Elfa Þöll Grétarsdóttir og Björk Bjarnadóttir, renndu alveg blint í sjóinn þegar þær héldu fyrstu hátíðina og vissu ekkert hverju væri við að búast en um 500 manns sóttu þá hátíð. Síðustu hátíð sóttu svo um 700 manns og við vonumst eftir svipuðum fjölda í ár.“

Haldið var upp á 100 ára afmæli Glaumbæjarkirkju þann 14. júní síðastliðinn en kirkjan var vígð 13. júní 1926 en árið 1925 stóð séra Hallgrímur Thorlacius fyrir byggingu nýrrar kirkju úr steini eftir að timburkirkjan, sem áður stóð á hlaðinu við Glaumbæ, brotnaði í aftakaveðri árið 1923. Í tilefni af aldarafmælinu var afmælismessa í kirkjunni og vegleg afmælisveisla á Löngumýri í kjölfarið. Gísli Gunnarsson vígslubiskup prédikaði en hann var prestur Glaumbæjarkirkju í rúm 40 ár. Feykir spurði séra Gísla út í afmælið, kirkjuna og söguna.

Körfuknattleiksdeild Tindastóls hefur náð samkomulagi við hinn gríðarlega reynslumikla leikstjórnanda, Dee Bost, um að ganga til liðs við félagið. Í fréttatilkynningu frá deildinni segir að Bost komi til Tindastóls með feril sem talar sínu máli. Hann hefur leikið í sterkustu deildum Evrópu, þar á meðal EuroLeague, EuroCup og Basketball Champions League, auk þess að spila með búlgarska landsliðinu.

Þann 18. júni fór fram aðalfundur körfuknattleiksdeildar Tindastóls og þar kom í ljós ángæjuleg niðurstaða en hagnaður var á rekstri deildarinnar tímabilið 2025-2026. Það sem kom kannski skemmtilega á óvart var að tæplega 2,5 milljón króna hagnaður varð á þátttöku mfl. karla í ENBL-deildinni. Feykir lagði nokkrar spurningar fyrir Dag Þór Baldvinsson sem stýrt hefur Stólaskútunni um árabil með áræðni og á mesta velgengnistímabili í sögu félagsins.

Út er komin bókin Línurnar lagðar í Skagafirði – Sögur af símaflokki Þórðar Sighvats en höfundur er Ágúst Guðmundsson – Gústi Munda – sagnfræðigrúskari. Í tilefni af útgáfunni er viðtal við höfundinn í Feyki vikunnar og fimmtudaginn 25. júní verður útgáfuhóf á Kaffi Krók (neðri sal) á Sauðárkróki og hefst teitið kl. 16. Lesið verður upp úr bókinni sem verður boðin til sölu fyrir kr. 6.000(ekki verður posi á staðnum) auk þess sem boðið verður upp á kaffi og með því.

Bjarklind Ingibjörg Káradóttir er íþróttagarpur vikunnar. Hún er 13 ára Króksari og með körfubolta í blóðinu, enda sést það þegar hún spilar að baráttan skín í gegn. Bjarklind er dóttir þeirra Hrafnhildar Sonju og Kára Marísson. Hún á fjögur eldri systkini en þau eru María, Kristín, Arnar og Axel, auk þess á hún yngri bróðir sem heitir Marís. Lífsmottóið hennar er: Æfingin skapar meistarann. Það lýsir Bjarklind mjög vel þar sem hún leggur sig alla fram í öll hennar verkefni. Feykir hafði samband við hana og fékk hana til þess að vera íþróttagarpur vikunnar.

Rabbið kíkir til Kristianstad í Svíþjóð í þetta skiptið en þar býr dóttir Maríu Bjarkar og Ómars Braga, Ásthildur Ómaríudóttir, eins og hún segir sjálf. Ásthildur, sem er nú lofuð Magnúsi Orra Sigþórssyni, er fædd árið 2000, alin upp í Túnahverfinu á Króknum allt þar til hún fluttist á heimavist Menntaskólans á Akureyri. Síðan er hún heldur betur búin að bralla eitt og annað og meðal annars sem þáttastjórnandi á sjónvarpsstöðinni N4.

Fimmtudaginn 18. júní hélt kirkjukór Hólaneskirkju á Skagaströnd sumartónleika. Vel var mætt og var þemað fuglasöngur en í frétt á vef sveitarfélagsins segir að það sé ekki sjálfsagt að 460 manna sveitarfélagi eigi svona marga hæfileikaríka söngvara.

Bæjarhátíðin Hofsós heim fór fram síðastliðna helgi og mikið líf og fjör var í bænum. Viðburðir hátíðarinnar voru afar vel sóttir og íbúar og gestir voru hæst ánægðir með helgina.