Fréttir

Vísir.is segir frá því að drengurinn sem varð fyrir bíl við söluskála Olís í Varmahlíð hafi nú verið útskrifaður af gjörgæslu og liggur á almennri sjúkradeild. Móðir drengsins, sem einnig varð fyrir bílnum, hefur verið útskrifuð af sjúkrahúsi.

„Ég ætla að skreppa norður í Sæluvikunni og lesa upp ljóð eftir mig í átta kirkjum í héraðinu,“ segir Eyþór Árnason skáld frá Uppsölum en hann segist auðvitað vera gamall Sæluvikudjammari! „Þessari hugmynd laust niður í hausinn á mér nú í janúar að það væri nú gaman að gera eitthvað þessu líkt. Færa ljóðið út til fólksins.“

Eitt af því sem hefur heillað mig sem aðfluttur Skagfirðingur er hversu menningin er hér í hávegum höfð. Hér er fjölbreytt úrval menningarviðburða en ekki síður löng og metnaðarfull hefð fyrir varðveislu sagna- og menningararfsins. Það veldur mér því vonbrigðum að fylgjast með hinni neikvæðu umræðu sem spunnist hefur um byggingu fyrirhugaðs Menningarhúss. Húss sem í áratugi hefur staðið til að reisa og hillir nú loks undir að verði að veruleika, með umtalsverðri aðkomu ríkisins.

Undirbúningur fyrir Sæluviku Skagfirðinga, hina árlegu lista- og menningarhátíð, stendur nú sem hæst og gengur afar vel. Hátíðin verður haldin dagana 12. til 19. apríl 2026 og stefnir í fjölbreytta og líflega dagskrá líkt og undanfarin ár, að sögn Maríu Neves verkefnastjóra hjá Skagafirði. Setningarhátíð Sæluviku fer fram sunnudaginn 12. apríl klukkan 13:00 í Safnahúsinu á Sauðárkróki, eins og venja er. Í beinu framhaldi verður opnuð sýning í tilefni þess að 100 ár eru liðin frá fæðingu rithöfundarins Indriða G. Þorsteinssonar.

Í kvöld hefjast framkvæmdir í Hvalfarjarðargöngum vegna endurnýjunar á lýsingu í göngunum. Verður göngunum lokað kl. 21:30 og til kl. 6:00 að morgni alla virka daga (frá mánudegi til föstudags) en áætlað er að framkvæmdum ljúki 29. maí.

Nú eru 90 ár liðin frá hörmulegum slysförum sem urðu í landi Hrauna í Fljótum hinn 4. nóvember 1935 þegar þrír ungir menn og frískir urðu úti við fjárleitir á Almenningum á leið út að Máná á Úlfsdölum. Þeir lögðu af stað frá Máná inn á Almenn-inga mánudagsmorguninn 4. nóvember. Komu þeir eftir hádegi inn í Hraun og höfðu þar skamma viðdvöl en fóru aftur áleiðis heim um tvöleytið. Litlu síðar brast á ægiveður af norðaustri með krapahríð og varð veðurhæð mikil um Úlfsdali og Almenninga.

Kristín Birgisdóttir er frá Kornsá í Vatnsdal en býr núna á Blönduósi. Kristín er í sambandi og á eina sex ára skottu. Hún vinnur sem aðstoðarleikskólastjóri í Leikskóla Húnabyggðar, svo mætti líka kalla það vinnu að ala upp barn og mann. Hún rifjaði upp fermingardaginn í FermingarFeyki en Kristíns fermdist frá Undirfellskirkju 19. apríl 1998.

Veðurstofa Íslands spáir vonskuveðri annan í páskum og eru ýmist gular eða appelsínugular viðvaranir í gildi á landinu fram á þriðjudagsmorgun. Veðrið virðist verða verst á sunnan- og vestanverðu landinu en gil viðvörun tekur gildi á Norðurlandi vestra um kl. 16:00 en gert er ráð fyrir að hún detti úr gildi aðfaranótt þriðjudags. „Austan 15-25 m/s og vindhviður staðbundið yfir 35 m/s, hvassast austantil á svæðinu. Einnig má búast við snjókomu eða skafrenningi með slæmu skyggni og versnandi færð. Varasamt ferðaveður,“ segir í viðvörun Veðurstofunnar.

Síðast heimsóttum við Helgu Hinriks til Moss í Noregi og þar var nú ekki leiðindunum fyrir að fara. En okkur er ekki til setunnar boðið, við vippum bakpokanum á bakið, tékkum á því hvort vegabréfið sé ekki örugglega á vísum stað og dembum okkur í flug til Dúbaí og það á stríðstímum. Auðvitað engin glóra í þessu ferðalagi ef ekki væri fyrir það að við þurfum að taka hús á frænku Helgu, Þórunni Ingu Kristmundsdóttur, frá Enniskoti í Víðidal en þar ólst hún upp með tvíburasystur sinni. Þær eru fæddar árið 1988 og foreldrarnir eru Kristmundur Ingþórsson og Sigrún Herdis Sigurbjartsdóttir.

Séra Gísli Gunnarsson í Glaumbæ í Skagafirði var vígður Hólabiskup þann 14. ágúst 2022. Það er því löngu kominn tími á að spjalla við Gísla um heima og geima. Hann er fæddur snemma árs 1957, sonur Gunnars Gíslasonar, prests og prófasts í Glaumbæ sem einnig var um árabil þingmaður Sjálfstæðisflokksins, og Ragnheiðar Margrétar Ólafsdóttur, safnvarðar við Byggðasafnið í Glaumbæ. Gísli er yngstur í hopi sex systkina. Gísli er giftur Þuríði Kr. Þorbergsdóttur og þau eiga fjögur uppkomin börn; synina Gunnar og Þorberg og dæturnar Margréti og Aldísi Rut.