Fréttir

Kvennalið Tindastóls í körfunni spilaði tvo æfingaleiki um liðna helgi en leikið var sunnan heiða. Fyrst léku stelpurnar við lið Ármanns og höfðu betur, 62-69, en það var fyrsti leikur liðsins í haust og eðlilega allt frekar ryðgað og leikmenn að læra inn á hver annan. Á sunnudag spiluðu þær síðan hörkuleik gegn liði Hauka en urðu að sætta sig við naumt tap, 80-78.

Á dögunum barst Tónlistarskóla Austur-Húnavatnssýslu einstaklega góð og kærkomin gjöf þegar Minningarsjóður hjónanna frá Garði og Vindhæli gaf skólanum rafmagnspíanó ásamt píanóstól.

Nú er nýtt og endurbætt ON app komið í loftið. Með nýja appinu stígur Orka náttúrunnar næsta skref í því að þróa hleðsluþjónustu sína og gera hleðsluupplifun viðskiptavina enn betri.

Unglingaeinvígið er golfmót sem fór fram í dag, mánudaginn 14. september, á Hlíðavelli hjá Golfklúbbi Mosfellsbæjar í frábæru golfveðri og er þetta í tuttugasta og annað sinn sem mótið er haldið. Einn kylfingur frá Golfklúbbi Skagafjarðar fékk boð á mótið en það var Brynjar Morgan Brynjarsson. Þrjátíu af fremstu afrekskylfingum landsins á aldrinum 13-18 ára fengu boð á mótið og er spilað um hinn eftirsótta Unglingaeinvígisbikar.

Fréttatilkynning: Ungmennaþing verður haldið fimmtudaginn 17. september kl. 09:30-13:00 í Fjölbrautaskólanum á Norðurlandi vestra. Öllum nemendum í 10. bekk er boðið að taka þátt í þinginu, frá öllum sex grunnskólum á Norðurlandi vestra. Um er að ræða samstarfsverkefni Barnaheilla, SSNV, Farsældarráðs Norðurlands vestra, Öruggara Norðurland vestra og Forvarnaráætlunar Norðurlands vestra. Ungmennaþingið er byggt á samskonar vinnustofum og Barnaheill hélt víða um land á vormánuðum, en þó sérsniðið að aðstæðum á svæðinu. Þingið er haldið að frumkvæði SSNV og Öruggara NV, í samvinnu við Fjölbrautarskóla Norðurlands vestra og með styrk frá Kaupfélagi Skagfirðinga, FISK seafood, Steinull, Borealis datacenter, Byggðarstofnunar, N1 á Sauðárkróki og Kjörbúðarinnar á Blönduósi.

Í lok ágúst stóð Héraðsbókasafn Skagfirðinga fyrir viðburðinum Sumarlestrarlok sem var endapunktur á lestraráskorun sumarsins. Sumarlesturinn er sameiginlegt átak miðstöðvar menntunar og skólaþjónustu og almenningsbókasafna um allt land. Að þessu sinni bar sumarlesturinn yfirskriftina Lestrarsprettur Gúnda geithafurs.

Á dögunum náðist sá merki áfangi að lagningu ljósleiðara í Húnaþingi vestra lauk með síðustu tengingunum í elsta hluta Hvammstanga. Var verkefnið seinni hluti átaks um lok ljósleiðaravæðingu landsins fyrir árslok 2026 sem samið var um haustið 2024. Þegar það samkomulag var gert hafði lengi ríkt óvissa um hvort og þá hvenær yrði unnt að tengja lögheimili í þéttbýli um land allt við háhraðanet. Áður hafði verið lokið við lagningu ljósleiðara í dreifbýli með styrkjum frá Fjarskiptasjóði.

Sigurbjörn Darri Pétursson býr í Brennihlíðinni á Króknum, er 14 ára gamall og gengur í Árskóla. Hann er íþróttagarpur Feykis að þessu sinni en þrátt fyrir ungan aldur er hann bæði búinn að leggja fótboltaskóna og pílurnar á hilluna – að minnsta kosti í bili. Hann er hins vegar á fullu í golfi og körfubolta og íþróttafélögin hans eru Golfklúbbur Skagafjarðar og Umf. Tindastóll.

Fimmtudaginn 10. september stóð Vegagerðin fyrir upplýsingafundi vegna fyrirhugaðra framkvæmda við Vatnsnesveg. Fundurinn var haldinn á Hótel Hvítserk í Vesturhópi og í frétt á vef Húnaþings vestra segir að á sjöunda tug gesta hafi sótt fundinn.

Það styttist í að sumarvertíðinni í fótboltanum ljúki. Leikir yngri flokka eru nánast óteljandi og sannarlega mikil breyting og annað landslag en var á síðustu öld. Feykir ákvað að forvitnast um hvernig hefur gengið og eitt og annað er við kemur barna- og unglingastarfinu í boltanum. Í unglingaflokkunum er um að ræða samstarf liðanna á Norðurlandi vestra og er það Tindastóll sem leiðir samstarfið og fara allir heimaleikir fram á Króknum.