Fréttir

Skráning á Unglingalandsmót UMFÍ er í fullum gangi en nú er tæp vika í að mótið hefjist. Opið verður fyrir skráningu keppenda til miðnættis sunnudagskvöldið 26. júlí. Yfirgripsmikill undirbúningur fylgir móti eins og þessu og því reynir mikið á öflugan hóp sjálfboðaliða.

Byggðarráð Skagafjarðar í umboði sveitarstjórnar samþykkti á 202. fundi sínum þann 16. júlí 2026 að auglýsa vinnslutillögu fyrir "Byggðasafn Skagfirðinga í Glaumbæ" skv. 40 gr. skipulagslaga nr. 123/2010. Vinnslutillaga skipulags fyrir Glaumbæ er sett fram á skipulagsuppdrætti ástamt greinargerð.

Matgæðingar vikunnar í tbl. 9 voru Eiríkur Þór Magnússon og Sandra Helgadóttir. Eiríkur er málarameistari, tekur að sér verkefni bæði innan- og utanhúss, og Sandra er táknmálstúlkur og táknmálskennari. Eiríkur á einn son úr fyrra sambandi (Róbert Bergmann) og Sandra á einn son og eina dóttur einnig úr fyrra sambandi (Þorsteinn Helgi Atlason og Lilja Líf Atladóttir). Eiríkur kemur frá Kópavogi og Sandra frá Vogum á Vatns leysuströnd á Reykjanesi.

Bann við innflutningi lifandi búfjár er aðeins einn hluti þess kerfis sem byggt hefur verið upp hér á landi til verndar dýraheilbrigði. Hér er átt við heildstætt kerfi þar sem mörg stjórntæki vinna saman að því markmiði að koma í veg fyrir að hingað berist og breiðist út sjúkdómar sem íslenskt búfé hefur litla eða enga mótstöðu gegn eða krefjast kostnaðarsamra aðgerða, svo sem bólusetninga eða niðurskurðar, til að halda þeim í skefjum.

Nú þegar styttist óðfluga í Unglingalandsmótið og spennan fer að magnast er kominn tími til að heyra í nokkrum krökkum sem ætla að spreyta sig á mótinu. Unglingalandsmótið er nefnilega frábær staður til að prufa sig áfram í einhverju nýju, búa til skemmtilegar minningar og hitta krakka alls staðar að af landinu. Ellen Día keppti fyrst á Unglingalandsmóti þegar mótið var síðast haldið á Sauðárkróki. Nú, þremur árum seinna, er mótið mætt aftur í heimabæinn hennar og mun hún keppa í þriðja sinn. Feykir heyrði í Ellen og spurði hana út í stemninguna fyrir helgina.

Feykir lagði nokkrar samvisku spurningar fyrir nokkra vestur-Húnvetninga vegna Elds í Hún. Hér svarar Dagrún Sól Barkardóttir:

Miklar breytingar hafa verið á sundlaug Sauðárkróks undanfarin ár. Heitu pottarnir og nýja laugin hafa opnað en enn er beðið eftir lauginni sjálfri. En það er víðar sem hægt er að skella sér í sund, því sundlaugarnar í Skagafirði bjóða upp á fjölbreytta og skemmtilega möguleika fyrir bæði heimamenn og gesti.

Mikil stemning var á Skagaströnd sl. laugardag þegar fyrsta Á Fram Atwork-Skagastrandarhlaupið fór fram. Fínasta veður tók á móti hlaupurunum og alls skráðu sig um 70 manns í hlaupið. Skipuleggjendur stefna að því að gera hlaupið að árlegum viðburði en það fór fram á vegum UMF Fram á Skagaströnd og fyrirtækisins Atwork sem er með starfsstöð á Skagaströnd.

Nýr dag á Eldinum. Gærdagurinn gekk vel. Sérstaklega var góð stemning og þátttaka í pílumótinu. Fólki á svæðinu er að fjölga og er búist við rúmlega 1000 manns um helgina. Miðasala á böllin á föstudag og laugardag er lífleg að sögn Birgis Þórs, eins af aðstandendum hátíðarinnar.

Dagskrá Unglingalandsmóts UMFÍ á Sauðárkróki er fjölbreytt eins og alltaf. Alla helgina verður keppt í fjölmörgum íþróttagreinum ásamt því að þátttakendur fá tækifæri til að prófa og kynnast nýjum greinum. Auk þess er spennandi skemmti- og afþreyingardagskrá á hverjum degi. Á kvöldin verða tónleikar og fjör fyrir alla fjölskylduna.