Fréttir

Lionsklúbbur Skagafjarðar var stofnaður 20. apríl 1987. Því er næsta ár 2027 afmælisár, 40 ára. Núna eru starfandi 24. félagar í klúbbnum. Eins og lionsklúbba er siður lætur Lionsklúbbur Skagafjarðar ýmislegt gott af sér leiða. Eitt er það sem hefur vakið verðskuldaða athygli en það er hið mikla landgræðslustarf sem að klúbbmeðlimir hafa staðið í í mörg ár. Feykir hafði samband við einn af félögunum og ekki þann sísta en það Bjarni Maronsson í Varmahlíð. Bjarni tók því ljúflega að svara nokkrum spurningum:

Matgæðingur vikunnar í tbl. 19 var Ævar Marteinsson á Mánagötunni á Hvammstanga en hann býr með Herdísi Harðardóttur og eiga þau saman þrjú börn. Ævar sér að mestu leyti um eldamennsku á sínu heimili og finnst rosalega gaman að grilla, hvort sem það er á gaseða kolagrilli og þá sérstaklega þegar veðrið er gott.

Sveitarfélagið Skagafjörður blæs til atvinnulífssýningar helgina 19. – 20. sept. Síðast var haldin sambærileg sýning árið 2023 og þá komu á milli 4.000 og 5.000 gestir. Núna er greinilega kominn tími á nýja sýningu því allt sýningarpláss er upppantað. Það verður fjölbreytt flóra fyrirtækja af svæðinu með kynningar á sinni starfssemi, stór og smá.

Fyrsti æfingaleikurinn í körfunni var spilaður í Síkinu í gærkvöldi og var vel mætt að venju. Andstæðingarnir voru lið Hattar frá Egilsstöðum sem vann sér sæti í Bónus deildinni í vor og úr varð hinn fjörugasti leikur. Það fór svo að Stólarnir höfðu betur, unnu leikinn 118-104, en leikurinn var óvenju langur því spilaðar voru 4x12 mínútur svo þjálfararnir gætu gefið leikmönnum góðar mínútur.

Síðastliðinn miðvikudag, 9. september, var haldinn á Sauðárkróki aðalfundur Drangeyjar - smábátafélags Skagafjarðar. Var hann mjög vel sóttur og á hann mættu einnig nýr formaður Landssambands smábátaeiganda Kjartan Páll Sveinsson og nýr framkvæmdastjóri Bryndis Ósk Jökla Björnsdóttir. Meðfylgjandi eru ályktanir fundarins:

Ungmennum á aldrinum 16–25 ára býðst nú tækifæri til að taka þátt í alþjóðlega Erasmus+ verkefninu The Nordic Youth Project, sem unnið er í samstarfi Húnaklúbbsins á Hvammstanga, aðila í Skotlandi og Finnlandi. Markmið verkefnisins er að virkja ungt fólk í byggða- og samfélagsþróun og skapa vettvang fyrir fræðslu, nýsköpun og frumkvöðlastarf. Þátttakendur frá löndunum þremur munu vinna saman, skiptast á reynslu og ræða meðal annars virka samfélagsþátttöku og hvernig ungt fólk getur haft áhrif á ákvarðanatöku í sínum samfélögum.

Það er Anna Birna Björnsdóttir og eiginmaður hennar Egill Birkir Sigurðsson sem eru matgæðingar vikunnar í tbl. 18. Anna Birna og Egill Birkir eiga heima í Kópavoginum ásamt Íslenska fjárhundinum Týru en þar hafa þau búið í 12 ár. Egill er fæddur á Patreksfirði en flutti ungur á Krókinn með móður sinni Rögnu Jóhannsdóttur, stjúpi hans er Pétur Valdimarsson. Anna Birna er einnig fædd og uppalin á Króknum og er dóttir Badda múrara, seinna Baddi í íþróttahúsinu og Siggu Gísla, dóttur Fjólu Sveins og Gísla Gunnars.

Í gær fór fram á Sauðárkróki Fjölskylduhlaup í tilefni af Gulum september en gulur er litur sjálfsvígsforvarna. Hlaupið var frá sundlauginni en einnig máttu þátttakendur ganga eða hjóla. Ágæt þátttaka var í hlaupinu en þó mögulega heldur færri en árið á undan. Feykir var á staðnum og smellti nokkrum myndum af hlaupagikkum af ýmsu tagi.

Síðustu umferðirnar hjá meistaraflokkunum hér á Norðurlandi vestra fara fram á morgun, laugardaginn 12. september. Lið Kormáks/Hvatar mætir Fjölni á Blönduósi og kvennalið Tindastóls hittir fyrir Hauka í Hafnarfirði. Örlög þessara liða eru ráðin en á Króknum er mikið undir þegar Tindastólsmenn taka á móti deildarmeisturum Víðis í Garði. Með sigri eiga Stólarnir séns á að komast upp í 2. deild en þá þarf lið KF að hafa stig af KH á Ólafsfirði. Feykir heyrði í Konna þjálfara.

Félag eldri borgara í Húnaþingi vestra bauð félögum sínum til fjölmennrar grillveislu í gær. Grillað var úti í hádeginu fyrir utan samfélagsmiðstöðina Glaumbæ sem er til húsa á neðri hæð Félagsheimilisins á Hvammstanga. Á boðstólum var gómsætt lambakjöt frá Sláturhúsi SKVH á Hvammstanga ásamt tilheyrandi meðlæti og drykkjum. Verðið á krásunum var ekki verðbólguhvetjandi því þátttakendur greiddu aðeins 1.000 krónur og gátu etið að vild.