Fréttir

Aðalfundur Félags kúabænda í Skagafirði 2026 var haldinn 28. janúar sl. á Kaffi Krók. Afar vel var mætt á fundinn, með mesta móti að sögn Þórdísar formanns FKS. Gestir fundarins að þessu sinni voru þeir Ágúst Torfi Hauksson og Fannberg Jensen frá Kjarnafæði Norðlenska og svo Guðrún Björg Egilsdóttir sérfræðingur á sviði nautgriparæktar hjá Bændasamtökum Íslands og fluttu þau áhugaverð og gagnleg erindi fyrir framleiðendur í héraðinu.

Nú hleypur svolítið á snærið hjá Blóðbankanum því hann er bæta við sig litlum blóðgjafabíl sem verður staðsettur á Akureyri. Búist er við að bíllinn verði klár í apríl. „Það er gríðarlega gott fyrir okkur á Norðurlandi þar sem við getum aukið þjónustuna til muna. Stóri bíllinn hefur komið tvisvar á ári á Sauðárkrók og Blönduós en við vonumst til að geta komið oftar,“ segir í tilkynningu frá Blóðbankanum.

„Leikurinn í gær hefði getað farið hvorn veginn sem var, því miður drógum við stutta stráið,“ sagði Arnar Guðjónsson þjálfari Tindastóls þegar Feykir spurði hann í morgun hvað hefði vantað upp á hjá Stólunum í gærkvöldi þegar þeir töpuðu fyrir Vesturbæingum í undanúrslitum VÍS bikarsins. „KR er með gott lið og fannst mér okkar lið gera margt mjög vel í gær.

Sveitarfélagið Skagaströnd hefur nú sett upp fjólubláán bekk á Fellsbrautinni. Bekkina má sjá víða um landið og er uppsetning þeirra liður í aukinni vitundarvakningu um heilabilun og hugmyndin að stuðla að opnari umræðu um málefnið í samfélaginu.

Óstuð Tindastólsmanna heldur áfram og hefur liðið nú tapað fjórum af fimm síðustu leikjum eftir að hafa legið í valnum eftir íleggju Tóta túrbó á lokasekúndunum í undanúrslitaleik í VÍS bikarnum í gærkvöldi. Leikurinn var æsispennandi en Tindastólsmenn lentu snemma undir og voru í raun að elta Vesturbæinga frá byrjun til enda. Strákarnir okkar komust yfir í lokafjórðungnum en boltinn féll ekki fyrir þá þegar mestu máli skipti og það verða því lið KR og Stjörnunnar sem mætast í bikarúrslitaleiknum á laugardaginn. Lokatölur 85-87.

Nú í byrjun vikunnar hefur verið töluverð umræða um mál félagsheimilisins í Ketilási í Fljótum þar sem Kvenfélagið Framtíð er ekki alls kostar sátt við vinnubrögð sveitarfélagsins Skagafjarðar sem vill fá á hreint eignarhald á félagsheimilinu fyrir dómstólum. Höfuðskáld Borgfirðinga, Jón Jens Kristjánsson, stingur af þessu tilefni niður penna á Boðnarmiði, Facebook-síðu vísnavina, en hann er oftar en ekki bæði hittinn og hnyttinn.

Farskólinn – miðstöð símenntunar á Norðurlandi vestra kynnir þessa dagana framboð sinna frábæru samstarfsfélaga í byrjun annar en eins og ávallt þá bjóða stéttarfélögin félagsmönnum sínum á þessi námskeið þeim að kostnaðarlausu.

Ágreiningur hefur skapast í byggðarráði Skagafjarðar um meðferð máls vegna eignarhalds á félagsheimilinu Ketilási í Fljótum. Fulltrúar VG og óháðra telja að sveitarfélagið hafi farið of langt með því að krefjast fulls eignarréttar að húsinu fyrir dómstólum, þrátt fyrir að Kvenfélagið Framtíð í Fljótum telji sig eiga 17 prósenta eignarhlut í eigninni. Byggðarráð bendir hins vegar á að þegar farin sé þessi leið fyrir dómstólum til að fá eignarhald skýrt til þinglýsingar þurfi að krefjast fulls eignarhalds.

Samkvæmt samantekt Landsnets vegna mats á umhverfisáhrifum Holtavörðuheiðarlínu 3 er framkvæmdin hluti af meginflutningskerfi raforku landsins. Hún telst mikilvægur þáttur í nýrri 220 kV kynslóð byggðalínu sem hefur það markmið að tengja landshluta með öruggum hætti frá Hvalfirði til Fljótsdalshéraðs. Núverandi raflínur, Blöndulína 1 og Laxárvatnslína 1, verði áfram mikilvægar tengingar við þéttbýliskjarna á Norðurlandi vestra og munu einnig styrkja tengingu við Vestfirði. Frá upphafi voru áform Landsnets skýr varðandi það að Holtavörðuheiðarlína 3 yrði hluti af meginflutningskerfi raforku, en aðrar raflínur myndu sinna svæðisbundnum tengingum innan landshluta.

Á síðasta ári var samþykkt á fundi útflutnings- og markaðsráðs endurskoðuð langtímastefna fyrir íslenskan útflutning. Íslandsstofa leiddi vinnu við gerð stefnunnar, sem er samstarfsverkefni stjórnvalda og atvinnulífs. Markmið hennar er að stuðla að auknum útflutningstekjum og sjálfbærum hagvexti á Íslandi.