A-Húnavatnssýsla

Á heimasíðu Þjóðskrár segir að íbúum hafi fækkað í níu sveitarfélögum en fjölgað eða staðið í stað í 55 sveitarfélögum frá 1. desember 2022 til 1. desember 2023. Á Norðurlandi vestra eru fimm sveitarfélög í dag og fjölgaði í þrem þeirra. Aftur á móti fjölgaði íbúum í öllum landshlutum miðað við 1. desember 2022 og var aukningin á Norðurlandi vestra um 0,7%. Hlutfallslega var mesta fjölgunin á Suðurnesjum eða um 5,3% sem er fjölgun um 1.651 íbúa. Samtals fjölgar íbúum á landinu öllu um 11.465 frá 1. desember 2022 til. 1. desember 2023 sem er um 3% aukning.

Hefð hefur skapast fyrir því að nemendur í 6. bekk Árskóla á Sauðárkróki halda sína árlegu Lúsíuhátíð miðvikudaginn 13. desember og syngja Lúsíusöngva á ýmsum stöðum á Sauðárkróki. Nemendur hafa æft Lúsíusöngva af kappi undanfarið og þennan dag ætla þeir að gleðja bæjarbúa með hátíðlegum söng, klæddir Lúsíubúningum.

Nú eru innan við tvær vikur í jólin og þeim fylgir að á nánast hverju einasta heimili er að finna eins og eina jólastjörnu, lilju, túlípana og/eða greni hvort sem það er grenitré eða grein sem búið er að skreyta. Þessar vinsælu jólaplöntutegundir eru hins vegar ekki svo góðar fyrir heimiliskettina, ef svo skemmtilega vill til að þú eigir einn eða tvo eða kannski þrjá slíka. Þessar plöntur hafa, því miður, mis mikil eituráhrif á ketti ef þeir innbyrgða þær og geta jafnvel leitt til dauða. 

Sjöunda umferð í Vetrarmótaröðinni hjá Pílufélagi Hvammstanga fór fram fimmtudaginn sl. og var spilaður KRIKKET leikur. Í kvöld, þriðjudaginn 12. des., fer svo fram áttunda umferð og verður gaman að sjá hver nær að vinna þá keppni en spilað verður 501 DIDO.

Síðustu vikur hefur Leikflokkur Húnaþings vestra verið að æfa leikritið Þytur í laufi- ævintýri við árbakkann. Leikstjóri er Greta Clough og er þetta fjórða barnaleikritið sem hún leikstýrir fyrir leikflokkinn en hún hefur komið að um 20 barnaleikritum í heild. Handritið var þýtt af Ingunni Snædal sem nýverið var valin í dómnefnd bókmenntaverðlauna Dyflinnar á Írlandi. Þetta er ekki í fyrsta skipti sem Ingunn þýðir fyrir leikflokkinn en þýddi hún einnig handritið að Hér um bil Húnaþing sem leikflokkurinn sýndi 2017.

Á fundi Byggðaráðs Húnabyggðar sem haldinn var 7. desember sl. fer Byggðarráð Húnabyggðar á leit við Náttúrufræðistofnun Íslands um að sveitarfélagið fái til baka uppstoppað bjarnardýr sem fellt var 17. júní 2008 og var um árabil til sýnis í stjórnsýsluhúsi Blönduósbæjar, nú Húnabyggð. Húnabyggð er í mikilli uppbyggingu í ferðamálum og ósk þeirra um að fá bjarnardýrið til baka er mikilvægur þáttur í því að efla og setja styrkar stoðir undir ferðamannaiðnaðinn í sveitarfélaginu.

Miðvikudagskvöldið 13. desember klukkan 20:00 er boðið til kyrrðarstundar í Miklabæjarkirkju. Það er Skagfirski sönghópurinn Vorvindar glaðir sem bjóða til kyrrðarstundarinnar og er þetta í fimmta sinn sem þeir bjóða fólki uppá ljúf og róleg jólalög ásamt öðrum á aðventunni.

Jesúss minn hvað tíminn er fljótur að líða.... 12 dagar til jóla og stekkjastaur mætti í morgun með skógjafir. Vona bara að allir hafi munað eftir því að setja eitthvað í skóinn. Mér hefur tekist að gleyma þessu og mér hefur einnig tekist að vera degi á undan hehehe alveg merkilegt hvað þetta getur verið erfitt. En munum samt að staldra við og njóta:)

Bændablaðið segir frá því að mikil ánægja sé hjá íbúum Húnabyggðar því loks hefur verið ákveðið að malbika flugvöllinn á Blönduósi en það á að framkvæma á nýju ári. „Þetta mál hefur verið í umfjöllun síðustu tíu ár og komst í hámæli þegar rútuslysið varð við Öxl fyrir nokkrum árum,“ hefur Bændablaðið eftir Petri Arasyni, sveitarstjóra Húnabyggðar en flugvöllurinn er mest notaður fyrir sjúkraflug.

Húnahornið segir frá því að sveitarstjórnir Húnabyggðar og Skagabyggðar hafa skipað fulltrúa í sameiginlegan vinnuhóp um mögulega sameiningu sveitarfélaganna.