A-Húnavatnssýsla

Íslenskur vinnumarkaður hefur gjörbreyst frá því sem áður var. Tækniframfarir hafa verið gríðarmiklar undanfarna áratugi og fjölbreytni starfa er mikil. Sum þeirra eru þess eðlis að það er hægt að vinna þau í 40 tíma á viku án þess að það hafi skaðleg áhrif á meðan önnur stofna heilsu fólks í hættu, sé unnið svo lengi. Spurningin er sú hvort við ættum ekki frekar að miða lengd vinnuvikunnar við þekkingu dagsins í dag og nútímasamfélagið í stað þess að miða við samfélagið eins og það var fyrir 50 árum. Stytting vinnuvikunnar hefur verið baráttumál BSRB og aðildarfélaga undanfarin ár og var meðal þess sem ávannst í kjarasamningunum í mars síðastliðnum.

Það er ekki nóg með það að á Norðurlandi vestra séu einhverjir bestu lögregluþjónar landsins, og þó víðar væri leitað, heldur þeir söngglöðustu líka. Þau Erna Rut Kristjánsdóttir og Steinar Gunnarsson syngja undurvel og tilvalið að hafa þau sem flytjendur jólalags dagsins.

Kristján Þór Júlíusson, sjávarútvegs- og landbúnaðarráðherra, kynnti fyrstu úthlutun Matvælasjóðs í morgun en alls hljóta 62 verkefni styrk að fjárhæð allt að 480 milljónir en sjóðnum bárust 266 styrkumsóknir. Hægt er að horfa á upptöku frá úthlutuninni hér, en hún var í beinu streymi.

Bikblæðingar eru nú mun minni á leiðinni milli Borgarness og Akureyrar en verið hefur síðustu daga. Ástandið fór að batna síðdegis í gær og er mun betra nú fyrir hádegi að því er fram kemur í frétt á vef Vegagerðarinnar. Vegagerðin hefur þó áhyggjur af því að ástandið gæti átt eftir að versna með hækkandi hitastigi þegar á daginn líður og fylgist grannt með ástandinu.

Í foreldrahúsum var því iðulega haldið til haga að siðir, venjur og reglur væru mannanna verk og þeim væri hægt að breyta. Það tók mig smá tíma að átta mig almennilega á inntakinu. Þetta gildir í báðar áttir. Mannanna verk eru ekki öll af hinu góða og það sama á við um breytingar. Þrátt fyrir góðan hug og göfug markmið fer ósjaldan eitthvað úrskeiðis þegar skipt er um kúrs.

Starfshópur á vegum ríkis og sveitarfélaga áætlar að afkoma A hluta sveitarsjóða verði neikvæð sem nemur 17,7 milljörðum króna í ár. Það er um 2,2 milljörðum betri afkoma en starfshópurinn áætlaði í skýrslu í ágúst síðastliðnum þegar stefndi í 19,9 milljarða halla samkvæmt fyrirliggjandi gögnum. Benda nýjustu tölur til þess að samdráttur í tekjum verði minni en ráð var fyrir gert í sumar en heildargjöldi verði þau sömu. Þegar litið er til áætlana um skuldastöðu sveitarfélaganna þá er hún ögn skárri en nú en gert var ráð fyrir í fyrri áætlun og sama gildir um veltufé frá rekstri. Þetta kemur fram í frétt á vef samgöngu- og sveitarstjórnaráðuneytisins.

Á tímum atvinnuleysis og samdráttar er mikilvægt að hvetja fyrirtæki til framþróunar og arðbærra fjárfestinga. Samfélagið þarf á virkri atvinnuþróun, fjölgun starfa og verðmætasköpun að halda. Aðstæður kalla á að stjórnvöld fari í aðgerðir sem styrkja atvinnulífið í bráð og lengd. Auk hvata og stuðnings við nýsköpun þarf aðgerðir til að halda atvinnulífinu gangandi, koma í veg fyrir stöðnun, skapa nýjar tekjur og störf hratt.

Vegagerðin hefur sent frá sér fréttatilkynningu þar sem hún hvetur almenning sem hyggur á ferðalög milli Borgarness og Akureyrar til að fresta för. Er það gert vegna bikblæðinganna sem eru víða á leiðinni og hafa valdið miklum skemmdum á bifreiðum og slysahættu.

Tjörublæðingar eins og þær sem nú eru í stórum stíl á veginum frá Borgarfirði norður í Skagafjörð koma í kjölfar mikilla sveifla í hitafari síðustu daga. Blæðingar eru alþjóðlega þekktar en miklar hitasveiflur á skömmum tíma eins og oft einkennir íslenskt veðurfar gerir bikblæðingar af þessu tagi algengari hér en víða annars staðar. Þetta segir í frétt á vef Vegagerðarinnar frá því í morgun.

Bíll smáframleiðenda verður á ferðinni um Norðurland vestra þessa vikuna með viðkomu á níu stöðum allt frá Borðeyri og austur í Fljót. Smáframleiðendur, í samstarfi við Vörusmiðjuna BioPol á Skagaströnd, hafa verið á ferðinni um svæðið reglulega frá því í sumar og óhætt er að segja að þessi nýstárlegi verslunarmáti hafi mælst vel fyrir meðal íbúa enda er vöruúrvalið ótrúlega fjölbreytt.