Ályktun stjórnar SSNV vegna niðurskurðaráforma til heilbrigðisstofanna á Norðurlandi vestra
Stjórn Samtaka sveitarfélaga á Norðurlandi vestra mótmælir harðlega niðurskurðaráformum stjórnvalda sem viðkoma Heilbrigðisstofnunum á Norðurlandi vestra og eru settar fram í frumvarpi til fjárlaga 2011.
30% niðurskurður á Heilbrigðistofnuninni á Sauðárkróki og 13% niðurskurður á Heilbrigðisstofnuninni á Blönduósi er ekkert annað en aðför að þessum stofnunum og afhjúpar virðingarleysi heilbrigðisyfirvalda til íbúa á þessum svæðum. Nú þegar hefur þjónusta þessara stofnana verið skert og er með því alvarlega vegið að velferðarþjónustu í þessum byggðalögum. Minnt er á að þessar stofnanir tóku á sig meiri hlutfallslega skerðingu á árinu 2010 en flestar aðrar heilbrigðisstofnanir í landinu.
Ekki liggur fyrir mat á samfélagslegum áhrifum sem boðaður niðurskurður mun hafa í för með sér í umræddum byggðalögum en vafalaust munu áformin leiða til aukins atvinnuleysis með tilheyrandi kostnaði fyrir ríkissjóð, og íbúafækkunar með tilheyrandi tekjutapi fyrir sveitarsjóði. Þá er ótalinn sá öryggisþáttur sem aðgengi að heilbrigðisþjónustu í heimabyggð er og sá aukni kostnaður sem íbúar þurfa að greiða fyrir, við að sækja þjónustu annað. Verið er að velta kostnaði yfir á íbúa landsbyggðarinnar sem þýðir í raun að lagður er á nýr landsbyggðarskattur.
Stjórnin átelur heilbrigðisráðuneytið fyrir samráðsleysi við ákvörðun um slíkar grundvallarbreytingar á heilbrigðisþjónustu í landshlutanum og skorar á Heilbrigðisráðherra að endurskoða boðuð niðurskurðaráform og heitir á alþingismenn NV kjördæmis að beita sér fyrir að endurskoðun á fjárheimildum til stofnanna.
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.