Árlegur fræðsludagur skólanna í Skagafirði
Síðastliðinn þriðjudag var fræðsludagur leik- grunn- og tónlistarskóla í Skagafirði haldinn í Miðgarði í Varmahlíð. Fræðsludagurinn er árviss viðburður í upphafi skólaárs og er þetta í áttunda sinn sem hann er haldinn á vegum fræðsluyfirvalda í Skagafirði. Þar koma allir starfsmenn skólanna saman til að fræðast og bera saman bækur sínar.
Dagskráin var fjölbreytt að vanda. Eftir setningarávarp Herdísar Sæmundsdóttur, sviðsstjóra fjölskyldusviðs, kynnti Selma Barðdal, skólafulltrúi, marghliða sérfræðiþjónustu sem skólunum stendur til boða. Að því loknu fjallaði Helga Harðardóttir, kennsluráðgjafi, um matsaðferðir skólanna og nýjungar á því sviði og því næst kynntu Sigurlaug Rún Brynleifsdóttir og Anna Steinunn Friðriksdóttir, sem báðar eru deildarstjórar stoðþjónustu, nýútgefna lestrarstefnu Skagafjarðar sem unnið hefur verið að undanfarin tvö skólaár.
Elísa Guðnadóttir, sálfræðingur, fjallaði um álag, streitu og streitustjórnun og leiðir til úrbóta í erindi sínu sem bar yfirskriftina „Hvernig á ég að lifa veturinn af?" Ingvi Hrannar Ómarsson, kennsluráðgjafi, kynnti upplýsingatækni í grunnskólum fyrir starfsfólki grunnskólanna ásamt þeim Bergmanni Guðmundssyni og Álfhildi Leifsdóttur. Á meðan hélt Elísa Guðnadóttir, sálfræðingur, erindi ætlað leikskólastarfsfólki um leiðir til að bæta hegðun og líðan leikskólabarna og tónlistarkennarar fengu erindi um þróunarstarf í tónlistarskólum sem Helga Sighvatsdóttir, aðstoðarskólastjóri Tónlistarskóla Árnesinga, flutti og einnig fjallaði Freyja Gunnlaugsdóttir, aðstoðarskólastjóri við Tónlistarskóla Reykjavíkur, um tónlistarmenntaskóla.
Svo virðist sem veðurguðirnir hafi sammælst um að bjóða jafnan upp á afbragðs veður þennan dag, svona rétt til að stríða þeim sem eru að snúa til baka úr sumarfríi. Engu að síður var fræðsludagurinn vel sóttur að vanda og að sögn Herdísar Sæmundsdóttur voru um 180 manns saman komnir í Miðgarði og áttu þar góðan dag.
Fleiri fréttir
-
Hæfileikabúnt frá Húnaþingi vestra sigruðu í Fiðringi 2025
feykir.is Vestur-Húnavatnssýsla, Listir og menning, Lokað efni 08.05.2025 kl. 14.38Þeim er margt til lista lagt nemendunum í Grunnskóla Húnaþiings vestra og þessi vetur hlýtur að verða þeim mörgum minnistæður. Fyrir jól áttu nemendur eitt af þeim þremur lögum sem þóttu skara fram úr í Málæði, í síðustu viku tryggði lið skólans sér sæti í úrslitum í Skólahreysti og í gær sigraði atriði skólans í Fiðringi 2025, hæfileikakeppni fyrir nemendur í 8.-10. bekk, sem haldin var á Akureyri.Meira -
Nýsköpun sem drifkraftur | Freyja Rut Emilsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.05.2025 kl. 14.18Nýsköpun er ekki bara orð til að nota á tyllidögum og í kosningabaráttu, nýsköpun er drifkraftur framþróunar, hvort sem það er í litlum fyrirtækjum á landsbyggðinni eða stórum alþjóðlegum fyrirtækjasamsteypum. Nýsköpun opnar nýjar leiðir, skapar ný störf, eykur hagkvæmni og gerir okkur – bæði sem einstaklinga og samfélög, betur í stakk búin til að takast á við þær áskoranir sem blasa við, grípa þau tækifæri sem bjóðast og skapa ný. Fyrirtæki og samfélög sem fóstra og næra nýsköpunarhugsun og nýsköpunarverkefni eru lykillinn að sjálfbærum vexti, bættum lífsgæðum og framþróun sama hvaða atvinnugreinar horft er til.Meira -
Innlyksa á Húsabakka í Skagafirði
feykir.is Skagafjörður 08.05.2025 kl. 12.37Í gær kom tilkynning frá Almannavarnadeild Ríkislögreglustjóra um mikla vatnavextir í Austari Jökulsá og Héraðsvötnum. Ábúendur á Syðri og Ytri Húsabakka hafa fundið vel fyrir þessum vatnavöxtum enda innlyksa og skemmdir á vegum og túnum ekki skýr að svo stöddu.Meira -
Strandveiðin byrjaði á mánudaginn
feykir.is Skagafjörður, Lokað efni 08.05.2025 kl. 12.15Það verður fjör hjá smábátaeigendum í sumar því strandveiðitímabilið byrjaði af fullum krafti á mánudaginn síðastliðinn. Fyrir þá sem sóttu um leyfið og fengu geta sótt sjóinn í alls 48 daga. Þessir dagar skiptast niður í 12 daga á mánuði í fjóra mánuði og má einungis róa á mán., þrið., mið. og fimmtudögum. Þá má fiska 774 kíló á dag og á þetta fyrirkomulag að tryggja fullt jafnræði milli landshluta en sl. ár hefur strandveiðin verið stöðvuð löngu áður en tímabilið er búið, eða um miðjan júlí.Meira -
Klara Sveinbjörnsdóttir og lið Storm Rider sigruðu KS deildina
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 08.05.2025 kl. 12.08Úrslit í Meistaradeild KS urðu ljós þegar lokakeppnin fór fram að kvöldi 2. maí, í Svaðastaðahöllinni á Sauðárkróki þegar keppt var í tölti og flugskeiði. Mikil eftirvænting var fyrir kvöldinu því þá kæmi í ljós hverjir stæðu uppi sem heildarsigurvegarar bæði í einstaklings- og liðakeppni.Meira
