AVS rannsóknasjóður veitir 46 styrki til þess að auka verðmæti sjávarfangs
AVS rannsóknasjóður í sjávarútvegi hefur lokið úthlutun styrkja fyrir árið 2014. Alls voru veittir 46 styrkir þar af 15 vegna framhaldsverkefna.
Styrkir eru veittir í fimm flokkum og innbyrðis skiptist úthlutunin þannig að til fiskeldisverkefna voru veittir 6 styrkir að upphæð samtals 53,7 milljónir kr., til markaðsverkefna 9 styrkir samtals 35,5 milljónir kr., 10 styrkir til líftækniverkefna samtals 63,2 milljónir kr., 13 styrkir á sviði veiða og vinnslu að upphæð 72.2 milljónir kr. Til atvinnuþróunar og nýsköpunar í sjávarbyggðum, sem er tiltölulega nýr styrktarflokkur hjá sjóðnum, voru 8 verkefni styrkt alls að upphæð kr. 15 milljónir kr.
Þetta er tólfta starfsár AVS sjóðsins, sem hefur að markmiði að styrkja verkefni, sem stuðla að aukinni verðmætasköpun í sjávarútvegi. Sjóðurinn hefur undanfarin ár haft starfsstöð sína á Sauðárkróki og fluttist um síðustu áramót í húsnæði Byggðastofnunar og við hana samið um stjórnsýsluumsjón með honum. Formaður úthlutunarnefndar sjóðsins er Lárus Ægir Guðmundsson en aðrir í nefndinni eru Hólmfríður Sveinsdóttir og Arndís Steinþórsdóttir. Pétur Bjarnason sér um málefni sjóðsins hjá Byggðastofnun. /Fréttatilkynning
Á meðal þeirra sem hlutu styrk voru:
Hólaskóli – Háskólinn á Hólum, Helgi Thorarensen – Aukinn árangur af bleikjukynbótum
FISK Seafood hf, Gunnlaugur Sighvatsson – Geymsluþol léttsaltaðra flaka í frosti
Iceprotein ehf, Hólmfríður Sveinsdóttir - Gæðamælingar í matvælaframleiðslu á Norðurlandi vestra
Yfirlit yfir alla styrkina má sjá á heimasíðu sjóðsins www.avs.is.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
