Bangsaveiðar í Skagafirði
Fólk hefur fundið ýmislegt skemmtilegt sér til dægrastyttingar í samkomubanninu sem nú er í gildi og hafa foreldrar verið duglegir að tileinka sér hina ýmsu afþreyingu með börnum sínum sem mörg hver eru meira heima en venjulega. Einn af þeim skemmtilegu leikjum sem hafa verið settir í gang eru bangsaveiðar í Skagafirði þar sem reynt er að finna sem flesta bangsa í gluggum héraðsins.
Leikurinn gengur að því tilskyldu að fólk setji bangsa og önnur tuskudýr út í glugga svo þeir sem eru á gangi með börnin sín hafi nóg að gera í veiðiskapnum eða réttara sagt að skoða, telja eða og spekúlera í litum bangsanna. Fyrirmyndin er fengin að láni úr höfuðborginni þar sem ein mamman í Laugarneshverfi kom þessum leik af stað en á Mbl.is kemur fram að upphaflega kemur hugmyndin erlendis frá.
"Þessi ásamt tveim öđrum bíđa spenntir hér í Hlíđarstígnum."
Óhætt er að segja að leikurinn hafi slegið í gegn og fjölmargir bangsar komnir út í glugga á Sauðárkróki sem bíða þess eins að vera taldir.
„Styttum okkur stundir og njótum útiverunnar með gormunum okkar. Förum á bangsaveiðar og reynum að finna sem flesta bangsa í gluggum bæjarins. Munum sjálf eftir að setja bangsa út í glugga. Skemmir ekki að fá myndir,“ segir í einni færslunni á Facebookhópnum Bangsaveiðar í Skagafirði.
„Við skruppum á sleða í kvöldinu og skoðuðum bangsa í leiðinni. Það kom reyndar kvörtun yfir að það væru engir bangsar hjá fyrirtækjum bæjarins. Skorum á þá sem geta laumað böngsum í glugga á sínum fyrirtækjum að gera það, líka þar sem er lokað vegna samkomubanns. Það er svo gaman að finna bangsa alls staðar,“ segir í annarri færslu.
Þá er bara að hvetja alla til að vera með, setja bangsa í gluggann og leyfa þeim að taka þátt í gleðinni.
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.