Byggðasafn Skagfirðinga 70 ára
Í gær 29. maí voru liðin 70 ár frá stofnun Byggðasafns Skagfirðinga árið 1948 en fastasýning var opnuð í Glaumbæ þann 15. júní fjórum árum seinna, 1952. Safnið er eign Akrahrepps og Sveitarfélagsins Skagafjarðar og segir í stofnskrá að hlutverk þess sé að safna, varðveita og rannsaka muni og minjar úr Skagafjarðarhéraði og miðla þeim til almennings.
Elsta stofnskrá safnsins gilti frá stofnun 1948 til 1989 meðan byggðasafnsnefnd stýrði safninu fyrir hönd sýslunefndar. Héraðsnefnd tók svo við rekstri safnsins 1989 og þá var stofnskráin endurnýjuð í samræmi við það. Við sameiningu sveitarfélaganna í Skagafirði árið 1998 breyttist eignarformið og nýtt sameinað Sveitarfélag Skagafjörður og Akrahreppur urðu eigendur safnsins. Yngsta stofnskrá safnsins er frá 1. janúar 2013 og var hún endurnýjuð í samræmi við áherslur nýrra laga og tilmæla frá Safnaráði.
Safnið hefur haft fimm hús fyrir starfsemi sína undanfarin ár en þau eru gamli torfbærinn í Glaumbæ, Áshúsið, Gilsstofan og Minjahúsið á Sauðárkróki, sem nú hefur lokið hlutverki sínu.
Í inngangi stefnuskrár safnsins segir að miklar breytingar hafi orðið á högum byggðasafna frá því þau voru sett á fót á 20. öld. Þau séu ekki lengur varðveislustofnanir sem sýna hvað til er af safngripum og segja sögu þeirra því þau eru mörg hver orðin virkir þátttakendur í samfélagsþjónustu og ímyndarsköpun byggðarlaganna sem að þeim standa. Starfsemi Byggðasafns Skagfirðinga beinist fyrst og fremst að þekkingarsköpun og fræðslu.
Á Facebooksíðu safnsins segir að komnar séu myndir af flestum safngripum á Sarp, (sarpur.is) sem er miðlægur gagnagrunnur íslensku minjasafnanna. „Við byrjum auðvitað á að kynna safngrip nr. 1, kistu frá 1850. Kistan er í sýningu í gamla bænum í Glaumbæ sem fjallar um mannlíf í torfbæjum 1850-1950,“ segir á síðunni.
Fleiri fréttir
-
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
Herramenn snúa aftur til fortíðar
feykir.is Skagafjörður, Listir og menning, Lokað efni 29.04.2025 kl. 11.22Það hefur væntanlega ekki farið fram hjá mörgum að hin ástsæla hljómsveit, Herramenn, hyggur á tónleikahald nú um miðjan maí, nánar tiltekið föstudags- og laugardagskvöldin 16. og 17. maí nk. í Ljósheimum. Miðar eru þegar farnir í sölu á Tix.is og strákarnir farnir að spila sig saman og rifja upp ekkert svo gamla takta. Þessu má auðvitað enginn missa af og því vissara að tryggja sér miða í tíma.Meira -
Þriðji leikurinn í kvöld... ÁFRAM TINDASTÓLL!
feykir.is Skagafjörður, Íþróttir 29.04.2025 kl. 10.48Það er leikur í dag, þriðji leikurinn, hjá strákunum í Tindastól á móti Álftanesi og byrjar hann á slaginu 19:15 í Síkinu. Ef þú ert ekki búin/n að tryggja þér miða á Stubb þá skaltu fara í að drífa í því áður en það verður uppselt. En Sigríður Inga var örlítið fyrr á ferðinni með dagskrá dagsins en fyrir síðasta leik og ekki seinna vænna en að við hjá feykir.is birtum hana hér.... við skulum sjá hvað hún segir...Meira -
„Sveitarfélögin eru um margt lík hvað varðar uppbyggingu og atvinnuhætti“
feykir.is Vestur-Húnavatnssýsla, Mannlíf, Lokað efni 29.04.2025 kl. 08.51Umræða um mögulega sameiningu Húnaþings vestra og Dalabyggðar rt nú í fullum gangi. Svo virðist sem töluverð hákvæðni ríki um að ferlinu verði fram haldið. Magnús Magnússon, oddviti Sjálfstæðisflokks í Húnaþingi vestra, er formaður verkefnisstjórnar óformlegra viðræðna fyrir hönd Húnaþings vestra og lagði Feykir fyrir hann nokkrar spurningar. Var hann m.a. spurður hvort hann teldi íbúa spennta fyrir sameiningu en þar vitnaði hann í orð hins þjóðkunna sr. Baldur heitinn í Vatnsfirði: ,,Í þessu máli er vissara að hafa tvær skoðanir.““Meira -
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.