Fréttir

Talsverður vöxtur er í ferðaþjónustu á Norðurlandi, einkum í vetrarferðaþjónustu, og umtalsverðar fjárfestingar yfirstandandi eða í bígerð á svæðinu. Komufarþegum til Akureyrarflugvallar fjölgaði um 9,5% á síðasta ári og hafa aldrei verið fleiri, þá eru vísbendingar um að erlendir ferðamenn sem heimsækja Norðurland leiti sérstaklega í annars konar afþreyingu en ferðamenn sem koma um Keflavíkurflugvöll. Fjallað var um stöðu og horfur í ferðaþjónustu á Norðurlandi á ráðstefnunni „Segjum sögur af fjárfestingum“ sem Markaðsstofa Norðurlands stóð fyrir í vikunni.

Prjónagleðin, eða Iceland Knit Fest upp á enska tungu, verður haldin af sveitarfélaginu Húnabyggð dagana 5.-7. júní næstkomandi og er þetta í annað sinn sem Húnabyggð er alfarið með handverkshátíðina á sinni könnu. Það er Svanhildur Pálsdóttir sem er viðburðastjóri Prjónagleðinnar í fimmta skipti og sér hún um undirbúning, skipulag og framkvæmd ásamt mögnuðum hópi sjálfboðaliða. Feykir sendi nokkrar vandaðar spurningar á viðburðastjórann en í ár er haldið upp á það að þetta er í tíunda sinn sem Prjónagleði fer fram.

Eins of Feykir greindi frá fyrr í dag liggur nú fyrir að Byggðalistinn og Sjálfstæðisflokkur hafa myndað nýjan meirihluta í sveitarfélaginu Skagafirði. Í fréttinni kom fram að Magnús Barðdal, oddviti Sjálfstæðisflokksins, tekur við af Sigfúsi Inga Sigfússyni sem sveitarstjóri en Sigfús Ingi gegndi embættinu í 12 ár. Nýr meirihluti hefur nú kynnt málefnasamning sinn og var hann birtur á heimasíðu Skagafjarðar í dag. Lesa má hann hér að neðan.

Sagt var frá því á heimasíðu Skagafjarðar í dag að í vikunni skrifuðu Inga Sæland mennta- og barnamálaráðherra, Sigfús Ingi Sigfússon sveitarstjóri Skagafjarðar og Selma Barðdal Reynisdóttir skólameistari Fjölbrautaskóla Norðurlands vestra undir viljayfirlýsingu um stækkun verknámshúss Fjölbrautaskóla Norðurlands vestra. Áætlað er að framkvæmdir hefjist næsta vetur og gert er ráð fyrir að húsið verði reist í tveimur áföngum.

Fjölbrautaskóla Norðurlands vestra var slitið í 47. skipti við hátíðlega athöfn í dag, föstudaginn 29. maí, í íþróttahúsinu á Sauðárkróki. Alls útskrifaðist 161 nemandi frá skólanum og var ríflega helmingur þeirra viðstaddur athöfnina. Selma Barðdal, skólameistari, setti athöfnina en í máli hennar kom fram að í vikunni hefði verið undirrituð viljayfirlýsiing milli ríkisins, Skagafjarðar og skólans um stækkun verknámsaðstöðu sem lengi hefur verið beðið eftir.

Félagar í Rótarýklúbbi Sauðárkróks komu færandi hendi í heimsókn í aðsetur sjúkraþjálfunar og endurhæfingar HSN á Sauðárkróki þann 21. maí síðastliðinn. Það er markmið félaga að láta gott af sér leiða sem víðast í samfélaginu. Gjöfin í ár eru þrjú þrekhjól, hugsuð fyrir alla þá fjölmörgu einstaklinga sem njóta þjálfunar og endurhæfingar hjá stofnuninni.

Meirihlutasamkomulag á milli Byggðalistans og Sjálfstæðisflokksins var undirritað í Skagafirði í dag en samræður á milli flokkanna hafa staðið yfir síðan skömmu eftir kosningar.

Skráning í sumarfjör í Húnabyggð er hafin. Sex vikur af skemmtilegu námskeiði þar sem áherslan er lögð á fræðslu, skemmtun og hreyfingu fyrir börn. Dagskráin er stútfull af alls kyns fjöri þar sem meðal annars verður boðið upp á sundpartý, kynningu á viðbragðsaðilum og vatnsbyssufjöri.

Fimmtudaginn 28. maí færði Sjálfsbjörg í Skagafirði endurhæfingardeildinni hjá HSN á Sauðárkróki tvær gjafir, en um er að ræða sjöttu og sjöundu gjöf félagsins til deildarinnar. Annars vegar fékk deildin nýtt MOTOmed rafmagnshjól og hins vegar leysitæki.

Í vetur hefur nýr golfskáli risið á Hlíðarendavelli á Sauðárkróki. Nú þegar styttist í opnun nýs og glæsilegs skála er fólk orðið enn spenntara og nú er mikil tilhlökkun meðal meðlima golfklúbbsins. Feykir hafði samband við Aldísi Hilmarsdóttur formann Golfklúbbs Skagafjarðar, sem sagði nánar frá verkefninu.