Feykir mælir með grilluðum kjúkling með sataysósu og Camembert í ofni
Loksins er að koma smá vorfílingur í mann og þá byrjar allsherjar grillvertíð á mínu heimili. Kjúklingur er eitthvað sem er auðvelt að fá krakkana til að borða og það er eins og þau ætli úr límingunum þegar maður bíður þeim upp á kjúklingaspjót. Ég mæli með að gera tvöfalda uppskrift því þau eru líka góð daginn eftir og ekki skemmir fyrir að notast við þessa sataysósu því hún er guðdómlega góð. Ég hef svo náð að klúðra Camembert osti í ofni, já þið lásuð rétt, en ástæðan var að ég setti hann á eitthvað glerfat sem ég hélt að ætti að þola smá hita en viti menn það gerði það ekki. Fyrir vikið sat ég uppi með að taka ofninn minn í gegn og á þar að leiðandi ennþá eftir að prufa þessa uppskrift sem verður vonandi um helgina.
RÉTTUR 1
Grillaður kjúklingur
- 600-800 g kjúklingalundir
- 4 msk. ólifuolía
- 1 sítróna – rífið börkinn af og notið hann
- 1-2 hvítlauksgeirar, pressaðir
- salt og pipar eftir smekk
Aðferð: Blandið öllu saman í skál og veltið lundunum upp úr blöndunni. Setjið lok yfir og geymið í kæli í 2 tíma. Gott er að setja grillpinna í bleyti áður en kjúllinn er þræddur upp á, þá brenna þeir síður. Þræðið lundirnar á spjót og grillið á vel heitu grilli í 2-3 mínútur á hvorri hlið eða þar til kjúklingurinn er eldaður í gegn.
Sataysósa
- 400 ml kókosmjólk
- 1 rautt chili, saxað smátt
- ½ krukka gróft hnetusmjör
- 5 msk. sojasósa
- 1 ½ msk. rifin engiferrót
- 2 pressaðir hvítlaugsgeirar
- 1-2 msk. hunang
- safi úr 1 lime
- kóríander, eftir smekk til skrauts
- salthnetur, saxaðar (til skrauts)
- lime bátar til að kreista yfir
Aðferð: Setjið allt í pott og hrærið vel í meðan, látið malla í nokkrar mínútur við vægan hita svo hún brenni ekki við.Gott er að smakka á sósunni og bæta við salt og pipar, chili eða chili kryddi ef þess þarf. Ef þið viljið hafa sósuna þynnri er gott að setja meira af kókosmjólk. Berið sósuna heita fram, ásamt kjúklingaspjótum, söxuðu kóríander, lime bátum og söxuðum salthnetum. Gott er að bera þennan rétt fram með salati og hrísgrjónum.
KVÖLDSNARLIÐ
BAKAÐUR OSTUR MEÐ KAHLUA OG PEKANHNETUSÝRÓPI
- 1 stk. Camembert eða Brie
- 1 ½ dl Kahlua líkjör
- 1 ½ dl púðurskykur
- 1 ½ dl pekanhnetur, gróft saxaðar
- hnífsoddur af Maldonsalti
Aðferð: Skerið efsta hlutann (toppinn) af ostinum og skiljið hann eftir á meðan osturinn er í ofninum. Bakið ostinn á smjörpappír í um 15 min. við 175°C. Setjið Kahlua og sykur í pott og látið suðuna koma upp. Hitið svo sýrópið áfram við vægan hita í um 10 mín. Hrærið reglulega í sýrópblöndunni. Bætið pecanhnetum saman við sýrópið og leyfið þeim að liggja í blöndunni í um tvær mín. Setjið ostinn í skál og takið toppinn af, hellið blöndunni yfir. Berið fram með þessu pítabrauð, snittubraut eða kex.
Uppskriftirnar og myndirnar eru teknar af síðunni eatrvk.is
Verði ykkur að góðu og góða helgi
sigga sigga sigga
Fleiri fréttir
-
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.