Dæmdur fyrir slæman aðbúnað hrossa
Nýlega dæmdi Héraðsdómur Norðurlands vestra bónda í Húnaþingi vestra til sektar kr. 50.000- í ríkissjóð en málið höfðaði lögreglustjórinn á Blönduósi 5. nóvember s.l. fyrir brot gegn dýraverndunarlögum, lögum um búfjárhald og reglugerð um aðbúnað og heilbrigðiseftirlit hrossa.
Málavextir voru þeir að eftir heimsókn ráðunautar og forðagæslumanns að bænum hinn 12. apríl 2010 þótti þeim ástæða til að taka fram í skýrslu að umhirða þriggja hesta væri óviðunandi. Tveir hestanna hafi verið með svo framvaxna hófa að táin stóð upp í loft sem leiddi til þess að fótastaða þeirra var röng. Þá hafi einn hestur, grár að lit, verið bæklaður á framfæti, líkast til brotinn eða farinn úr lið og hann af þeim sökum átt erfitt með gang.
Í skýrslunni kemur einnig fram að hestarnir hafi ekki verið kappfóðraðir og sá grái farinn að leggja nokkuð af. Í kjölfarið sendi Matvælastofnun bréf til lögreglustjórans á Blönduósi og kærir ákærða fyrir meint brot á lögum um dýravernd og reglugerð um aðbúnað hrossa.
Í vitnaleiðslum kemur fram að ekki hafi verið víst að hrossið hafi verið fótbrotið og féll ákæruvaldið frá þeim þætti ákærunnar. Einnig telst það ósannað að holdastig hestsins hafi verið svo slæmt að efni hafi verið til að refsa ákærða fyrir það. Þótti því rétt að sýkna ákærða af þeim þætti ákærunnar.
Að mati héraðsdýralæknis var ástandið svo alvarlegt að eftir heimsókn hans og héraðsráðunautar til bóndans 19. apríl 2010 vildi hann að strax yrði hafist handa við að bæta aðbúnað og umhirðu búfjárins og í bréfi héraðsdýralæknis til lögreglustjórans á Blönduósi er krafa um aflífun hrossanna.
Önnur vitni sem komu fyrir dóm töldu hins vegar öll að hrossin hafi verið í viðunandi holdum.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
