Enn skal sorfið að Háskólanum á Hólum
Menntakerfi Íslands á háskólastigi hefur verið fjársvelt á undanförnum árum, hvort heldur sé tekið mið af fjármögnun háskólanáms á Norðurlöndum eða meðal ríkja OECD, og hefur Háskólinn á Hólum ekki farið varhluta af þeirri uggvænlegu þróun. Í ályktun frá háskólaráði skólans kemur fram að álag og kröfur á starfsmenn skólans hafi margfaldast, og enn skal sorfið að sé mið tekið af frumvarpi til fjárlaga 2015.
Í ályktunninni segir að ársverkum við skólann hafi fækkað um 20% frá árinu 2009 (úr 51,6 í 40) á sama tíma og kostnaður vegna stundakennslu stendur í stað, eins og sést á meðfylgjandi mynd. „Álag og kröfur á starfsmenn skólans hafa margfaldast, og enn skal sorfið að sé mið tekið af frumvarpi til fjárlaga 2015. Samkvæmt frumvarpinu verður ekki greitt með 68 nemendum og nemur sú upphæð allt að 60 milljónum króna sem í raun vantar upp á eðlilegan rekstur skólans.“
Háskólinn á Hólum hefur í gegnum árin haft hátt hlutfall sértekna m.a. á formi rannsóknastyrkja og fagnar Háskólaráð því að í fjárlögum sé veitt auknu fé í samkeppnissjóði en leggur áherslu á að rekstrarumhverfi skólans verður jafnframt að vera tryggt.
„Háskólaráð Háskólans á Hólum skorar á þjóðkjörna fulltrúa að efla háskólanám á Íslandi og stuðla þannig að jákvæðri þróun efnahagslífs á Íslandi til framtíðar,“ segir í ályktuninni.
Fræðasvið skólans styðja við ört vaxandi atvinnugreinar
Háskólinn á Hólum er menntastofnun sem hefur sérhæft sig í rannsóknum og kennslu í ferðamálafræðum, fiskeldi- og fiskalíffræði og hestafræðum. Öll fræðasvið háskólans styðja þannig við ört vaxandi atvinnugreinar sem allar skapa þjóðfélaginu auknar og nauðsynlegar gjaldeyristekjur. Aukin verðmætasköpun atvinnugreinanna byggir á menntun fagfólks, rannsóknum, nýsköpun og uppbyggingu þekkingar um allt land.
„Háskólinn á Hólum þjónar nemendum af öllu landinu, þó stærstur hluti nemenda hans komi af höfuðborgarsvæðinu. Staðsetning skólans og aðstaða er fágæt og veitir nemendum einstakt tækifæri til menntunar. Námsframboð Háskólans á Hólum eykur fjölbreytni háskólanáms á Íslandi og um það ber að standa vörð, íslensku atvinnulífi og efnahag til hagsbóta,“ segir loks í ályktuninni.
Fleiri fréttir
-
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira -
Tekin verði upp utanríkisstefna ESB| Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.05.2025 kl. 11.36Meðal þess sem fram kemur í sameiginlegri yfirlýsingu, sem Þorgerður Katrín Gunnarsdóttir, utanríkisráðherra og formaður Viðreisnar, undirritaði í gær ásamt utanríkisráðherrum hinna aðildarríkja EFTA sem aðild eiga að EES-samningnum, Noregs og Liechtenstein, auk Evrópusambandsins, er að ríkin þrjú muni aðlaga sig að utanríkisstefnu sambandsins.Meira -
Kristján Bjarni nýr skólastjóri Árskóla
feykir.is Skagafjörður 23.05.2025 kl. 09.59Kristján Bjarni Halldórsson hefur verið ráðinn í starf skólastjóra Árskóla á Sauðárkróki og mun hefja störf við upphaf næsta skólaárs í haust. Þetta kemur fram á vef Skagafjarðar.Meira -
Félagsleg samheldni eða firring? | Álfhildur Leifsdóttir skrifar
feykir.is Skagafjörður, Aðsendar greinar 22.05.2025 kl. 18.27Félagsheimilin í Skagafirði eru ekki bara hús, þau eru minnisvarðar um samstöðu, sjálfboðavinnu, vilja og þrótt samfélagsins. Þau voru byggð upp af fólkinu fyrir fólkið. Meirihluti Framsóknar og Sjálfstæðisflokks í sveitarstjórn Skagafjarðar samþykkti sölu á félagsheimilunum í Rípurhreppi og Skagaseli nýverið. Íbúar í Hegranesi hafa sýnt harða andstöðu við söluna, enda er þar vaxandi samfélag sem vill halda áfram að nota húsið sem fyrirrennarar þeirra byggðu í sjálfboðavinnu til að gleðjast og syrgja.Meira -
Sex sóttu um embætti skólameistara Fjölbrautaskóla Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 22.05.2025 kl. 11.55Mennta- og barnamálaráðuneytinu bárust sex umsóknir um embætti skólameistara, Fjölbrautaskóla Norðurlands vestra á Sauðárkróki.Meira
