Evrópsk kvikmyndahátíð - allan hringinn
Í júnímánuði efna Evrópustofa og Bíó Paradís enn á ný til Evrópskrar kvikmyndahátíðar – en að þessu sinni verður boðið upp á brot af hinu besta í evrópskri kvikmyndagerð hringinn í kringum landið dagana 1.- 10. júní. Sýnt verður á Blönduósi 5. júní.
Á hverjum stað eru sýndar þrjár myndir, Antboy kl 16:00, Málmhaus kl. 18:00 og The Broken Circle Breakdown kl 20:00. Enginn aðgangseyrir verður á hátíðina.
,,Við höfum nú í tvígang haldið evrópska kvikmyndahátíð í Reykjavík og á Akureyri sem hafa gengið afar vel. Því vaknaði sú hugmynd að fara víðar og heimsækja bæi hringinn í kringum Ísland sem fá ef til vill ekki oft tækifæri til að sjá verðlaunamyndir af hæsta gæðaflokki og í bestu stafrænu gæðum sem völ er á,” segir Birna Þórarinsdóttir, framkvæmdastýra Evrópustofu. ,,Við munum bjóða upp á þrjár kvikmyndir á hverjum stað – eina barnamynd og tvær fyrir eldri kynslóðina – og verður frítt inn á sýningar. Tilgangurinn er fyrst og fremst að kynna og breiða út evrópska menningu.”
Það er óhætt að segja að áætlanir um hringferðina hafi vakið athygli en blaðamaður breska dagblaðsins The Guardian mun slást í för og fjalla um hátíðina og hvernig hún fellur í kramið!
Hrönn Sveinsdóttir, framkvæmdastjóri Bíó Paradísar, segir samstarfið við Evrópustofu og áhersluna á hágæða evrópskar myndir hafa verið afar farsælt. ,,Evrópskir kvikmyndagerðarmenn eru fremstir meðal jafningja og það er okkur því sönn ánægja að beina kastljósinu að evrópskri kvikmyndagerð og menningu og færa hana til landsbyggðarinnar. Bíó Paradís kom sér nýverið upp fullkomnum stafrænum sýningarbúnaði sem við munum nýta í hringferðina – sýningargæðin verða því hæsta gæðaflokki“.
Hringferðin nýtur einnig stuðnings Kvikmyndamiðstöðvar Íslands en Evrópulöndin eru stærstu samstarfsaðilar Íslands í kvikmyndagerð. Fjölmargar íslenskar kvikmyndir hafa notið ríkulegs stuðning af MEDIA áætlun Evrópusambandsins en frá því að Íslendingar hófu þátttöku í kvikmynda- og margmiðlunaráætlun ESB hafa íslensk kvikmyndafyrirtæki og íslenskar kvikmyndir fengið tæpan milljarð í víkjandi lánum og styrkjum, eða u.þ.b. 48 milljónir á ári í 21 ár.
Hátíðarsýning í Mosfellsbæ – lagt af stað!
Leikar hefjast með sérlegri hátíðarsýningu í Hlégarði í Mosfellsbæ sunnudaginn 1. júní kl 14:30 þar sem hin margverðlaunaða danska fjölskyldumynd Antboy verður sýnd með íslenskri talsetningu. Kaffiveitingar verða í boði og allir eru velkomnir! Ókeypis er inn á alla dagskrá hátíðarinnar.
Nánar er hægt að skoða um hátíðna á fésbókarsíðu hennar.
Fréttatilkynning
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
