FermingarFeykir farinn í dreifingu
FermingarFeykir er kominn út og er á leið til áskrifenda þó það ferðalag taki reyndar mislangan tíma. Þeir sem hafa aðgang að rafrænni útgáfu geta nú þegar kíkt á blaðið sem er 28 blaðsíður. Meginefni blaðsins er að sjálfsögðu helgað fermingum og má meðal annars sjá stutt viðtöl við fermingarbörn, ný og eldri, við kíkjum á fermingartískuna og svo má finna í blaðinu hinn ómissandi lista yfir fermingarbörn ársins á Norðurlandi vestra.
Meginviðtal blaðsins er við sr. Gísla Gunnarsson vígslubiskup á Hólum, Emelía Íris sem er í aðalhlutverki í uppsetningu Leikhóps Húnaþings vestra á Addams fjölskyldunni svarar spurningum Feykis, matgæðingurinn Ásta Búa er í spjalli og Ævar Þór, sem nýverið fékk Íslensku bókmenntaverðlaunin fyrir bestu barnabók ársins, svarar Bók-haldinu.
Fimm dömur úr Varmahlíðarskóla fóru suður í starfskynningu og þær segja frá. Að sjálfsögðu er Palli Friðriks með stóra krossgátu og þá eru heldur betur tíðindi fyrir vísnavini því vísnaþáttur númer 900 frá Guðmundi Valtýssyni birtist í þessari viku.
Þess má geta að prestarnir okkar á Norðurlandi vestra voru okkur innan handar með öflun efnis og færum við þeim bestu þakkir..
Hægt verður að nálgast blaðið bráðlega í helstu verslunum á svæðinu og svo er að sjálfsögðu alltaf hægt að gerast áskrifandi.
Fleiri fréttir
-
„List á pappír“ sýning opnar á Blönduósi í apríl
feykir.is Austur-Húnavatnssýsla 25.03.2026 kl. 10.48Listunnendur og íbúar eru boðnir velkomnir á „List á pappír“, nýja og líflega sýningu sem dregur fram verk eftir listamenn af svæðinu. Sýningin fer fram í Hillebrandtshúsi í gamla bænum á Blönduósi dagana 10.–19. apríl 2026 og verður opin daglega frá kl. 16:00 til 18:00.Meira -
Heima er bezt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 25.03.2026 kl. 08.48Síðastliðið sumar voru stutt myndbönd tekin upp í öllum sveitarfélögum á Norðurlandi vestra þar sem íbúar voru spurðir að því hvað þeim fyndist best við svæðið. Í frétt á síðu SSNV segir að hugmyndin hafi verið að beina athygli íbúa að jákvæðum þáttum þess að búa í landshlutanum og auka jákvæðni og bjartsýni en það er einmitt einn lykiláhersluþáttur Sóknaráætlunar Norðurlands vestra 2025-2029.Meira -
Mikill heiður að fá að starfa í þágu samfélagsins
feykir.is Vestur-Húnavatnssýsla, Lokað efni 25.03.2026 kl. 08.18Sveitarstjórar eru framkvæmdastjórar sveitarfélaga. Sveitarstjóri getur verið einn af kjörnum fulltrúum í sveitarstjórn, en þarf ekki að vera það og þannig háttar einmitt til í öllum fjórum sveitarfélögunum á Norðurlandi vestra. Hlutverk sveitarstjóra er m.a. að hafa umsjón með daglegum rekstri sveitarfélagsins og framfylgja þeim ákvörðunum sem sveitarstjórn tekur. Feykir sendi nýverið spurningar á alla fjóra sveitarstjórana, Alexöndru á Skagaströnd, Pétur Bergþór í Húnabyggð, Sigfús Inga í Skagafirði og Unni Valborgu í Húnaþingi vestra. Vonandi verða heimtur góðar en Unnur Valborg varð fyrst til svara og hún byrjaði á að segja frá hver eru mikilvægustu verkefnin sem Húnaþing vestra hyggst vinna að á þessu ári.Meira -
„Við glennum upp ginin þegar þar að kemur“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.03.2026 kl. 16.06Dregið hefur verið í 32 liða úrslitum Mjólkurbikarsins en bæði lið Tindastóls og Kormákur/Hvöt voru í pottinum góða. Bæði liðin fengu erfiða mótherja en þó heimaleiki en fyrst þurfa liðin þó að klára andstæðinga sína í 64 liða úrslitum og það gæti reynst þrautin þyngri.Meira
