Hljóðið í sveitarstjórnarmönnum að þyngjast gagnvart ríkisvaldinu
Fjármálaráðstefna sveitarfélaga var sett á Hilton Nordica í Reykjavík í gær. Við setningu ráðstefnunnar fór Halldór Halldórsson, formaður Sambands sveitarfélaga, yfir nokkur af helstu málum sem sveitarfélögin glíma við um þessar mundir. Þess má geta að hægt er að fylgjast með beinni útsendingu frá A-hluta fjármálaráðstefnunnar sem hófst nú fyrir stundu, frá kl. 9-12.
Halldór minnti meðal annars á þá þversögn sem sveitarfélögin standa frammi fyrir sem er krafan um að minnka hið opinbera kerfi um leið og þjónustuþörfin eykst til dæmis vegna fjölgunar aldraðra. Hann benti á fyrirliggjandi frumvarp til laga um opinber fjármál sem gerir ráð fyrir að gerð verði fimm ára fjármálaáætlun fyrir ríki og sveitarfélög og sagðist binda vonir við að það leiði til faglegra samskipta við stjórnun opinberra fjármála.
Halldór sagði jafnframt að því miður væri hljóðið í sveitarstjórnarmönnum að þyngjast gagnvart ríkisvaldinu vegna tregðu þess til samninga um verkefni eins og sjúkraflutninga, ákveðin staðbundin verkefni í málefnum aldraðra og heilsugæslunnar svo dæmi séu tekin.
Stækkun sveitarfélaga raunhæfasta færsla opinberra starfa
Halldór gerði launamál einnig að umtalsefni og benti á að ríki og sveitarfélög geta bætt kaupmátt með lækkun skatta. Erfitt verði hins vegar að eiga við slíkt í góðri samvinnu aðila, a.m.k. gagnvart ríkinu, þegar forsvarsmenn ASÍ neiti að ræða við fulltrúa þess. „Ég segi nú bara; hættið þessari vitleysu og ræðið saman eins og þroskað fólk,“ sagði Halldór í ræðu sinni.
Hann gerði einnig að umtalsefni flutning Fiskistofu og sagði að Samband sveitarfélaga styddi eflingu opinberra starfa í héraði og dreifingu opinberra starfa og sagðist sjálfur hafa unnið að færslum slíkra verkefna í gegnum tíðina. Hins vegar sagði hann að sú aðferð að rífa upp störf með rótum væri að hans mati ekki árangursrík fyrir heildina.
„Farsælla væri að vinna að færslu starfa í áföngum eða þegar nýjar stofnanir sem geta verið staðsettar hvar sem er þjónustulega séð eða eiga erindi við ákveðinn landshluta. Raunhæfasta færsla opinberra starfa og sú sem heldur störfum best úti á landsbyggðunum sé stækkun sveitarfélaga, efling sveitarstjórnarstigsins og fjölgun verkefna sveitarfélaga,“ sagði Halldór.
Fleiri fréttir
-
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira -
Prjónagraffið sett upp á Blönduósi
feykir.is Austur-Húnavatnssýsla, Listir og menning, Lokað efni 23.05.2025 kl. 14.09Undirbúningur Prjónagleðinnar er í fullum gangi á öllum sviðum og má m.a. sjá þess merki í prjónagraffi sem verið er að setja upp á Blönduósi. Í frétt á Húnahorninu segir a' Prjónagraffið hafi verið sett upp árlega í tengslum við hátíðina og hafa skreytingarnar glatt heimamenn og gesti. Um er að ræða listaverk sem prjónarar í bænum hafa prjónað í gegnum tíðina.Meira -
Heiminum verður bjargað rétt fyrir ellefu á mánudagskvöldið
feykir.is Skagafjörður, Listir og menning, Lokað efni 23.05.2025 kl. 12.05Dumm, dumm, dummdumm, dumm, dumm... Já, Króksbíó sýnir nýjustu og sennilega síðustu myndina í Mission Impossible seríunni á mánudaginn. Myndin hefur undirtitilinn The Final Reckoning. Bíógestir ættu að vera búnir að koma sér fyrir með popp og kók í salnum eina sanna á slaginu átta og geta þá fylgst með Krúsaranum leggja allt í söurnar til að bjarga heiminum frá hinsta degi í boði AI.Meira
