Hópíþrótt sem snýst um samvinnu, traust og aga
Krakkarnir í hestafimleikum hjá Hestamannafélaginu Þyt í Húnaþingi vestra buðu í sirkus þann 22. mars var og sýndu u.þ.b. 160 gestum sem komu í Reiðhöllina á Hvammstanga listir sínar. „Sýningin tókst mjög vel. Krakkarnir voru búnir að æfa stíft, sömdu mörg af atriðunum sjálf og sáu um músíkina og búningana,“ sagði Irina Kamp í samtali við Feyki, en um var að ræða eins konar uppskeruhátíð eftir æfingar vetrarins.
Hestafimleikar er mjög vinsæl íþrótt um allan heim en á Íslandi eru þeir einungis kenndir í Húnaþingi vestra. Þjálfararnir eru Þjóðverjarnir Irina Kamp og Kathrin Schmitt en þær hafa kennt hestafimleika í samstarfi við Þyt í fjögur ár við miklar vinsældir. Um þessar mundir æfa 32 krakkar á aldrinum 6-17 ára.
„Krakkarnir gera fimleikaæfingar á baki á einskonar tréhesti en líka á alvöru hestum innan taumhrings,“ útskýrir Irina en æfingarnar fara fram bæði í reiðhöllinni og í Íþróttahúsinu á Hvammstanga. „Hestafimleikar eru hópíþrótt og snúast mikið um samvinnu, traust og aga. Það er alveg frábært að sjá hvað krakkarnir njóta sín vel og hafa gaman af.“
Hópurinn hefur verið með margar sýningar, t.d. á Æskan og hesturinn í Reykjavík fyrir nokkrum árum og á Hestafjör á Selfossi í fyrra. Þá fóru 15 krakkar í æfingabúðir til Þýskalands árið 2013 og hafa farið á æfingar í Reykjavík í vetur.
Nú er hópurinn farinn í sumarfrí þar sem sauðburður er framundan hjá Kathrin en Irina segir ætlunina þó að hittast einu sinni á mánuði í sumar og byrja svo aftur af fullum krafti í haust. „Það er mjög mikil vinna að halda utan um svona stóran hóp af krökkum en okkur Kathrin finnst mjög gaman að vinna með þessum snillingum,“ segir hún að lokum.
Meðfylgjandi myndir tók Eydís Ósk Indriðadóttir.
Fleiri fréttir
-
Kindurnar í Hvammshlíð vita sínu viti
feykir.is Skagafjörður, Austur-Húnavatnssýsla, Lokað efni 04.06.2025 kl. 21.24Snjórinn hefur víða gert bændum skráveifu síðustu daga líkt og Feykir hefur greint frá. Karólína í Hvammshlíð sendi okkur línu nú síðdegis og sagði stöðuna hjá sér þannig að hitinn væri rétt um frostmark og úrkoman sem til stóð að félli sem rigning, samkvæmt veðurspánni, er 100% snjór. Hún segist þó vera í góðum málum sem betur fer.Meira -
Lausar lóðir til leigu á Nöfum á Sauðárkróki
feykir.is Skagafjörður, Lokað efni 04.06.2025 kl. 16.38Byggðarráð Skagafjarðar ákvað á 148. fundi sínum þann 27. maí sl. að auglýsa til leigu þær lóðir á Nöfum sem hefur verið skilað inn. Fram kemur í tilkynningu á heimasíðu Skagafjarðar að umsækjendur skulu tilgreina í umsókn hvers konar not þeir hugsa sér að hafa af landinu og hvort þeir hafi leyfi til búfjárhalds í þéttbýli.Meira -
Sundlaugin opnar í Varmahlíð
feykir.is Skagafjörður 04.06.2025 kl. 13.00Vakin er athygli á því að sundlaugin í Varmahlíð opnar í dag miðvikudaginn 4. júní kl. 12:00, eftir tímabundna lokun vegna viðhaldsvinnu segir á vef Skagafjarðar.Meira -
Snjómagnið minnkar í Fljótum
feykir.is Skagafjörður, Lokað efni 04.06.2025 kl. 12.01„Það hefur aðeins lagast, fimm stiga hiti og rigning. Það hefur minnkað töluvert snjómagnið síðan í gær,“ sagði Halldór Gunnar bóndi á Molastöðum þegar Feykir fylgdi eftir fréttinni frá í gær þar sem fram kom að bændur í Fljótum hefðu allir sótt fé sitt og komið á hús, enda jörð komin undir snjó í þessu norðanskoti sem enn stendur yfir.Meira -
Bjór og götumatur glöddu hátíðargesti á Hólum
feykir.is Skagafjörður, Listir og menning, Mannlíf, Lokað efni 04.06.2025 kl. 11.26Bjórhátíðin á Hólum var haldin laugardaginn 31. maí en hátíðin fór fyrst fram í september 2011 og er sú hátíð sem oftast hefur verið haldin hér á landi. „Hún féll niður í Covid og hefur því verið haldin í þrettán skipti,“ segir Bjarni Kristófer en hann segir hátíðina hafa þróast úr hreinni bjórhátíð í bjór- og matarhátíð þar sem boðið er upp á fjölbreyttan götumat.Meira
