Hráefni úr héraði í heimsklassa | Jón Dan skrifar
Skagafjörður er öflugasta og eitt mikilvægasta svæði landsins þegar kemur að matvælaframleiðslu. Hér er öflugur landbúnaður, fjölbreytt matvælavinnsla og sterk tenging við daglegt starf í eldhúsum, svo sem í mötuneytum og veitingahúsum. Fyrir matreiðslumenn skiptir þessi tenging miklu máli.
Við finnum vel fyrir því á Sauðá þar sem við höfum orðið meira og meira vör við að fólki finnst það spennandi að fá hráefni úr héraði. Fólk er ánægt að heyra að osturinn komi frá KS, fiskurinn frá FISK Seafood, grænmeti frá Laugarmýri og Breiðagerði, spírur frá Ísponica og ýmsar gæðavörur frá smáframleiðendum eins og Brikihlíð og Brúnastöðum svo dæmi séu tekin.
Landbúnaður er burðarás hér í Skagafirði og felur í sér m.a. mjólkurframleiðslu, sauðfjárrækt, nautgriparækt og ylrækt auk þess sem hér er öflugur sjávarútvegur. Þessi hráefni eru grunnurinn að mörgum máltíðum sem eldaðar eru daglega í eldhúsum. Til dæmis er lambakjöt, stórgripakjöt, fiskur, mjólk og grænmeti grunnurinn að matargerð með áherslu á næringu, gæði og fjölbreytni.
Í starfi matreiðslumanns er mikilvægt að kunna að vinna með þetta hráefni á hagkvæman og faglegan hátt. Það felur í sér að nýta sem mest af hráefninu, draga úr sóun og tryggja góða meðferð og geymslu. Þekking á uppruna hráefnisins hjálpar til við að bæta matseðla og auka gæði þjónustunnar og fagmennsku.
Tækifæri til að auka framboð og efla störf og tengingu við menntastofnanir í Skagafirði eru mörg, eins og til dæmis með tengingu við FNV og Háskólann á Hólum í því að auka framboð á námi tengdu rannsóknum og þróun í matvælaframleiðslu. Fyrir störf í eldhúsum skiptir þessi menntun miklu máli. Þar þarf að elda fyrir stóran hóp fólks, oft með mismunandi þarfir, og tryggja að matur sé bæði hollur og bragðgóður. Í framtíðinni er líklegt að tengsl milli matvælaframleiðslu og eldhúsa verði enn meiri. Með auknum áhuga á matvælum úr héraði, góðri menntun og reynslu í eldhúsi er hægt að þróa spennandi matseðla sem bjóða upp á einstaka upplifun.
Þegar við ferðumst erlendis er alltaf sérstakt að fá ferskt hráefni af svæðinu og oftast ekki hægt að bjóða sömu rétti neins staðar annars staðar. Það eru gríðarlega spennandi tækifæri fyrir Skagafjörð í því að efla og þróa matvælaframleiðslu með aukinni samvinnu við menntastofnanir og aðila í ferðaþjónustu. Skagafjörður með sínar einstöku náttúruperlur í bland við heimsklassa hráefni eldað af sérfræðingum úr héraði er pakki sem ferðaskrifstofur um allan heim munu slást um að selja ef við grípum tækifærin og vinnum með þau.
Jón Dan skipar 5. sæti á lista Sjálfstæðisflokksins í Skagafirði.
Fleiri fréttir
-
Nína Ýr ráðin skólastjóri og Guðrún Helga deildarstjóri í Varmahlíðarskóla
feykir.is Skagafjörður, Mannlíf 12.05.2026 kl. 15.42Það varð ljóst síðla veturs að breytingar yrðu í Varmahlíðarskóla að loknu skólaári þar sem bæði Trostan Agnarsson skólastjóri og Kristvina Gísladóttir aðstoðarskólastjóri ákváðu bæði að láta af störfum. Voru stöðurnar því auglýstar, þ.a. staða skólastjóra og deildarstjóra. Nú hefur verið ráðið í stöðurnar og er Nína Ýr Nielsen nýr skólastjóri en Guðrún Helga Jónsdóttir tekur við starfi deildarstjóra. Frá þessu er greint á vef Skagafjarðar.Meira -
Framboðsfundur í Húnaveri
feykir.is Austur-Húnavatnssýsla, Mannlíf 12.05.2026 kl. 15.06Sameiginlegur fundur framboðanna þriggja sem bjóða fram í sveitarstjórnarkosningunum í Húnabyggð verður haldinn í Húnaveri miðvikudagskvöldið 13. maí klukkan 20 en húsið opnar klukkustund fyrr. Á fundinum munu framboðin kynna stefnumál sín og boðið verður upp á umræður og spurningar.Meira -
Fyrir Skagaströnd | Daniela Esmeralda Ortega skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 12.05.2026 kl. 15.00Þegar ég og maðurinn minn Gunnar fórum að byggja upp og reka ferðaþjónustuna okkar á Skagaströnd undir nafninu Ocean Cape Cabins vissum við ekki alveg við hverju við ættum að búast. Eitt af því sem hefur komið okkur mest á óvart er hversu margir falla algjörlega fyrir bænum okkar.Meira -
Að byrja á réttum enda? | Jenný Lind Gunnarsdóttir skrifar
feykir.is Austur-Húnavatnssýsla, Aðsendar greinar 12.05.2026 kl. 14.51Skapandi lausnir í húsnæðismálum eru ekki lúxus – þær eru nauðsyn. Fjárfestum í plássi fyrir börnin og vinnuaðstöðu fyrir fólkið okkar.Meira -
Allir klárir í bátana fyrir kvöldið
feykir.is Skagafjörður, Íþróttir 12.05.2026 kl. 11.25Úrslitaeinvígi Grindavíkur og Tindastóls heldur áfram í kvöld en annar leikur liðanna fer fram í Síkinu á Sauðárkróki. Partýtjaldið verður opnað kl. 17:00, hleypt verður inn í Síkið kl. 18:15 en leikurinn hefst kl. 19:15. Samkvæmt upplýsingum Feykis er uppselt á leikinn og Arnar þjálfari segir alla leikmenn klára í bátana fyrir kvöldið.Meira
