Ísólfur Líndal íþróttamaður USVH 2012
Kjöri íþróttamanns USVH (Ungmennasambands Vestur-Húnavatnssýslu) var lýst í Íþróttamiðstöðinni á Hvammstanga kl. 19,00 þann 27. des. Íþróttamaður USVH árið 2012 var kjörinn Ísólfur Líndal Þórisson Lækjamóti í Víðidal en hann hlaut 37 stig í kjörinu. Í öðru sæti varð Helga Margrét Þorsteinsdóttir frjálsíþróttakona með 31 stig, í þriðja sæti Guðrún Gróa Þorsteinsdóttir körfuknattleiks- og kraftlyftingakona með 29 stig og í fjórða sæti Salbjörg Ragna Sævarsdóttir körfuknattleikskona með 24 stig.
Ísólfur hefur á undanförnum árum skipað sér í raðir bestu hestamanna landsins. Árið 2012 var honum farsælt á keppnisbrautinni og keppti hann á mörgum mótum með flottum árangri. Sökum þessa góða árangurs var hann valinn knapi ársins hjá hestamannafélaginu Þyt. Helstu afrek Ísólfs á árinu eru þessi.
Ísólfur komst í A-úrslit á Landsmóti hestamanna í B-flokki og endaði í 6. sæti.
Á Íslandsmóti í hestaíþróttum komst hann einnig í A-úrslit í fjórgangi og endaði þar í 5. sæti, og í tölti lenti hann í 8. - 9. sæti.
Í Húnvetnsku liðakeppninni sigraði Ísólfur fjórgang og fimmgang, varð í 2. sæti í tölti og stigahæsti knapi mótaraðarinnar.
Í meistaradeild Norðurlands sigraði Ísólfur fjórgang, varð í 4. sæti í fimmgangi, 9. sæti í tölti, 6. sæti í slaktaumatölti og í 4. sæti samanlagt yfir mótaröðina.
Á Bautatölti á Akureyri varð Ísólfur í 3. sæti í tölti og á Þytsheimatölti á Hvammstanga endaði hann í 1. sæti.
Á Íþróttamóti Skugga í Borgarnesi sigraði Ísólfur bæði tölt og fjórgang.
Á vormóti Þyts sigraði Ísólfur bæði tölt og fjórgang og varð annar í fimmgangi.
Á gæðingamóti Þyts og úrtöku fyrir Landsmót sigraði Ísólfur tölt og B-flokk og endaði í 3. sæti í A-flokki.
Íþróttamenn USVH geta orðið þeir íþróttamenn 16 ára og eldri sem lögheimili eiga í Húnaþingi vestra eða keppa undir merkjum félaga innan USVH. Það eru stjórnarmenn í aðildarfélögum USVH og stjórn USVH sem kjósa íþróttamanninn.
Fleiri fréttir
-
Myndlistin blómstrar á Höfðaströndinni
feykir.is Skagafjörður, Listir og menning, Mannlíf, Lokað efni 23.06.2025 kl. 15.40Hesturinn, stelpan og hálendið. Svo nefnist myndlistarsýning sem núna er í gangi á Listamiðstöðinni í Bæ á Höfðaströnd.Listakonan Michelle Bird, sem kemur upphaflega frá Bandaríkjunum, sýnir þar verk sín.Meira -
Súpuröltið sló rækilega í gegn á Hofsós heim
feykir.is Skagafjörður, Listir og menning, Mannlíf, Lokað efni 23.06.2025 kl. 15.03Það kom fram í viðtali vegna Hofsós heim í Feyki að gengið hefði verið frá pöntun á góðu veðri fyrir helgina. Það skilaði sér upp á tíu því veðursæld var allan tímann – aðeins hálftíma hellidemba á laugardagskvöldinu til að kæla gesti niður.Meira -
Fótboltastelpur voru í aðal hlutverki á Króknum um helgina
feykir.is Skagafjörður, Íþróttir 23.06.2025 kl. 14.25Stelpu hluti Króksmóts ÓB 2025 fór fram um helgina og tókst gríðar vel. Á Fb. Síðunni ÓB mót Tindastóls má finna eftirfarandi:Meira -
Tveir bikarleikir á Sauðárkróksvelli í dag
feykir.is Skagafjörður, Íþróttir 23.06.2025 kl. 12.51Barna- og unglingaráð knattspyrnudeildar Tindastóls vill vekja athygli á því að í dag, mánudaginn 23. júní, verða spilaðir tveir bikarleikir á Sauðárkróksvelli. Fyrri leikurinn byrjar kl. 16:00 en þá tekur THK á móti Þór í 4. flokki karla. Seinni leikurinn er hjá 3. flokki karla og taka þeir á móti KA kl. 19:00. Allir á völlinn!Meira -
Páll Leó sigraði á Húnabyggð Open 2025
feykir.is Austur-Húnavatnssýsla, Íþróttir, Lokað efni 23.06.2025 kl. 10.10Opna skákmótið Húnabyggð Open 2025 fór fram í Krúttinu á Blönduósi á föstudaginn og var leikið eftir svissnesku aðferðinni. Tefldar voru fimm umferðir með tímamörkunum 5+2.Meira
