Kosningaloforðið endalausa – Íþróttahúsið á Hofsósi | Sædís Bylgja Jónsdóttir skrifar
Ljóst er að íþróttahús eru ekki lúxus heldur nauðsyn. Þau eru hornsteinn í uppbyggingu heilbrigðs og öflugs samfélags. Nú er kominn tími til að horfa fram á við og tryggja að næsta kynslóð Hofsósinga þurfi ekki að búa við sömu aðstæður og sú fyrri. Því er nauðsyn að farið verði í að byggja íþróttahús á Hofsósi, til að tryggja ekki bara börnunum viðunandi íþróttaaðstöðu, heldur fyrir samfélagið í heild sinni. Sem fyrrum nemandi Grunnskólans austan Vatna, sem hét þá Grunnskólinn á Hofsósi tók ég mín fyrstu skref í íþróttum í félagsheimilinu Höfðaborg. Má þess geta að það eru 30 ár síðan, og enn í dag er börnunum í grunnskólanum austan Vatna ætlað að stunda íþróttir í óviðunandi húsnæði.
Þetta er ekki aðeins spurning um þægindi, heldur rétt barna til góðrar þjónustu. Íþróttahús eru hönnuð með eftirfarandi þarfir í huga; nægt rými, rétt gólfefni, öryggisráðstafana, búningsaðstöðu, og ýmiss búnaðar sem styður fjölbreytta hreyfingu. Þegar íþróttakennsla fer fram í óhentugu húsnæði, eins og gömlu félagsheimili sem ekki var byggt með þetta hlutverk í huga, skapast bæði hættur og takmarkanir. Börnin fá ekki sömu tækifæri til að njóta sín né þróa hæfileika sína til fulls. Að í heilsueflandi samfélagi eins og Skagafirði eiga öll börn á grunnskóla aldri í sveitarfélaginu að hafa sem jafnastan aðgang þegar kemur að íþrótta aðstöðu. Það er óásættanlegt að svo sé ekki. Þetta vandamál er ekki nýtt af nálinni og hefur höfundur rakið gömul kosningaloforð meirihlutaflokka sveitarstjórnar aftur til ársins 1998.
Íþróttahús fyrir alla Hofsósinga og nærsveitunga myndi vera gríðarleg lyftistöng fyrir ekki bara börnin í grunnskólanum heldur samfélagið allt. Fólk á öllum aldri gæti komið saman og nýtt aðstöðuna, labbað, spilað fótbolta, körfubolta eða blak og svona mætti lengi telja. Íþrótthús eru hornsteinn samfélaga og nýtast bæði unglum og öldnum, og allra þar á milli. Eins myndi húsið geta nýst undir margskonar menningalega viðburði eða til útleigu fyrir viðburði. Má nefna að íþróttahús hefði nýst mjög vel undir landshlutamót björgunarsveitanna, sem var einmitt haldið í Hofsós 2024.
Tækifærin eru fjölmörg og því er óhætt að slá því föstu að uppbygging íþróttahúss á Hofsósi er algjör forgangsatriði sem íbúar nærsamfélagsins hafa beðið eftir alltof lengi. Börnin eiga rétt á að stunda íþróttir við viðunandi aðstæður. Samfélagið í heild sinni á rétt á aðgengi að heilsueflandi aðstöðu til íþróttaiðkunar. Heilsueflandi sveitarfélagið Skagafjörður á að bjóða öllum sínum íbúum upp á viðunandi aðstöðu til heilsuræktar.
Látum verkin tala, hefjum uppbyggingu íþróttahúss á Hofsósi.
Sædís Bylgja Jónsdóttir
Höfundur skipar 4. sæti lista Miðflokksins í Skagafirði
Fleiri fréttir
-
Góðar fréttir af Hólum í Hjaltadal
feykir.is Skagafjörður 13.05.2026 kl. 19.16„Í dag var það mikilvæga framfararskref stigið fyrir Hóla í Hjaltadal að eftir áralangt samtal Skagafjarðar við íslenska ríkið um þéttbýlið á Hólastað hefur Sigfús Ingi Sigfússon sveitarstjóri undirritað samkomulag við forsætisráðherra og fjármálaráðherra fyrir hönd íslenska ríkisins um að koma innviðum, umhirðu og staðarhaldi svæðisins í það horf sem almennt gildir í þéttbýli innan sveitarfélagsins.“ Frá þessu segir á vef Skagafjarðar.Meira -
Veisluhöld valdhafanna | Jón á Stóra-Búrfelli skrifar
feykir.is Austur-Húnavatnssýsla, Aðsendar greinar, Sveitarstjórnarkosningar 13.05.2026 kl. 14.50Það er misjafnt hvað mennirnir hafast að. Nú standa sem hæðst veisluhöld valdhafanna, sínu meira þó hjá D-listanum enda hafa þeir fengið mest fjármagn frá sveitarfélaginu í sína kosningabaráttu vegna mesta fylgis í síðustu kosningum.Meira -
Sýslumaðurinn á Norðurlandi vestra. Atkvæðagreiðsla utan kjörfundar vegna sveitarstjórnarkosninga 2026
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Sveitarstjórnarkosningar 13.05.2026 kl. 14.35Opið verður fyrir atkvæðagreiðslu utan kjörfundar á skrifstofum embættisins á uppstigningardag, 14. maí, og kjördag, 16. maí, sem hér segir:Meira -
Sóknarfæri byggjast á traustum grunni | Frá Byggðalistanum
feykir.is Skagafjörður, Aðsendar greinar, Sveitarstjórnarkosningar 13.05.2026 kl. 14.15Davíð Logi Jónsson heiti ég og er kúabóndi. Ég bý ásamt Emblu konunni minni og tveimur dætrum okkar á bænum Egg í Hegranesi. Ég er fæddur og uppalinn í Réttarholti í Akrahreppinum hinum forna, og þar hafa foreldrar mínir og nú síðar bróðir minn og konan hans einnig búið með kýr. Þó ég sé einungis 38 ára gamall hef ég því yfir 30 ára reynslu í að mjólka kýr og afla þeim fóðurs. Landbúnaðarmál eru því ofarlega í huga mér flesta daga og í raun atvinnurekstur yfir höfuð.Meira -
Tindastóll - Grindavík 83-86 | Stólum stillt upp við vegg
feykir.is Skagafjörður, Íþróttir, Mannlíf, Lokað efni 13.05.2026 kl. 13.45Leikur númer tvö í einvígi Tindastóls og Grindavíkur um Íslandsmeistaratitilinn í körfuknattleik fór fram í Síkinu í gærkvöldi. Að vanda var rafmögnuð stemning og allt lagt undir. Hér verður í grófum dráttum farið yfir gang leiksins en annars var fókus blaðamanns aðallega á gesti og starfsfólk en hann var á vappi á svæðinu að taka myndir og viðtöl.Meira
