Kynningarátak fyrir Húnaþing vestra
Nýverið var undirritaður samningur milli Húnaþings vestra og sjónvarpsstöðvarinnar N4 um gerð kynningarefnis fyrir Húnaþing vestra. Í samningnum er m.a. tiltekið að unnið verði að eftirtöldum verkefnum í Húnaþingi vestra frá apríl 2014 - apríl 2015.
a) Framleiðsla og sýningar á 4 þáttum af „Óvissuferð í Húnaþingi“.
b) Framleiðsla og sýningar á heimildarþætti um Húnaþing vestra.
c) Framleiðsla og sýningar á 75 innslögum frá Húnaþingi vestra í þættinum „Að norðan“.
Gerð þessa kynningarefnis og fjármögnun er í samræmi við samkomulag Húnaþings vestra og verkefnisstjórnar um Sóknaráætlanir landshluta um markaðssetningu á búsetukostum, atvinnuuppbyggingu og innviðum í Húnaþingi vestra.
Sveitarstjórn Húnaþings vestra væntir þess að átak þetta verði til að varpa ljósi á þá fjölmörgu kosti sem til staðar eru í sveitarfélaginu, bæði almenna búsetukosti og tækifæri til fjárfestinga og framkvæmda auk þess sem fjölbreyttu félags- og menningarlífi héraðsins verði gerð góð skil.
/Fréttatilkynning
Fleiri fréttir
-
Húnvetningar með hörkusigur á Snæfellsnesinu
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 01.06.2025 kl. 16.57Það eru ekkert allir sem sækja stig á Ólafsvíkurvöll en lið Kormáks/Hvatar gerði sér lítið fyrir og gerði einmitt það í gær þegar liðin áttust við í 5. umferð 2. deildar karla í knattspyrnu. Eitt mark dugði til og það kom um miðjan síðari hálfleik. Með sigrinum færðist lið Húnvetninga upp í fjórða sæti deildarinnar og er aðeins stigi frá liðunum í öðru og þriðja sæti.Meira -
Þriðji tapleikurinn í röð hjá Tindastólsmönnum
feykir.is Skagafjörður, Íþróttir, Lokað efni 01.06.2025 kl. 16.41Það er eitthvað bras á Tindastólsmönnum í 3. deildinni í knattspyrnu þessa dagana. Eftir fína byrjun á mótinu hafa nú tapast þrír leikir í röð en 5. umferðin var spiluð í gær. Þá héldu Stólarnir í Fífuna í Kópavogi þar sem sterkt lið Augnabliks beið þeirra. Líkt og í Mosó um daginn var fyrri hálfleikur Stólanna slæmur og það fór svo að heimamenn unnu leikinn 4-1. og skutluðu gestunum ofan í neðri hluta deildarinnar. Já og Pétur var á bekknum.Meira -
Benni Gumm kveður Stólana eftir eitt ár í brúnni
feykir.is Skagafjörður, Íþróttir, Lokað efni 31.05.2025 kl. 21.27Í tilkynningu frá körfunknattleiksdeild Tindastóls nú í kvöld segir að deiildin hafi komist að samkomulagi við Benedikt Guðmundsson um að hann haldi ekki áfram þjálfun meistaraflokks karla hjá félaginu. „Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni,“Meira -
„Það er gaman að takast á við eitthvað nýtt og spennandi“
feykir.is Skagafjörður, Mannlíf, Lokað efni 31.05.2025 kl. 19.25„Sko, það er smá saga að segja frá því. Ég er búinn að vera með Norðurslóðablæti frá því ég var púki vestur á Fjörðum og heyrði í veðurfréttum veðurskeyti frá Narsarsuaq á Grænlandi og fannst eins og það hlyti að vera draumastaður. Sem reyndist svo ekki vera, hef komið þar nokkrum sinnum,“ segir Magnús Hinriksson sem svona hversdags er starfsmaður Skagafjarðarveitna en leiðsögu- og ævintýramaður þegar færi gefst. Feykir hnusaði örlítið á Facebook og sá myndskeyti frá Magga nú nýlega þar sem hann var staddur í nágrenni við ísbirni á Svalbarða. Það var því bara eðlilegt að spyrja kappann hvað hann sé eiginlega að pæla og hvernig standi á þessu brölti í nágrenni Norðurpólsins.Meira -
Viðburðasumarið hafið á Norðurlandi vestra
feykir.is Austur-Húnavatnssýsla, Listir og menning, Mannlíf, Lokað efni 31.05.2025 kl. 16.34Það er útlit fyrir viðburðaríkt sumar á Norðurlandi vestra í sumar og má segja að viðburðasumarið hafi hafist nú um helgina. Á Blönduósi er Prjónagleðin að rokka og víða er sjómannadagurinn haldinn hátíðlegur en þó óvíða að jafn miklum myndarskap og á Skagaströnd Á viðburða- og dagskrársíðu Feykis má sjá að undibúningur er kominn á fullt fyrir hátíðahöld sumarsinsMeira
