Líkamsárás og umferðareftirlit á meðal verkefna lögreglunnar á Blönduósi um helgina
Það var annasamt hjá lögreglunni á Blönduósi um helgina. Hæst ber að nefna líkamsárás sem átti sér stað á Hvammstanga á laugardag en maðurinn sem fyrir árásinni varð er á fertugsaldri og liggur lífshættulega slasaður á gjörgæslu með alvarlega áverka á höfði. Honum er haldið sofandi í öndunarvél.
Lögreglan á Blönduósi segir málið vera í rannsókn, verið er að raða öllum brotum málsins saman og er rannsóknin í höndum rannsóknarlögreglunnar á Akureyri. Fjórir menn voru handteknir vegna málsins en að sögn lögreglunnar á Akureyri, sem fór fram á gæsluvarðhald yfir mönnunum í gærkvöldi, er beðið ákvörðunar Héraðsdóms Norðurlands varðandi gæsluvarðhaldskröfuna og verður sú ákvörðun tekin í dag.
Maður féll af hestbaki í Vatnsdal í Húnavatnshreppi í gær og var fluttur á Fjórðungssjúkrahúsið á Akureyri til skoðunar. Að sögn lögreglunnar slasaðist hann ekki mikið við byltuna, er rifbeinsbrotinn og aumur í skrokknum.
Þá var mikið að gera í umferðareftirliti þegar straumur bíla lagði leið sína um sýsluna vegna Bíladaga á Akureyri. „Það var töluvert um að bílar ækju hratt, sérstaklega á fimmtudag og föstudag, en þetta gekk slysalaust fyrir sig,“ sagði talsmaður lögreglunnar.
Í morgunsárið varð bílvelta í Hrútafirði, klukkan 4, en blessunarlega urðu engin slys á fólki. Talið er að ökumaðurinn hafi dormað, eins og vill gerast þegar fólk er á ferðinni á nóttunni.
Fleiri fréttir
-
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
