Ljósfari með Sigvalda í framlínunni tók þátt í Músíktilraunum
Úrslitakvöld Músíktilrauna fór fram síðastliðið laugardagskvöld í Norðurljósasal Hörpu. Meðal þeirra sem náðu í úrslit var hljómsveitin Ljósfari en þar í fararbroddi var Sigvaldi Helgi Gunnarsson frá Löngumýri í Skagafirði. Það er auðvitað löngu vitað að drengurinn getur sungið flestum betur og fór það svo að Ljósfari, sem spilaði laglegt melódískt popprokk, hafnaði í þriðja sæti.
Á heimasíðu Músíktilrauna kemur fram að upprunalega var Ljósfari „...hugarfóstur gítarleikarans Árna [Svavars Johnsen] og bassaleikarans Snorra [Arnar Arnarssonar]. Síðar gekk söngvarinn Sigvaldi til liðs við þá og Benjamín [Gísli Einarsson] sem skaffaði nauðsynlega hljómborðsmottur. Síðasta hráefnið var svo pumpandi hjarta sveitarinnar, Kristófer [Nökkvi Sigurðsson] trommari. Saman mynda þessir menn hljómsveitina Ljósfari og vinnur hún að eigin sögn markvisst að því að semja skemmtileg lög með dansandi hryn og grípandi laglínum.“
Það voru tíu sveitir sem tóku þátt í úrslitakvöldi Músíktilrauna eftir að hafa verið valin áfram í undankeppninni. Margar ágætar grúppur hafa fetað sín fyrstu skref á leiðinni að frægð og frama með þátttöku í Músíktilraunum, sem hóf göngu sína 1982, og hér fyrir norðan má til dæmis nefna til sögunnar Herramenn frá Sauðárkróki og Jójó frá Skagaströnd sem börðust um sigurinn 1988. Jójó fór með sigur af hólmi en báðar sveitir áttu góða tíma á vinsældarlista Rásar 2 í kjölfarið. Jójó með lagið um stælta stráka á meðan Herramenn sungu Nótt með þér og hið klassíska Í útvarpi.
Þá má geta þess að ritstjóri Feykis, Palli Friðriks, var í hljómsveitinni Medium sem tók þátt í fyrstu Músíktilraununum árið 1982. Með Palla í Medium voru Himmi Valla sem nú býr í Rússlandi, Siggi heitinn Ásbjörns og Óskar Páll Sveinsson sem hefur marga fjöruna sopið í tónlistargeiranum og er að sjálfsögðu best þekktur fyrir að koma Íslandi í annað sæti Júróvisjón, ásamt sínum hópi, með laginu Is It True.
Núna síðari árin gerðu Funk That Shit (þriðja sæti 2012) og síðast en ekki síst Bróðir svartúlfs góða hluti. Bróðirinn, með Helga Sæmund og Arnar Frey (Úlfur úlfur) innan sinna raða, náðu að sigra keppnina með sínu rapp-rokki vorið 2009.
Sigurvegarar Músíktilraun 2018 reyndist tríóið Ateria, eftir niðurstöðu dómnefndar og símakosningu. Hljómsveitina skipa Ása (17), Eir (16) og Fönn (13) og þær hafa allar stundað tónlistarnám og tekið þátt í Stelpur rokka. Ása og Eir eru systur og Fönn er frænka þeirra. Hljómsveitin var stofnuð haustið 2017 og æfir í bílskúr í Vesturbæ Reykjavík. Þær léku frekar drungalega gothkennda tónlist og voru sannarlega með sinn einstaka stíl, þrátt fyrir ungan aldur. Hljómsveitin Mókrókar varð í öðru sæti og Ljósfari sem fyrr segir í því þriðja en hljómsveit kvöldsins, sem valin var í símakosningu, var Karma Brigade.
Hér að neðan eru hlekkir á Tón-lystir nokkurra þeirra tónlistarmanna sem tekið hafa þátt í Músíktilraunum:
Fleiri fréttir
-
Slökkviliðsstjórar landsins sameinuðust á Akureyri
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.04.2025 kl. 12.30Aðalfundur Félags slökkviliðsstjóra á Íslandi (FSÍ) var haldinn á Akureyri helgina 11. – 12. apríl síðastliðinn. Félagið vinnur að sameiginlegum hagsmunamálum slökkviliða um land allt og er fundurinn mikilvægur vettvangur þar sem slökkviliðsstjórar landsins koma saman til að ræða málefni brunavarna, áskoranir í starfi slökkviliða og miðla reynslu sinni á því sviði. Undirritaður var samstarfssamningur um áframhaldandi þróun og rekstur Brunavarðar. Nýr samstarfshópur stofnaður um uppbyggingu æfingasvæða fyrir slökkvilið landsins og HMS kynnti tvær nýjar leiðbeiningar um heimildir slökkviliða til eftirlits og aðgangs að húsnæði og hins vegar beitingu stjórnvaldssektaMeira -
Snæfríður og Hrafnhildur styrkja hóp Stólastúlkna
feykir.is Skagafjörður, Íþróttir, Lokað efni 30.04.2025 kl. 12.27Félagaskiptaglugginn í fótboltanum hefur nú lokað og liðin geta því ekki styrkt sig fyrr en síðar í sumar. Kvennalið Tindastóls í Bestu deildinni er þunnskipað og stóðu vonir til þess að breikka hópinn eitthvað. Skömmu fyrir mót bættist Hrafnjildur Salka Pálmadóttir í hópinn og nú í gær fékk Snæfríður Eva Einarsdóttir félagaskipti í Tindastól.Meira -
List- og verksýning nemenda Varmahlíðarskóla
feykir.is Skagafjörður, Lokað efni 30.04.2025 kl. 10.00Fjöldi nemenda, kennara og gesta var mættur á list- og verksýning Varmahlíðarskóla þegar hún opnaði í gær þriðjudaginn 29. apríl í Menningarhúsinu Miðgarði. Stendur sýningin yfir í Sæluviku eða nánar tiltekið til 4. maí.Meira -
Töfrakvöld í Síkinu
feykir.is Skagafjörður, Íþróttir, Lokað efni 30.04.2025 kl. 09.47Það var leikur. Já, stundum gerast einhverjir galdrar á íþróttaleikjum þar sem dramatíkin og óvænt atvik hreinlega sprengja allt í loft upp. Leikur Tindastóls og Álftaness í Síkinu í gær var einmitt þannig. Eiginlega bara tóm della. Hvernig fóru gestirnir að því að jafna leikinn á lokakafla venjulegs leiktíma? Hvesu löng var lokamínúta venjulegs leiktíma? Hvernig náðu Stólarnir að rífa sig upp úr vonbrigðunum í framlengingunni? Hvernig setti Arnar þetta skot niður? Hvernig stóð á því að ájorfendur voru ekki sprungnir í loft upp? Já, Stólarnir mörðu eins stigs sigur eftir framlengingu, 105-104.Meira -
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.