Ráðast þarf í dýpkunarframkvæmdir við Hvammstangahöfn
Á fundi sveitarstjórnar Húnaþings vestra sem haldinn var í gær, fimmtudaginn 14. maí, var tekin til umfjöllunar og tekið undir bókun byggðaráðs Húnaþings vestra frá 20. apríl síðastliðnum varðandi dýpkunarframkvæmdir í Hvammstangahöfn. Í fundargerð byggðarráðs kemur fram að slíkar framkvæmdir teljist nauðsynlegar í ljósi þes að áburðarskip tók niðri í hafnarmynninu í aprílmánuði.
Í bókun sveitarstjórnar kemur fram að hún telji afar mikilvægt að farið verði í dýpkunarframkvæmdir á árinu 2020 þar sem ljóst þyki að sandur heldur áfram að safnast í höfnina sem geti mögulega haft þær afleiðingar að hún verði ófær fyrir stærri skip næsta vor. Óskar sveitarstjórn eftir því við Vegagerð ríkisins að hún taki þátt í kostnaði við framkvæmdina vegna mikilvægis hafnarinnar fyrir flutninga inn á svæðið. Sveitarstjórn bendir á að reynslan sýni að þörf sé á að dýpka höfnina á tveggja til þriggja ára fresti. Því leggur sveitarstjórn áherslu á að dýpkun hafnarinnar komist inn á samgönguáætlun sem og eðlilegt viðhald hafnarmannvirkja á Hvammstanga.
Fleiri fréttir
-
Bercedo og Pettet valin best
feykir.is Skagafjörður, Íþróttir, Lokað efni 14.10.2025 kl. 09.21Lokahóf knattspyrnudeildar Tindastóls fór fram síðastliðið laugardagskvöld þar sem leikmenn voru verðlaunaðir fyrir frábært tímabil og væntanlega hafa knattspyrnumenn og -konur gert sér glaðan dag. Bestu leikmennirnir voru Grace Pettet hjá stelpunum og David Bercedo hjá strákunum.Meira -
Grunnskóli Húnaþings og austan Vatna aftur í Málæði
feykir.is Skagafjörður, Vestur-Húnavatnssýsla, Lokað efni 13.10.2025 kl. 12.00Nú hefur það verið gefið út hvaða skólar verða með í Málæði þetta árið. Málæði er skapandi keppni á vegum verkefnisins List fyrir alla, þar sem nemendum alls staðar af landinu gefst kostur á að senda inn eigin tónverk og texta. Nú er það orðið ljóst að bæði Grunn- og Tónlistarskóli Húnaþings vestra og Grunnskóli austan Vatna hafa verið valdir til þátttöku annað árið í röð. Munu þau Friðrik Dór og Birgitta Haukdal ásamt Vigni Snæ mæta í grunnskólana tvo í vikunni.Meira -
Ómar Bragi sæmdur gullmerki UMFÍ
feykir.is Skagafjörður, Íþróttir 13.10.2025 kl. 11.05Þau Klara Bjarnadóttir, formaður Ungmennafélags Grindavíkur, og Ómar Bragi Stefánsson voru sæmd Gullmerki UMFÍ á Sambandsþingi UMFÍ í gær. Ómar Bragi hlýtur Gullmerkið fyrir sjálfboðaliðastarf sitt fyrir knattspyrnudeild Tindastóls á Sauðárkróki.Meira -
Elín gerð að heiðursfélaga FÍSOS
feykir.is Austur-Húnavatnssýsla, Listir og menning 13.10.2025 kl. 10.50Elín S. Sigurðardóttir, forstöðumaður Heimilisiðnaðarsafnsins á Blönduósi, hefur verið gerð að heiðursfélaga Félags íslenskra safna og safnamanna. Hún hlaut nafnbótina nýverið ásamt þremur öðrum en öll eiga þau það sameiginlegt að hafa sinnt safnamálum af miklum metnaði í gegnum tíðina og tekið virkan þátt í samfélagi safnafólks. Þetta kemur fram á vef Húna.Meira -
Uppskeruhátíð Æskulýðsdeildar Skagfirðings
feykir.is Skagafjörður, Íþróttir, Hestar 13.10.2025 kl. 09.33Uppskeruhátíð Æskulýðsdeildar Skagfirðings fór fram í Tjarnarbæ 12.október sl. þar sem veitt voru verðlaun fyrir tímabilið. Knapar ársins í unglingaflokki og barnaflokki, knapar æskulýðsdeildarinnar fengur veittar viðurkenningar og einnig pollarnir.Meira
