Skonsutertur og reyktur silungur í Hamarsbúð um verslunarmannahelgina
Að venju bjóða Húsfreyjurnar í Hamarsbúð upp á kaffihlaðborð um verslunarmannahelgina. Hlaðborð Húsfreyjanna byggir á grónum matarhefðum Vatnsness og boðið er upp á rjómapönnukökur, parta, skonsutertu, reyktan silung og kæfu, rabarbaraköku, randalínu, kanil- sem og möndlutertu og margt annað gómsætt og gott.
Í tilkynningu frá Húsfreyjunum segir: „Húsfreyjurnar í Hamarsbúð hafa boðið upp á kaffihlaðborð um verslunarmannhelgina í fjölda mörg ár. Verkefnalisti í byrjun ársins var langur, búið var að panta veislur, fundarkaffi, húsið sjálft til mannfagnaðar, og Húsfreyjurnar hlökkuðu til að bjóða upp á góða þjónustu. En svo kom Covid, og hverju verkefninu á fætur öðru var aflýst ... það varð að sætta sig við breyttan raunveruleika. En nú lítum við fram á veg og látum ekki deigan síga. Eins og áður er boðið upp á kaffihlaðborð að hætti Húsfreyja um verslunarmannahelgina.”
Hlaðborðið verður opið laugardaginn 1. og sunnudaginn 2. ágúst n.k. milli kl. 14 og 18. Verð á hlaðborði er kr. 2000 fyrir 13 ára og eldri, en kr. 1000 fyrir 6-12 ára. Ath. að enginn posi verður á staðnum. Listaverk Aðalheiðar Jónsdóttur verða til sýnis á staðnum.
Staðsetning: Hamarsbúð Vatnsnesi, vegur 711. S: 898 5154
/SHV
Fleiri fréttir
-
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.