Fréttir

Þjóðhátíðardagur Íslendinga var haldinn hátíðlegur á miðvikudaginn, 17. júní og haldið var upp á daginn um landið. Margt var um að vera á Norðurlandi vestra en á Blönduósi, Hvammstanga og á Sauðárkróki var haldið upp á daginn með skemmtilegum dagskrám.

Í gær opnaði Miðgarður Café í Menningarhúsinu Miðgarði í Varmahlíð fyrir gestum en það eru Sigga Jóna og Snorri, húsráðendur í Miðgarði, sem reka kaffihúsið. „Opnunardagurinn gekk virkilega vel, það var rennerí allan daginn og um 100 manns litu við hjá okkur, allir virkilega ánægðir með þetta framtak,“ sagði Sigga Jóna þegar Feykir spurði hvernig gekk.

Lóu-nýsköpunarstyrkjum fyrir árið 2026 var úthlutað nú í byrjun vikunnar en úthlutað er til fjölbreyttra verkefna sem eiga það sameiginlegt að efla nýsköpun, verðmætasköpun og samfélagslega þróun á landsbyggðinni. Alls hlýtur 21 verkefni styrk í ár og nemur heildarstyrkupphæðin 100 milljónum króna og þar á meðal voru þrjú verkefni á Norðurlandi vestra.

Það er opinn dagur og uppskeruhátíð hjá Fornverkaskólanum og fer dagskráin fram á Tyrfingsstöðum á Kjálka í Skagafirði á morgun, 19. júní, og hefst um kl. 14. Í tilkynningu segir: „Í ár höfum við ýmsar ástæður til að fagna; Fornverkaskólanum hlotnaðist nýverið viðurkenning frá Europa Nostra, sem eru ein virtustu minjaverndarverðlaun í Evrópu. Verðlaunahátíðin fer fram 28. maí í Nikosíu á Kýpur og á opnum degi ætlum við að fagna áfanganum með vinum og vandamönnum og afhjúpa viðurkenningarskjöld sem Europa Nostra samtökin veittu Fornverkaskólanum.“

Þeir sem bíða spenntir eftir rennibrautum í sundlaugina á Sauðárkróki verða að bíða eitthvað fram yfir verslunarmannahelgina. Vonir stóðu til, og allt virtist stefna í, að rennibrautirnar yrðu komnar upp fyrir Unglingalandsmótið á Króknum. Feykir sendi Hjörvari Halldórssyni, sviðsstjóra veitu- og framkvæmdasviðs sveitarfélagsins Skagafjarðar, fyrirspurn um málið.

Ýmsir hafa kvartað yfir óstöðugu símasambandi hér norðanlands í kjölfarið á útfösun 2G og 3G símkerfanna og sérílagi hafa bændur verið ósáttir þar sem samband við róbóta hefur verið slakt á sumum svæðum sem er að sjálfsögðu afar óheppilegt. Nú kom það mál upp fyrir helgi að fjölskylda á Skagaströnd reyndi að hringja í neyðarlínuna 112 en gekk ekki þrátt fyrir ítrekaðar tilraunir sem er alvarlegt mál enda viðkomandi að reyna að hringja á sjúkrabíl.

Forseti Íslands sæmdi 14 Íslendinga heiðursmerki hinnar íslensku fálkaorðu við hátíðlega athöfn á Bessastöðum á þjóðhátíðardaginn. Einn íbúi á Norðurlandi vestra varð þess heiðurs aðnjótandi en það var Karólína Elísabetardóttir, bónd í Hvammshlíð, fyrir frumkvöðlastarf í baráttunni gegn riðu í sauðfé.

Það var í miðri heimsstyrjöldinni fyrri að drepið var dyra heima hjá ömmu minni og afa í Þingholtsstræti 17 í Reykjavík og Nanna föðursystir mín kom til dyra, barn að aldri. Komumaður spurði hana hvaðan hún væri og hún svaraði: Ætli ég sé ekki bara Reykvíkingur. Gall þá við þrumuraust ömmu hennar og langömmu minnar ofan af lofti: Hvers lags er þetta, barn? Þú ert Skagfirðingur! Föðuramma mín, Þórunn Pálsdóttir, var Skagfirðingur og það er ég því líka og við hjónin raunar bæði. Sex löng sumur og sælurík, tvö ár alls, var ég strákur í sveit og við bræðurnir allir hjá frændum okkar á Stóra-Vatnsskarði í Skagafirði, vestasta bænum í sýslunni.

Það var hátíðleg stund í dag við Vesturós Héraðsvatna þegar Heldribílaklúbbur Skagafjarðar og Gamla nefndin minntust þess að 100 ár eru síðan bifreiðar komu í Skagafjörð og Héraðsvatnabrú Vesturósi var vígð.

Það síðasta sem Hinni blaðamaður bað um áður en hann stökk af stað í hrossadómgæslu var að bróðir hans fengi að svara Tón-lystinni ... kannski ekki satt en hljómar vel. Það er nefnilega Friðrik Þór Jónsson organisti og tónlistarkennari í Skagafirði sem tekur slaginn að þessu sinni. Hann er fæddur 1972. „Fæddur og uppalinn á Laugum í Reykjadal (Dalnum græna) þar sem fyrsta innisundlaug landsins var gerð 1925 og kaupfélagið var fundið upp í hreppnum. Foreldrar mínir hétu Jón Aðalsteinn og Elín Inga. Ég kom í Hólaskóla og hef ekki farið síðan úr firðinum fagra,“ segir kappinn.