Stólarnir með fullt hús stiga eftir fyrri umferðina í 1. deild
Tindastóll og Höttur áttust við á Egilsstöðum í gær en leiknum hafði verið frestað á föstudag þar sem dómararnir komust ekki austur. Leikmenn Hattar reyndust ekki mikil fyrirstaða fyrir Stólana og vann Tindastóll öruggan sigur, 67-91, og fóru því taplausir í gegnum fyrri umferðina í 1. deild.
Jafnræði var með liðunum framan af en síðustu mínútur fyrsta leikhluta náðu Stólarnir að búa til smá forskot en þá breyttist staðan úr 16-16 í 18-25 en það voru Proctor (6) og Ingvi Rafn (3) sem skoruðu á þeim kafla. Stólarnir náðu fljótlega 10 stiga forystu í öðrum leikhluta og tvær 3ja stiga körfur í röð frá Viðari Ágústssyni komu Stólunum í 16 stiga forystu og eftir það áttu heimamenn aldrei séns. Í hálfleik var staðan 37-50.
Tindastóll var mun sterkari aðilinn í þriðja leikhluta og jók bilið jafnt og þétt. Í fyrstu þremur leikhlutunum skoruðu Stólarnir 25 stig (alls 75) en heimamenn náðu aldrei að skora 20 stig í leikhlutunum fjórum. Nokkrum sinnum í 3ja leikhluta náðu Stólarnir 26 stiga forystu en mestur varð munurinn í leiknum snemma í fjórða leikhluta þegar Ingvi Rafn og Pétur gerðu sitt hvora 3ja stiga körfuna á skömmum tíma og staðan var orðin 49-81. Í kjölfarið fengu óreyndari leikmenn Stólanna að spreyta sig og heimamenn, með Hreinsa Birgis í sínum röðum, náðu að klóra í bakkann. Lokatölur 67-91.
Líkt og svo oft áður í vetur var það góð liðsheild sem skóp sigurinn en Proctor var stigahæstur með 25 stig og 7 fráköst, Ingvi Rafn kom sterkur inn og sýndi hvað í honum býr með 15 stig. Þá voru Pétur og Helgi Rafn með 13 stig hvor. Flest fráköst tók Darrel Flake eða 12 stykki í þær rétt rúmu 20 mínútur sem hann spilaði.
Næsti leikur hjá strákunum verður í Smáranum nk. föstudagskvöld við Augnablik en síðan leika þeir aftur á sunnudag í 8 liða úrslitum í Powerade-bikarnum við lið Fjölnis og fer sá leikur fram í Dalhúsum. Með sigri næðu Stólarnir alla leið í undanúrslit sem sannarlega væri frábær árangur og því full ástæða fyrir stuðningsmenn Tindastóls til að fjölmenna á leikinn.
Stig Tindastóls: Antoine Proctor 25/7 fráköst, Ingvi Rafn 15, Pétur Rúnar Birgisson 13, Helgi Rafn Viggósson 13, Helgi Freyr Margeirsson 7, Viðar Ágústsson 6/6 fráköst, Darrell Flake 4/12 fráköst, Hannes Ingi Másson 3, Finnbogi Bjarnason 2, Ingimar Jónsson 2 og Sigurður Páll Stefánsson 1.
Fleiri fréttir
-
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira -
Haustið 1994 afar eftirminnilegt
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 08.06.2025 kl. 11.27Rétt eins og skólameistarinn þá lætur aðstoðarskólameistarinn, Þorkell V. Þotsteinsson, af störfum að loknu skólaárinu. Keli starfaði sem skólameistari í vetur þar sem Ingileif var í leyfi. Hann hóf störf við skólann haustið 1980 eða ári eftir að Fjölbraut á Króknum hóf kennslu og kenndi þá ensku. Það verða því viðbrigði þegar starfsmenn skólans mæta til vinnu í haust og enginn Keli til staðar.Meira -
Bóndabrie og þorskhnakkar | Matgæðingur Feykis
feykir.is Skagafjörður, Í matinn er þetta helst, Lokað efni 08.06.2025 kl. 11.20Matgæðingur vikunnar í tbl 4 á þessu ári var Arndís Brynja, gift Guðmundi Óla Hartmannssyni, en þau eru bæði fædd og uppalin á Króknum. Þau eiga þrjá uppkomna syni og eitt barnabarn og eru öll búsett í Reykjavík. Arndís starfar hjá Landhelgisgæslunni sem bryti á varðskipinu Þór og eldar fyrir mannskapinn.Meira -
Flest í þokkalegri rútínu
feykir.is Skagafjörður, Lokað efni, Hvað segja bændur? 07.06.2025 kl. 16.49Bessi Freyr Vésteinsson í Hofsstaðaseli, nánar tiltekið í Viðvíkursveit í Skagafirði, býr þar ásamt konu sinni Sólrúnu Ingvadóttur. „Einnig búa hér sonur okkar Ingvi Þór Bessason og kona hans Fanndís Viðarsdóttir ásamt sonum þeirra Braga Frey sex ára, Bjarka Viðari fjögurra ára og Birki Þór tveggja ára.“ Öll vinna þau við reksturinn auk 4-6 starfsmanna, en það fer aðeins eftir árstíma. Feykir heyrði í Bessa til að taka stöðuna í sveitinni en viðtalið var birt í fréttablaðinu Feyki í byrjun febrúar á þessu ári.Meira -
Stólastúlkur náðu í stig gegn liði Vals í fyrsta sinn
feykir.is Skagafjörður, Íþróttir, Lokað efni 07.06.2025 kl. 15.18Í gær mættust lið Tindastóls og Vals í Bestu deild kvenna og var spilað við ágætar aðstæður á Króknum. Úr varð hörkuleikur og fór svo að lokum að liðin deildu stigunum en lokatölur voru 2-2. Þetta var í fyrsta skipti sem Stólastúlkur ná í stig gegn liði Vals og máttu eiginlega vera svekktar með að þau urðu ekki fleiri.Meira
