Stoltasti Króksarinn
„Ef ég ætti fjölskyldu myndi ég vilja flytjast á Krókinn því það var svo gaman að alast upp þar. Ég sakna þess að vera í skólanum þar sem einu áhyggjurnar voru að fara í fótbolta eða körfubolta. Það er það sem mér finnst skemmtilegast við Krókinn,“ segir Auðunn Blöndal í aðalviðtali Feykis en Krókurinn á alltaf stórt pláss í hjarta hans og segist sakna hans.
Auddi Blö eins og hann er oftast kallaður fer víða í viðtalinu og viðurkennir m.a. að hafa verið slakur nemandi. „Ég hef oft hugsað út í það ef ég færi aftur í skóla þá yrði ég tíu sinnum betri nemandi. Ég myndi nenna því í dag. Ég hef farið í skóla og haldið fyrirlestra um einelti og fleira og sagt: -Trúið mér, þið eigið ekki eftir að sjá eftir því að nenna að læra! En ég var latur, hræðilegur. Mér finnst gaman að hitta Óskar skólastjóra, því ég bar virðingu fyrir honum og ég fann að hann sá að þetta myndi reddast, .. en ég var hræðilegur nemandi.“
Bakarinn
Fyrsta alvöruvinna Audda var í Sauðárkróksbakarí en hann þvertekur fyrir það að hafa ætlað að verða bakari. „Það var bara Óttar snillingur sem reddaði mér. Ég hleraði það meira að segja einu sinni að hann sagði að ég væri hræðilegur starfsmaður en bara svo skemmtilegur. Ég vissi að Óttar hafði mig í vinnu af því að hann kunni vel við mig og ég dýrkaði hann. Þetta var fyrsta vinnan mín en ég ætlaði aldrei að verða bakari,“ segir Auddi. Þrátt fyrir það er til skemmtileg saga um Audda bakara. Það var þegar Róbert sonur Óttars heitins ætlaði að kaupa bíl mömmu Audda. Í þá daga þurfti að gefa upp starf þegar keyptir voru farsímar og þar sem Auddi vann í bakaríinu skrifaði hann „bakari“ þar sem við átti.
Róbert ætlaði að ná í Audda í sambandi við kaupin en vissi ekki númerið svo hringt var í 118: „Ertu með númerið á Auðunn Blöndal á Sauðárkróki? Og spurt var á móti: Já, bakari? Þeir grenjuðu úr hlátri. Róbert sagði að þeir hefðu hlegið í svona hálftíma að þessu. Auðunn Blöndal bakari!,“ segir Auddi og hlær innilega. Hann vann eitt sumar í bakaríinu hjá þeim feðgum og fannst það „ógeðslega“ gaman, eins og hann orðar það sjálfur, „Fyrsta alvöru vinnan mín og ég elskaði hana.“ Á þessum tíma vissi Auddi ekki hvað hann langaði til að gera í framtíðinni annað en að verða fótboltamaður. Hann stóð í þeirri trú að það myndi reddast einhvern veginn en fann það svo snemma eða um 19 ára aldurinn að líklega yrði lítið um atvinnumennsku. „Það fór pínu í taugarnar á mér en það var alltaf pælingin að verða fótboltamaður, var ekki með neinar aðrar pælingar.“
Viðtalið við Audda má finna í heild sinni í 37. tbl. Feykis.
Fleiri fréttir
-
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira -
Sóknaráætlanir landshlutanna – lykillinn að sterkara Íslandi
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 14.19Það er ekki alltaf einfalt mál, jafnvel í litlu landi, að jafna tækifæri íbúa um allt land til uppbyggingar, hvort sem það varðar atvinnu, samgöngur, aðgengi að þjónustu eða tækifæri ungs fólks. Eitt af stóru viðfangsefnum stjórnvalda hverju sinni er að leysa þetta viðfangsefni með markvissum hætti og þar koma Sóknaráætlanir landshlutanna til sögunnar.Meira -
Formannsskipti hjá Rauða krossinum
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 19.06.2025 kl. 13.51Sigríður Stefánsdóttir hefur tekið við formennsku í stjórn Rauða krossins á Íslandi (RKÍ) af Silju Báru Ómarsdóttur. Sigríður hefur verið varaformaður undanfarin þrjú ár, átti sæti í stjórn Eyjafjarðardeildar félagsins frá 2021 og hefur verið sjálfboðaliði allt frá 2017. Silja Bára sat í stjórn félagsins frá árinu 2018 og var formaður síðustu þrjú árin. Hún var nýverið kjörin rektor Háskóla Íslands og tekur við því embætti í júlí. Formannsskiptin áttu sér stað á fundi stjórnar Rauða krossins í gær, 18. júní.Meira -
Nýr vegvísir Evrópusambandsins um jafnrétti kynjanna | Clara Ganslandt skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 19.06.2025 kl. 13.37Kæru Íslendingar, til hamingju með kvenréttindadaginn. Það er merkilegt að hugsa til þess að íslenskar konur hafi verið með þeim fyrstu í Evrópu til að hljóta kosningarétt á þessum degi árið 1915, fyrir 110 árum síðan og því ber að fagna. Enn fremur þykir mér aðdáunarvert að Ísland skuli ennþá tróna á toppi lista Alþjóðaefnahagsráðsins yfir jafnrétti kynjanna í meira en áratug samkvæmt nýjustu skýrslu sem birt var í síðustu viku.Meira
