Sumarleikhús æskunnar í Húnaþingi vestra
Í sumar stendur Handbendi fyrir Sumarleikhúsi æskunnar í Húnaþingi vestra. Um er að ræða sjö vikna verkefni sem opið er öllum börnum og ungmennum frá 7-18 ára að aldri. Þetta er í fyrsta skipti sem Sumarleikhús æskunnar eru haldið.
Sumarleikhús æskunnar er leikhús- og leiklistarsmiðja sem fer fram tvisvar í viku og stendur yfir frá 18. júní – 24. ágúst. Þátttakendur munu mestmegnis vinna með fólki á svipuðum aldri að uppsetningu leikverka en ákveðin verkefni vinna þátttakendur allir saman. Sýningarnar munu hver fyrir sig henta aldurshópnum sem þær flytur og sinna þörfum, áhuga, og styrkeikum hvers hóps fyrir sig.
Meðan á verkefninu stendur læra þátttakendur um leikhús, kynna sér mismunandi leikhústækni og setja upp sýningar sem sýndar verða almenningi við lok verkefnisins. Fagmenntað fólk mun vinna með þátttakendum að listsköpuninni.
Sýnt verður á endurbættu sviði Félagsheimilisins á Hvammstanga en þar er nú kominn upp nýr og góður tæknibúnaður. Fagmanneskja í leikhúshljóði og -ljósi aðstoðar þátttakendur við sýningarnar og mun kynna grunnatriði ljós- og hljóðhönnunar fyrir hverjum þeim sem áhuga kann að hafa, ásamt almennri nálgun á tækniatriði leikhússins.
Hver tími verður þriggja klukkustunda langur, að pásum meðtöldum.
Þáttökugjald er 35.000 kr. í heild og allur kostnaður við sýninguna er þar innifalinn.
Skráning er hafin á vefsíðunni www.sumarleikhus.com
Dagsetningar: 18.,19., 25. og 26. júní, 9., 10., 16. og 17. júlí og 6., 7., 13. og 14. ágúst.
Lokavika fyrir sýningu er 19. – 23. ágúst (þá þurfa allir að vera á staðnum).
Sýningar verða laugardaginn 24. ágúst.
Fleiri fréttir
-
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira -
Lukkudísirnar voru í liði með FH
feykir.is Skagafjörður, Íþróttir 22.04.2024 kl. 20.44Fyrsti leikur Tindastóls í Bestu deild kvenna þetta árið fór fram nú undir kvöld en þá tóku Stólastúlkur á móti liði FH við ágætar aðstæður. Það verður varla annað sagt en að lukkudísirnar hafi verið í liði með gestunum því í það minnsta þrívegis skall boltinn í stangir FH marksins. Það voru hins vegar Hafnfirðingarnir sem gerðu eina mark leiksins snemma í síðari hálfleik og þrátt fyrir talsverða pressu og nokkur ágæt færi þá tókst liði Tindastóls ekki að jafna.Meira -
Vortónleikar í Blönduóskirkju
feykir.is Austur-Húnavatnssýsla, Listir og menning 22.04.2024 kl. 09.56Sunnudaginn 28. apríl vera haldnir tónleikar í Blönduóskirkju þar sem kirkjukórinn mun syngja nokkur hugljúf vorlög undir stjórn Eyþórs Franzsonar Wechner organista. Jafnframt mun Eyþór sýna snilli sína og leyfa okkur að heyra hvað orgelið hefur upp á að bjóða. Mun hann leika vel valin orgelverk.Meira -
Stólastúlkur mæta FH á gervigrasinu klukkan fimm í dag
feykir.is Skagafjörður, Íþróttir 22.04.2024 kl. 08.31Leik Tindastóls og FH í fyrstu umferð Bestu deildar kvenna sem fram átti að fara kl. 16:00 í gær var frestað sökum vallaraðstæðna á Króknum í gær. Í leysingum laugardagsins skiluðu snjóalög í Grænuklaufinni sér niður á vallarsvæðið og var gervigrasvöllurinn á floti og ekki leikhæfur. Gærdagurinn reyndist þurr og í dag er sól og fínerí og leikurinn mun fara fram í dag og hefst kl. 17:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.