Tækniframfarir og stöðug aukning á framleiðslu einkenna sögu mjólkursamlagsins
Mjólkursamlag KS átti 80 ára afmæli á síðasta ári, en vinnsla hófst hjá samlaginu, sem þá var staðsett sunnan við Gránu, í júlí árið 1935. Af því tilefni færði Kaupfélag Skagfirðinga Snorra Evertssyni, fyrrum samlagsstjóra, virðingarvott fyrir starf hans í þágu mjólkurvinnslu í Skagafirði. Snorri, sem er Skagfirðingur að uppruna, ættaður frá Stóru-Gröf í fyrrum Staðarhreppi, hafði þá nýlega látið af störfum eftir nærri 50 ára starf við samlagið. Í tilefni þessa ræddi blaðamaður Feykis við hann um starfsferilinn og sögu samlagsins, einkum þróun mjólkurvinnslu eftir að hann hóf störf árið 1959, þá 14 ára gamall.
„Samstarf um mjólkurvinnslu á samvinnugrundvelli á sér langa sögu í Skagafirði,“ sagði Snorri, þegar blaðamaður innti hann eftir því hvenær sú saga hófst. „Fyrsta rjómabúið var stofnað á Páfastöðum um 1900 og var langamma mín þar bústýra. Það starfaði ekki lengi, en síðar var starfrækt rjómabú við Staðará, í gilinu sunnan við Melsgilið og starfaði það til 1916. Þess má geta að húsið sem rjómabúið starfaði í keypti Snorri, afi minn, og nýtti sem íbúðarhús í Stóru-Gröf. Eitt rjómabú starfaði austan Vatna, á eyrinni við Gljúfurá. Þar var að einhverju leyti unnið úr mjólk og rjóma; unninn ostur og smjör. Gljúfurárbúið var því nokkur vísir að mjólkursamlagi í Skagafirði og starfaði það frá 1904 til 1919.“
Hafist var handa við byggingu Mjólkursamlags Skagfirðinga 10. maí 1934, sunnan Gránu. Fyrst var tekið á móti mjólk til vinnslu þar í júlí 1935. Samlagið sunnan Gránu var orðið of lítið 1947 og þá var byggt húsið sem það starfar nú í og mjólkurvinnslan flutt þangað 30. nóvember 1951 en síðan hafa verið byggðar ýmsar viðbyggingar við húsið.
Snorri byrjaði að vinna hjá Mjólkursamlagi KS fermingarárið sitt 1959 og fer yfir starfsferilinn og sögu Mjólkursamlagsins í ítarlegu viðtali í Feyki vikunnar.
Fleiri fréttir
-
Skákmótið Húnabyggð Open 2025
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 16.06.2025 kl. 09.15Húni.is segir frá því að á föstudaginn 20 júní verður haldið skákmótið Húnabyggð open sem er í tengslum við skákhátíðna sem stendur yfir á Blönduósi og lýkur 21 júni. Enn er hægt að skrá sig til leiks. Húnabyggð Open 2025 er opið mót sem haldið ve...Meira -
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira
