Þvert á það sem Íslandspóstur boðaði þegar pósthúsum var fækkað
Rætt var við Stefán Vagn Stefánsson, formann byggðaráðs Sveitarfélagsins Skagafjarðar, í hádegisfréttum Ríkisútvarpsins í dag. Þar sagði hann sveitarfélagið ætla að leita skýringa hjá Íslandspósti á þeirri skertu póstþjónustu sem fyrirsjáanleg er í sveitarfélaginu með fækkun á dreifidögum í dreifbýli. Stefán segir fækkun daga við póstdreifingu ganga þvert á það sem Íslandspóstur boðaði þegar pósthúsum í firðinum var fækkað.
Fjallað hefur verið um fækkun dreifidaga Íslandspósts hér á feyki.is en Póst- og fjarskiptastofnun hefur heimilað svokallaða 2+3 dreifinu, þar sem, þ.e. þriðjudag og fimmtudag í viku 1 og mánudag, miðvikudag og föstudag í viku 2 o.s.frv. Breytingin tekur m.a. til Hvammstanga (pnr. 531, 500), Blönduóss (541, 540, 545) og Sauðárkróks (551, 560, 565, 566, 570) og tekur gildi þann 1. mars 2016.
Í hádegisfréttum sagði Stefán Vagn Stefánsson þessa breytingu mikið áhyggjuefni og ekki hjálpa til við að laða fólk að varðandi búsetu og annað. Það sé enn og aftur verið að höggva í landsbyggðina.
Hann bendir á að á Hólum sé háskólastarfsemi og þetta sé slæm skerðing þar. Þá sé ekki langt síðan pósthúsunum á Hofsósi og í Varmahlíð hafi verið lokað. „Ein af forsendum þess að menn lokuðu var sú að menn ætluðu ekki að skerða þjónustu. Þetta yrði þjónustuaukning og ég get ekki séð að þetta sé þjónustuaukning,“ sagði Stefán.
Hann segir þetta sé að fara í nákvæmlega þann farveg sem heimamenn í Skagafirði hafi óttast og að ætlunin sé að óska eftir fundi með Íslandspósti.
Frétt um málið má lesa á Rúv.is.
Fleiri fréttir
-
Víðismenn í vandræðum á Blönduósi
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 15.06.2025 kl. 16.24Það var spilað á Blönduósvelli í gær við fínar aðstæður en þá tóku heimamenn í Kormáki/Hvöt á móti liði Víðis í Garði. Liðin voru bæði í neðri hluta 2. deildar en Húnvetningar með einu stigi meira og leikurinn því mikilvægur fyrir bæði lið. Það fór svo að Húnvetningar voru sterkara liðið og unnu sanngjarnan 2-0 sigur og komu sér enn á ný upp í efri hluta deildarinnar.Meira -
Uppskriftir að hætti Jóhanns Daða
feykir.is Skagafjörður, Í matinn er þetta helst 15.06.2025 kl. 10.00Jóhann Daði er 24 ára Skagfirskur viðburðastjóri, fæddur og uppalinn á Sauðárkróki. Foreldrar hans eru Gísli Sigurðsson og Lydía Ósk Jónasdóttir. Jóhann býr fyrir sunnan, nánar tiltekið í Kópavogi, og vinnur sem sölumaður hjá Sýn. Jóhann spilar knattspyrnu með Tindastól og er trommuleikari í þeirri víðfrægu hljómsveit Danssveit Dósa.Meira -
Níu marka veisla á Sauðárkróksvelli
feykir.is Skagafjörður, Íþróttir, Lokað efni 14.06.2025 kl. 21.17Það var leikið í 3. deildinni í knattspyrnu á Króknum í dag en þá tóku Stólarnir á móti liði Árbæjar í áttundu umferð. Liðin voru bæði um miðja deild en gestirnir þó ofan við miðlínuna en Stólarnir neðan hennar. Eftir nokkurt ströggl síðasta mánuðinn þá sýndu heimamenn sparihliðarnar og rúlluðu gestunum upp eins og gómsætri vöfflu með rjóma og rabarbarasultu. Lokatölur 7-2 og allt í gúddi.Meira -
Vel heppnuð vinnustofa um íþróttir fatlaðra
feykir.is Skagafjörður, Íþróttir, Mannlíf, Lokað efni 14.06.2025 kl. 20.04Í byrjun mánaðar héldu Ungmennasamband Skagafjarðar (UMSS), Svæðisstöðvar íþróttahéraða og Íþróttasamband fatlaðra (ÍF) sameiginlega vinnustofu um íþróttir fyrir fatlaða á Sauðárkróki. Vinnustofan var fyrir foreldra, forsjáraðila, íþróttaþjálfara, starfsfólk skóla og áhugafólk um íþróttir í sveitarfélaginu. „Vinnustofan var vel sótt og greinilegt að mikil þörf var á þessum viðburði. Miklar og góðar umræður sköpuðust um íþróttir fatlaðra í Skagafirði. Það verður gaman að vinna úr þeim punktum sem fram komu og koma þeim í farveg,“ segir Halldór Lárusson, svæðisfulltrúi íþróttahéraða á Norðurlandi vestra.Meira -
Þjóðhátíðardagsskráin á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 14.06.2025 kl. 14.00Þjóðhátíðin 17 júní er á næsta leyti og af því tilefni ætlar Feykir að taka saman það helsta sem í boði verður á Norðvesturlandi.Meira
