Úr einni stórborg yfir í aðra
Axel Kárason, landsliðsmaður í körfubolta, er í skemmtilegu viðtali á heimasíðu Landbúnaðarháskóla Íslands á Hvanneyri.
Axel er fæddur og uppalinn í Skagafirði. Fyrstu árin bjó hann að Sólheimum í Blönduhlíð en síðar lá leiðin í stórborgina Varmahlíð og eftir grunnskóla flutti hann í „eitt af úthverfum Varmahlíðar, Sauðárkrók,“ eins og hann kemst sjálfur að orði. Axel er í dýralækninganámi í Danmörku þar sem að hann spilar einnig með úrvalsdeildarfélaginu Værlöse. Hann lauk námi frá Hvanneyri árið 2008 með BS í búvísindum.
Frá Varmahlíð til Hvanneyrar, þaðan til Búdapest og síðan til Kaupamannahafnar
„Það er alveg óhætt að segja að námið á Hvanneyri sé að koma sér vel fyrir mig, dýralæknanemann, þar sem ég hef mestan áhuga á búfénaði,“ sagði Axel Kárason sem nú stundar nám í dýralækningum í Kaupmannahöfn. Axel sagði það vera ótrúlega margt sem nefnt var í búvísindanáminu, sem síðan hefur komið við sögu í dýralæknanáminu. Munurinn sé að sjálfsögðu sá að í hinu síðarnefnda sé kafað dýpra. "Eins finnst mér dýralæknanámið verða í raun sérhæfðara mun fyrr í námsferlinu, þannig að ég leyfi mér að giska að búvísindanámið bjóði upp á mjög víðfeman grunn samanborið við annað raunvísindanám,“ segir Axel.
Körfubolti í torffjósi
Axel lauk stúdentsprófi við Fjölbrautarskóla Norðurlands vestra vorið 2003 en beið svo í tvo vetur eftir að námsandinn kæmi aftur – en þegar það gerðist mætti Axel í LbhÍ. Meðan á "námsandabiðinni" stóð vann Axel fyrir sér á ýmsan hátt og gerði m.a. garðinn frægan á Bílaverkstæði Kaupfélags Skagfirðinga. „Einnig má geta þess að rauði þráðurinn í mínu lífi, hvort sem það var fyrir, á, eða eftir Hvanneyri, hefur ávallt verið körfuboltaiðkunin, sem hófst í gamla torffjósinu á Sólheimum og ekki sér fyrir endann á enn þann dag í dag.“
Austur fyrir gamla járntjaldið
Eftir að hafa útskrifast frá LbhÍ hélt Axel austur fyrir gamla járntjaldið, nánar tiltekið til Budapest, og settist þar á skólabekk í Szent István dýralæknaskólanum. „Ekki dugði ég þar nema einn vetur, enda búinn að vera þá í fjögur ár í burtu frá Skagafirðinum og tók eitt ár þar í hvíld til að lyfta andanum. Þegar það hafði tekist hélt ég aftur utan og í þetta sinn á slóðir landsfeðrana í Kaupmannahöfn.
Framtíðin er í póstnúmeri 560
Ég bý nú að þeirri merkilegu reynslu að hafa flutt til útlanda bæði skömmu fyrir bankahrun og eins eftir hrun. Ef að ég á að nefna eitthvað eitt sem er minnistætt frá þessum tíma þá er það tvímælalaust vikan í byrjun október 2008 þegar allt var á öðrum endanum í bankakerfinu. Það var eins og að horfa á bíómynd að sitja í íbúð djúpt í Austur-Evrópu, langt frá sínum heimaslóðum, bæði menningar- og landfræðilega, og fylgjast með fréttum frá Íslandi.“
- En hvað svo?
„Þegar þessum námsáfanga lýkur geri ég nú ráð fyrir að nóg sé komið af skólasetu. Ég mun halda heim og finna mér góðan bústað í póstnúmeri 560.“
Fleiri fréttir
-
Fornbílaeigendur í messu á Flugumýri 17. júní
feykir.is Skagafjörður, Mannlíf, Lokað efni 18.06.2025 kl. 15.55Það hefur um árabil verið siður fornbílaunnenda í Skagafirði að mæta á fákum sínum í messu í Blönduhlíðina á 17. júní. Stundum hefur þessi messa verið á Miklabæ, líka á Silfrastöðum en í ár var messað á Flugumýri. Forvígismenn þessa uppátækis eru Agnar á Miklabæ og Jón í Miðhúsum.Meira -
Rúnar Birgir á EuroBasket í haust
feykir.is Skagafjörður, Íþróttir, Lokað efni 18.06.2025 kl. 14.50Nei, Varmhlíðingurinn geðþekki, Rúnar Birgir Gíslason, hefur ekki verið valinn til þátttöku á EuroBasket með íslenska landsliðinu í körfubolta í haust. En sannarlega verður kappinn þar því þau ánægjulegu tíðindi bárust KKÍ nú fyrir skömmu að honum hefur verið raðað sem eftirlitsmanni á EuroBasket karla í haust. „Það verða því ekki bara strákarnir okkar sem taka þátt í mótinu fyrir Íslands hönd í Póllandi heldur verður okkar fulltrúi í einu hinna landanna sem eru gestgjafar í mótinu,“ segir í frétt á vef KKÍ.Meira -
Þrjár Tindastólsstúlkur í U19 landsliðshópnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 18.06.2025 kl. 14.39Nú styttist í EM kvenna sem fram fer í Sviss. Ísland er að sjálfsögðu með lið á EM og það er Glódís Perla Viggósdóttir, sem rekur ættir sínar til Skagastrandar, sem er fyrirliði Íslands. Í síðustu viku tilkynnti síðan Þórður Þórðarson, landsliðsþjálfari U19 kvenna, val sitt á landsliðshópi fyrir tvo æfingaleiki nú í lok mánaðarins. Þar á lið Tindastóls þrjá fulltrúa.Meira -
Fjármagn tryggt til að hefjast handa við verknámshús
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 18.06.2025 kl. 14.05Eins og fram hefur komið hefur verið til samningur í rúmlega ár milli ríkis og sveitarfélaga um viðbyggingu við verknámshús FNV. og þriggja annarra verkmenntaskóla. Sveitarfélögin á Norðurlandi vestra höfðu skuldbundið sig til að standa við sinn hluta fjármögnunnar eða 40% heildarkostnaðar og gert ráð fyrir því í sínum fjárhagáætlunum fyrir árið 2025.Meira -
Það þarf að mæta nemendum þar sem þeirra hæfileikar og áhugi eru
feykir.is Skagafjörður, Mannlíf, Lokað efni 18.06.2025 kl. 09.54Það eru mikil tímamót í skólastarfi á Sauðárkróki nú í sumar. Í síðasta Feyki var rætt við skólameistara, aðstoðarskólameistara og annan áfangastjóra Fjölbrautaskóla Norðurlands vestra sem nú láta af störfum og eiga að baki samtals ríflega 100 ára starfsævi. Þá var skólastjóri Árskóla, Óskar G. Björnsson, kvaddur af samstarfsfólki og nemendum við skólaslit á dögunum en Óskar hefur verið skólastjóri Árskóla alla tíð síðan Gagnfræðaskóli og Barnaskóli Sauðárkróks voru sameinaðir undir einn hatt árið 1998. Já, 27 farsæl ár að baki sem skólastjóri hjá þessum öðlingi. Það var því ekki annað hægt en að leggja nokkrar spurningar fyrir Óskar.Meira
