Fréttir

Beint frá býli dagurinn verður haldinn núna á sunnudaginn, 23. ágúst, fjórða árið í röð, en viðburðurinn hefur fest sig í sessi sem fjölskylduvæn matarhátíð í íslenskri sveit.

Húnahornið segir frá því að sveitarstjórn Skagastrandar hafi ákveðið að fela sveitarstjóra og varaoddvita að hefja undirbúning og sækja um fyrir hönd sveitarfélagsins þátttöku í verkefninu Heilsueflandi samfélag. Verkefnið er unnið í samstarfi við Embætti landlæknis og hefur víða reynst mikilvægt tæki til að efla lýðheilsu, styrkja forvarnir og samræma starf ólíkra aðila innan samfélagsins.

Við stöndum frammi fyrir mikilvægri þjóðaratkvæðagreiðslu þann 29.ágúst. Niðurstaðan gæti varðað miklu um framtíð mína og minna og byggðarlagsins míns. Ég er bóndi og við fjölskyldan rekum býli á Brúnastöðum í Fljótum. Þar stundum við ýmiskonar starfsemi, erum með stórt sauðfjárbú á íslenskan mælikvarða, framleiðum nautakjöt og mjólkum geitur til að gera geitaosta. Við rekum einnig ferðaþjónustu og leggjum áherslu á að öll þessi verkefni styðji hvert annað. Við bjóðum gestum og gangandi að koma og kynna sér það sem við erum að gera og kaupa afurðirnar okkar.

Frá því að fyrstu fjárlög núverandi ríkisstjórnar tóku gildi um síðustu áramót hefur verðbólgan farið vaxandi og stýrivextir hækkað. Fram að því fóru vextir lækkandi á grundvelli fjárlaga síðustu stjórnar. Ríkisstjórnin hefur ítrekað tekið ákvarðanir frá áramótum sem hafa stuðlað að aukinni verðbólgu og hefur sama og ekkert gert til þess að forða því að kjarasamningar verði í uppnámi síðar í mánuðinum. Þvert á móti hefur hún haldið áfram í sumar að kynda undir verðbólgunni. Meðal annars með hækkun komugjalda á heilsugæzlustöðvar um 100%. Vanhæfni ein og sér getur ekki útskýrt framgöngu hennar.

Blaðamaður brá sér upp á Nafir til að líta yfir framkvæmdasvæði Menningarhússins. Ekki verður betur séð en að jarðvegsvinnu sé lokið allavega í bili.

Á fundi landbúnaðar- og innviðanefndar Skagafjarðar í gær voru teknar fyrir umsóknir í Styrkvegasjóð en fyrir lá styrkur frá Vegagerðinni upp á þrjár milljónir króna sem er um 64% af því sem sótt var um. Samstaða var í nefndinni um hvernig útdeila skildi styrknum en hann skiptist niður á fimm verkefni og hlaut Kolbeinsdalsvegur hæsta styrkinn eða 1.380.000 kr.

Seinni partinn í júlí auglýsti Húnaþing vestra að sveitarfélagið hefði pláss fyrir fjóra öfluga starfsmenn og þá væntanlega til viðbótar við þá sem fyrir eru. Nú er vakin athygli á því að umsóknarfrestur um þessi störf hjá hefur verið framlengdur til og með 31. ágúst nk.

Tindastólsmenn héldu á Ólafsfj0rð í gær þar sem lið Knattspyrnufélags Fjallabyggðar beið þeirra. Lið KF fór illa með Stólana á Króknum fyrr í sumar og vann þó óvæntan en sanngjarnan sigur og Stólarnir þurftu að svara fyrir sig í gær og að sjálfsögðu að halda í við liðin í toppbaráttunni. Það fór svo eftir talsverða dramatík á lokamínútunum að liðin deildu stigunum og lokatölur 1-1.

Reykvíska gæðahljómsveitin Moses Hightower startar tónleikaferð um landið annað kvöld en þá verða tónleikar í Edinborgarhúsinu á Ísafirði. Frá Ísafirði heldur bandið í Eyjafjörðinn og spilar í LYST á laugardegi og á heimleiðinni rigga þeir upp tónleikum í Krúttinu á Blönduósi og hefjast þeir klukkan 16 á sunnudeginum 23. ágúst.

Verið er að byggja nýtt veiðihús í Steinkoti við Flóðið í Vatnsdal á silungsveiðisvæðinu. Fyrir er á staðnum eldra veiðihús, talsvert minna. Nýja húsið er rúmlega 600 fermetrar. Nýja húsið er fimmfalt stærra en það gamla og á það að vera tilbúið fyrir næsta vor.