Fréttir

Lesendur Húnahornsins hafa valið Skarphéðinn Húnfjörð Einarsson, skólastjóra Tónlistarskóla Austur-Húnavatnssýslu, sem mann ársins í Austur-Húnavatnssýslu árið 2016. „Skarphéðinn hefur í meira en aldarfjórðung skipað stóran sess í tónlistar- og skemmtanalífi Austur-Húnvetninga og er það mikil gæfa fyrir héraðið að eiga hann að,“ segir í frétt á Húnahorninu.

Í gær náðist að koma fimm kindum til byggða úr Vesturfjöllum, tvær þeirra voru handsamaðar en þrjá fóru niður fyrir brúnagirðingu ofan Áshildarholts. Þar sem Ari J. Sigurðsson hefur saknað kinda hefur hann farið í fjöllin í nokkur skipti til að athuga hvort einhver von sé á að fé finnist. Árangurinn er sá að ellefu kindur hafa náðst síðustu tvær vikur úr Vesturfjöllum.

Einbeiting, kraftur og samkennd einkenndu hóp björgunarsveita landsins um helgina þegar leitað var að Birnu Brjánsdóttur en um umfangsmestu leit var að ræða sem Slysavarnafélagið Landsbjörg hefur skipulagt hingað til. Félagar úr björgunarsveitum á Norðurlandi vestra slógust í hópinn en um 500 björgunarsveitamenn, tóku þátt í leitinni. Eins og fram kom á blaðamannafundi lögreglunnar á höfuðborgarsvæðinu fannst Birna í gær og var hún þá látin.

Króksamótið hófst í morgun í íþróttahúsinu, Síkinu, á Sauðárkróki í morgun og stendur til klukkan 16.00 í dag. Þar eru yngstu iðkendur körfuboltans að reyna með sér og nýtur mikilliar vinsældar keppenda sem áhorfenda. Mótinu lýkur með æsilegri troðslu- og þriggjastigakeppni meistaraflokks Tindastóls karla.

Skagfirska líftæknifyrirtækið Protis sem sérhæfir sig í þróun, framleiðslu og sölu á lífvirku fiskprótíni úr villtum íslenskum þorski, verður meðal fyrirtækja sem slæst í för með forseta Íslands í opinberri heimsókn hans til Danmerkur í næstu viku. Laufey Kristín Skúladóttir markaðs- og sölustjóri Fisk Seafood og Íris Björk Marteinsdóttir sölu- og gæðastjóri Protis verða fulltrúar fyrirtækisins.

Innanlandssala á lambakjöti var 5,2% meiri 2016 en árið á undan samkvæmt nýjum tölum Matvælastofnunnar en alls seldust 6.797 tonn innanlands í fyrra. Í tilkynningu frá Landssamtökum sauðfjárbænda segir að salan hafi ekki verið meiri síðan hrunárið 2008 en samdráttur var í sölunni þrjú ár þar á undan. Erlendir ferðamenn virðast vera komnir á bragðið.

Í gær var farinn leiðangur í Vesturfjöllin í Skagafirði til að sækja kindur sem vitað var að héldu til við Stakkfellið. Sex manna hópur, á þremur fjórhjólum og tveimur sexhjólum, lagði af stað frá Gautsdal og óku norður Laxárdal og í gegnum Litla-Vatnsskarð. Þaðan var haldið út Víðidal og til móts við Gvendarstaði fundust fjórar kindur, vestan í Stakkfellinu. Þær voru handsamaðar, fluttar til byggða og komið til eigenda sinna.

Fjallbrattir ÍR-ingar mættu vígreifir í Síkið í gærkvöldi og hugðust fylgja eftir góðum sigri á Stjörnunni með því að gera Tindastólsmenn að sínum næstu fórnarlömbum. Slæm byrjun ÍR setti það plan í uppnám og lið Tindastóls leiddi allan leikinn þó munurinn færi alveg niður undir tvö stigin í lokakafjórðungnum. Stólarnir höluðu því inn tvö stig í leik þar sem fegurðin lét í minni pokann fyrir krafti og baráttu. Lokatölur 84-78.

Söngkonan Hrafnhildur Ýr Víglundsdóttir frá Dæli í Víðidal kemur fram í beinni útsendingu í Voice Ísland í kvöld. „Kvöldið leggst mjög vel í mig,“ sagði Hrafnhildur þegar Feykir hafði samband við hana rétt í þessu. „Mig langar að þakka fyrir allan stuðninginn og minna á að ég kemst ekki áfram nema vera kosin,“ sagði hún ennfremur.

Forsala á hið árlega Króksblót hefst í Blóma- og gjafabúð Sauðárkróks í dag á bóndadaginn. Í tilkynningu frá árgangi ´64 er mikil eftirspurn eftir miðum og hver að verða síðastur að kaupa fyrsta miðann. Miðaverð hefur verið lækkað og er því búist við margmenni á þorrablótið ok mikil eftirvænting í loftinu.