Fréttir

Þingmenn norðausturskjördæmis hafa lagt fram tillögu til þingsályktunar um jarðgöng milli Siglufjarðar og Fljóta. Annars vegar vegar eru lögð til gerð 4,7 km langra jarðganga frá Hólsdal í Siglufirði yfir í Nautadal í Fljótum og gerð u.þ.b. 5 km langs vegar til að tengjast núverandi vegakerfi og hins vegar 6,1 km löng göng frá Skarðsdal yfir að Hrauni í Fljótum. Með hvorri leið mundi vegurinn frá Ketilási í Fljótum til Siglufjarðar styttast um rúmlega helming eða um 15 km.

Viðbragðsaðilar í Skagafirði voru með kynningu og sýningu á tækjabúnaði sínum á bílastæðinu við Skagfirðingabúð í dag. Þar var meðal annars hægt að kíkja upp í 22 metra hæð með þar til gerðum körfubíl.

Dreifikerfi raforku er ein af grunnstoðum samfélagsins eins og vegakerfið til ferðalaga og flutninga. Til þess að fara með svokallaða eignarhluti í þessu almannaþjónustu fyrirtæki sem síðan fékk nafnið Landsnet voru hlutirnir skráðir á orkuframleiðslufyrirtækin i landinu sem voru alfarið í opinberri eigu: Landsvirkjun 65%, Rarik 22%, Orkuveita Reykjavíkur 7 % og Orkubú Vestfjarða 6%. Hagnaður Landsnets nam 4 milljörðum króna 2015 og eignaraðilar greiddu sér 400 milljónir króna í arð sem hefði verið betur varið í að bæta afhendingaröryggi raforku til almennings og fyrirtækja í landinu...

Feykir leit við inn í Íþróttahúsið á Sauðárkróki fyrr í dag þar sem æfingar og undirbúningur stóð sem hæst fyrir stórsýninguna „Árið er... - lögin sem lifa“. Í kvöld verður íslensk dægurlagasaga flutt í tali og tónum flutt af landsþekktum söngvurum í bland við upprennandi stjörnur.

Karlakórinn Heimir heldur sína árlegu Sæluvikutónleika í Miðgarði annað kvöld. Sérstakur gestur á tónleikunum er Elmar Gilbertsson tenórsöngvari. Spjallað var við Heimismenn í afmælisblaði Feykis sem kom út í síðustu viku.

Nemendur í leiklistarvali í 8.-10.bekk í Höfðaskóla á Skagaströnd frumsýna í kvöld söngleikinn Mamma Mia í leikstjórn Ástrósar Elísdóttur. Sýningin, sem er ríflega klukkustundar löng, byggir á sama handriti og sú sem nú nýtur mikillar vinsælda á fjölum Borgarleikhússins. Er þar um að ræða glænýja og frábæra þýðingu Þórarins Eldjárn.

Hestamannafélagið Skagfirðingur stendur fyrir tveimur mótum um næstu helgi. Annars vegar opnu punktamóti föstudaginn 6. maí og hins vegar barna- og unglingamóti laugardaginn 7. maí. Er þetta byrjunin að miklu hestasumri í Skagafirði, eins og greint var frá í frétt hér á vefnum fyrr í vikunni.

Íslandsmeistaramót í ísbaði fór fram við sundlaug Sauðárkróks í gær. Það var Sara Jóna Emilía sem sigraði eftir harða baráttu við Benedikt S. Lafleur. Sara sat í ískarinu í 13:13 mínútur í vatni sem var við frostmark og ís í karinu að auki.

Gamla Árvistarhúsið við Freyjugötu á Sauðárkróki verður sett á sölu. Á fundi byggðarráðs, sem haldinn var í morgun, var ákveðið að auglýsa og óska eftir tilboðum í húsið.

Aðalfundur Félags ferðaþjónustunnar í Skagafirði var haldinn á Lýtingsstöðum síðast liðinn mánudag. Á dagskrá fundarins voru hefðbundin aðalfundarstörf og urðu nokkrar breytingar á stjórn félagsins.