Fréttir

Aðalfundur Félags eldri borgara í Skagafirði var haldinn í Húsi frítímans 14.apríl s.l. Fundinn sóttu 60-70 manns. „Starf eldri borgara í Skagafirði er nokkuð fjölbreytt, en húsnæðisskortur stendur félaginu nokkuð fyrir þrifum, en F.E.B. fær aðeins tíu klukkustundir á viku til tómstundastarfa í Húsi frítímans. Þar er spilað bridge, félagsvist og bingó. Einnig er þar leikfimi og handavinna,“ sagði Birgitta Pálsdóttir, formaður félagsins, í samtali við Feyki.

Á ársfundi Byggðastofnunar sem haldinn var í Miðgarði í Varmahlíð föstudaginn þann 15. apríl, var Landstólpinn, samfélagsviðurkenning Byggðastofnunar, afhentur í sjötta sinn. Að þessu sinni hlutu söngbræðurnir fjórir frá Álftagerði í Skagafirði ásamt Stefáni Gíslasyni listrænum stjórnanda þeirra viðurkenninguna.

Björgunarsveitarmenn og Vegagerðarmenn hjálpuðu fjölda vegfarenda í ófærð og illviðri um norðan og vestanvert landið fram á nótt, að því er fram kemur í frétt á Vísi.is.

Í fyrrakvöld fór fram í Sprettshöllinni keppnin Meistari Meistaranna en þar er sigurvegurum í deildum vetrarins vítt og breitt um landið boðið þátttaka. Þeirra á meðal voru fulltrúar úr KS Deildinni og Húnvetnsku mótaröðinni sem náðu góðum árangri í þessari keppni.

Molduxamótið í körfubolta fór fram í íþróttahúsinu á Króknum í gær, laugardaginn 16. apríl, hvar spengilegir ungir piltar á ýmsum aldri og af ýmsu formi komu saman til að gera körfur. Alls mættu sex lið til leiks í 40+ flokki og níu í 30+ og þátttaka því bara nokkuð góð.

Stærðfræðikeppni Fjölbrautaskóla Norðurlands vestra, Menntaskólans á Tröllaskaga og 9. bekkjar fór fram í FNV í gær en keppnin hefur nú verið haldin árlega í 19 ár. Í fyrsta sæti var Friðrik Snær Björnsson, Varmahlíðarskóla, í öðru sæti var Þorri Þórarinsson, Árskóla og í þriðja sæti var Jón Örn Eiríksson, Grunnskólanum austan Vatna.

Nýtt lúxushótel bandaríska ferðaþjónustufyrirtækisins Eleven Exerience að Deplum í Fljótum verður opnað á fimmtudaginn. Þá kom fyrsti hópurinn til dvalar þar.

Handbendi er leikfélag sem framleiðir brúðuleikhússýningar, auk hefðbundins leikhúss, og hefur bækistöðvar sínar á Hvammstanga. Leikhúsið mun framleiða nýjar sýningar, ætlaðar til leikferða um Ísland og heim allan; mun halda vinnusmiðjur og fyrirlestra sem virtir sérfræðingar á sviði brúðuleikhúss munu leiða; og vinna með skólum og kennurum á Norðurlandi vestra.

Uppi eru hugmyndir um byggingu 120 þúsund tonna álvers við Hafurstaði í Skagabyggð í samvinnu við kínverska aðila. Hafa sex sveitarfélög á Norðurlandi vestra undirritað viljayfirlýsingu um byggingu álversins í samvinnu við kínverskt fyrirtæki, NFC, sem hyggst fjármagna álverið að stórum hluta. Hefur ríkisstjórnin veitt 30 milljónum af fjárlögum þessa árs til undirbúnings verkefninu.

-Það er lykillinn að öllu að Costa haldi áfram með liðið, sagði Stefán Jónsson formaður körfuknattleiksdeildar Tindastóls við Feyki í kvöld en Stólarnir hafa komist að samkomulagi við spænska þjálfarann, Jou Costa, um að hann haldi áfram að þjálfa Tindastól næsta tímabil.