Fréttir

Góð skráning er í fjarnám við FNV, að sögn Sigríðar Svavarsdóttur sem hefur umsjón með fjarnáminu. Skólastarf á vorönn á vorönn hófst í dag og í dag er jafnframt síðasta dagur til að skrá sig í fjarnámið.

Nafn: Jón Garðar Jónssson. Árgangur: 70 árgangurinn, ég hafði ekkert val. Hvað er í deiglunni: Að stækka við okkur, jafnvel að hugsa okkur til hreyfings á landsbyggðina. Hvernig nemandi varstu? Í Gagnfærðiskóla var ég var mjög erfiður nemandi og vildi fara mína eigin leiðir, átti erfitt með að hlusta og læra. En í FSU lærði ég að hlusta og læra og þá byrjaði áhuginn á námi og útskrifaðist ég þaðan sem iðnemi með stæl.

Í gær komu félagar í Veðurklúbbnum á Dalbæ saman til fundar á nýbyrjuðu ári. Fundurinn hófst kl. 14:00 og stóð yfir í 25 mínútur en fundarmenn voru þrettán talsins. Klúbbfélagar voru vel sáttir með hvernig til hefði tekist með veðurspá fyrir desembermánuð og raunar allt síðast liðið ár. Nýtt tungl kviknaði 29. des. í austri, sem var jólatungl og síðan kviknar nýtt tungl 28. janúar í NV. Það laugardagstungl sem þykir boða gott.

Karlakór Bólstaðarhlíðarhrepps og Rökkurkórinn halda sameiginlegan nýársfagnað í Húnaveri laugardaginn 14. janúar. Á dagskrá er kórsöngur, kvöldverður, skemmtiatriði og hljómsveit Geirmundar Valtýssonar leikur fyrir dansi.

Kjöri Íþróttamanns ársins hjá USVH var lýst í íþróttamiðstöðinni á Hvammstanga fimmtudaginn 29. desember. Þar var Salbjörg Ragna Sævarsdóttir körfuknattleikskona hjá Keflavík kjörin Íþróttamaður USVH árið 2016.

Á heimasíðu Tindastóls segir að Hard Wok Cafe á Sauðárkróki sé öflugur styrktaraðili körfuknattleiksdeildar Tindastóls en á dögunum fengu iðkendur yngri flokka gjafabréf frá fyrirtækinu.

Á föstudaginn eru allir hvattir til að fá sér frísklegt sjávarbað á Þrettándanum. Verður komið saman norðan við nýja hafnargarðinn í smábátahöfninni á Sauðárkróki klukkan 12 á hádegi föstudaginn 6. janúar.

Fótboltakappinn Rúnar Már Sigurjónsson var gestur knattspyrnudeildar Tindastóls í Húsi frítímans nú rétt fyrir áramótin. Sagði hann frá knattspyrnuferli sínum og þátttöku hans með landsliðinu á EM í sumar. Fjölmenntu ungir og áhugasamir knattspyrnuiðkendur af báðum kynjum sem vildu heyra hvað atvinnumaðurinn hefði að segja. Rúnar Már dró ekkert undan og var ekkert að fegra lífið í atvinnumennskunni sem getur verið erfitt og einmanalegt á köflum þó margar góðar stundir væri það sem gerði atvinnumennskuna spennandi.

Félagsmálaráð Húnaþings vestra leitar til íbúa svæðisins um ábendingar vegna samfélagsviðurkenningar fyrir árið 2016. Allir koma til greina, jafnt einstaklingar, fyrirtæki og félagasamtök. Tilnefningar skulu berast fjölskyldusviði sveitarfélagsins með rökstuðningi og er íbúum frjálst að senda inn nafnlausar tilnefningar. Tilkynningar þurfa að berast fyrir 10. janúar næstkomandi.

Vel á þriðja hundrað manns þreyttu gamlárshlaup á Sauðárkróki sem að vanda hófst kl 13 á gamlársdag. Það var Árni Stefánsson, sem haldið hefur úti skokkhóp á staðnum í rúm 20 ár sem ræsti hlaupið með rakettu. Að þessu sinni tóku 269 þátt, sem er örlítið færri en í fyrra en þá var slegið þátttökumet og veður mun betra en í ár.